يا سلامي سلام يعمّ كل القبيله =وانت يالدلبحي خالي يخصّك سلامي
احسب انّك دليله واثر ما انت بدليله=وانت لك في ربوع الجمش عشرين عامي

المشاركة الأصلية كتبت بواسطة الفالح (المشاركة 469525) لاهنت يالجذع بس ما قلت لي انت في صفي ولا احطك معه تحياتي

مرحبا يالبناخي عد وبل المخيله= وانت رجلن تجيب العلم كله تمامي
والله اني دليله فالدروب الطويله=لايغرك نسينا مبهمات الاسامي

ما بقي غير تلبس بنطلوون وفنيله =انت كنّك من اهل الشام لو ما انت شامي
لو نمشّي بعضها .... بعضها مستحيله!!!! =كيف تنسى الخوال و كيف تنسى العمامي

وانت تنقصك عمه مثل راع البليله=ماتفرق حلال المال ولا حرامي
كيف اسمي رجالن مالهم ربع ليله=في ديار الحجاز مخالفين النظامي

ابو عمّه ما هو مثلي ولاني مثيله=والبليله طعام بليس ما هي طعامي
كل واحد عرفنا يا جماعه حصيله=روّح امرح ترى بكره ورانا دوامي

منهو اللي يشيل الجمر داخل شليله!!=ماتباها ولاكن وقعت فالعضامي
طول عمري ويدي في عنان الاصيله=لو تغير كلامك ماتغير كلامي