البدايه بالسلام اللي علي واجب وسنه = قبل مبدا بالعلوم اللي على شفي وبالي
مسلمٍ من بدت العالم بلشنا وامتحنه = شب ناره واجتمع وياه الاقصى والموالي

مرحبا ترحيبة اللي بالوفي ماخاب ظنّه = معرفة خطلان الايدي يعتبرها راس مالي
ياقحطاني مالك ومال العلوم المستكنّه = لاتنبش فالقبور ولاتعقد فالحبالي

البقا يالصاحب اللي مدته من غير منه = ان وقف سد الجماعه وان حضر مد الجزالي
والله ان الزول عاصم مهنته سواق دنه = مايحل المعضله والحمل فى اظهور الجمالي

ماعليكم زود ياراع الحصان اللي تعنّه = وصلك الرعاد والبراق في وسط الخيالي
مانشدنا كيف حاله.. مانشدنا عن مغنّه = والثقال الها الرجال اللي يشيلون الثقالي

اكثر العربان حاير بين نار وبين جنه = نوب ياقشر الجنوبي نوب ياطيب الشمالي
ما نبا تمر اليماني ما نبا هيله وبنه = طامعٍ في تركتٍ للعود من ماض الليالي

من مشى درب العدالي صاحبي ماصد عنّه = صاحبي ماصد عنّه من مشى درب العدالي
اليماني كم يعاني قاعد ٍ ويدق شنّه = يحلم بورث ٍ قديم ودونه ازحول الرجالي

اليماني لو تمادا رحت لقمه تحت سنه = هرجته فيها وفيها يوم مر ويوم حالي
الهنوف كفوفها حنيتها من كل حنه = مير هات النا الحلول اللي معك يابن الحلالي

المشاركة الأصلية كتبت بواسطة ابو زيد (المشاركة 472958) الله الله يامرزوق :) استلم استلم اليماني لو تمادا رحت لقمه تحت سنه = هرجته فيها وفيها يوم مر ويوم حالي الهنوف كفوفها حنيتها من كل حنه = مير هات النا الحلول اللي معك يابن الحلالي

اليماني كان جا للحرب يارجال رنّه = مايقاومني نهار الهوش لو اني لحالي
الهنوف الها عشيق ٍ جالها مافيه منّه = مار خلك في طرف وارتاح في حيد الظلالي