سـلام تسليـم جزيـل المضاميـن = لعتيبة الوافـين من قلب ولســان
في ملتقى الهيلا عسى حظكم زيـن = جينا نـزف لكم تحـيات جـيران
جيران في الشدة وجيران في اللين = لعتيبه اللي عندنا شانها شـان
ديار البقوم وكل أهلها مهنــين = وأولهم شيـوخ القبايل والأعيان
يانعم والله يا الرجال الشجيعيـن = عـداد ما تمطـر هماليل ألامـزان
ان قيل برقـا قلـت والله ونعميـن = كسابة الطالات فـي كـل مـيدان
تفرح بهم لا جيت في الماقف الشين = لا جا نهار(ن) فيه زوغات الاذهـان
وأن قلت روق مرجحين الموازيـن = تشهد لهم دقلاتهم يـوم الأكـوان
في حربهم تشبع جياع السراحيـن = وفي السلم ريف الجار لو كان ما كان
عتيبة الهــيلا بكـل المـيادين = تلقى لهم في كل مـيدان عــنوان
عذروبكم يا أهل الظفر بس ثنتين = لطامـة العايـل وذباحـة الضـان
امدح رجال فـي المواقف مديحين = من غير اقول فلان وفـلان وفـلان
تستأهلون المدح من أول وهالحيـن = من خلقـت الدنيـا إلى وقتنـا ألان
ما قلت لـي قـول بليـا براهيـن = والرجل ما ينطق على غير برهـان
يوم(ن) بقعا تصفق يسـار ويميـن = خذتم فعول الطيب بأسنـان وعنـان
ما جتكم السمعة على غير تقنيـن = جتكـم بفرسان(ن) تمالح بفرسان
وحنا البقوم اللي سوات الشـياهين = تاريخنا معروف من غير تبـــيان
وكل القبايل يا هل العرف وافــين = كل(ن) يوفي الكيل من غير نقصان
حقوقهم عندي على الرأس والعين = ما أذمهم والحق محفوظ ومصـان
يانعم في كل القـبائل عـزيزيـن = كل(ن) حفظ قدره على مر الأزمـان
واليـوم ربـي عزنـا بالسلاطين = في ظل عبد الله وفي ظـل سلطان
أخوان الحرار اللي على الحق ماشين = أخوان نايف عاش نايف وسلمان
في ظل ربي ثم ظــل الكريمين = عشنا سوا في ظلهم بأمن وأمـان
وافين في كل المواقف وعدلــين = كل القبايل عندهم صـف وأخـوان
معنا ومع كـل القبايـل وفـيين = لاهان أبو متعب وسلطان لا هـان
حكامنا اللـي يدحرون المعادين = لهم ولانـا والعهـد سـر وإعـلان
أشبال عود(ن) قام في نصرة الدين = عبد العزيز مخضب السيف شامـان
يا الله يـا قابـل صلاة المصلين = تجعل له الفردوس منزل ومسكـان
ادعوا معي يا ناس ثم قولوا أمين = حنـا بنعـمة مـا تقـدر بالأثمـان
من فضل ربي ثم فضل المسمين = آل السعـود أهل المكارم والإحسان

المشاركة الأصلية كتبت بواسطة العطــ ابو نواف ــاوي (المشاركة 467618) اخوي حمود غنام المرزوقي البقمي اول شي عساء الله يقبل دعاك في المؤسسه غفر الله له وثاني شي صح لسانك ولا عليكم زود والله يالبقوم قصيدة وافيه من شخص عزيز ومن قبيلة عزيزه على قلوبنا ونعم والله في القبايل كلهم في كل قبيلة حقها من الطيب والطيب ماهو حكر على وقت واحد او قبيلة واحده او مكان واحد بيض الله وجهك على القصيده

المشاركة الأصلية كتبت بواسطة ولد شيبان (المشاركة 467641) كفو والله يا لمرزوقي فيك وفي البقوم وبيض الله وجهك وإن شاء الله نهنيكم بحفلكم ويخرج على ارقى مستوى

المشاركة الأصلية كتبت بواسطة ابن الهيلا الاصيل (المشاركة 467648) صحــ لسانكـــ ياولـــد المرزوقي المرازيق احــد فخوذ البقومـــ والنعم فيكم يا البقوم والله يعطيكـــ العافيه اخوي على هذه القصيدة

المشاركة الأصلية كتبت بواسطة الزيادي2 (المشاركة 467707) الطيب ينبت في ضماير هل الطيب طبع لهم من ساسهم يرثونه بيض الله وجهك وصح لسانك يابن غنام

المشاركة الأصلية كتبت بواسطة ابو ثنتين العطاوي (المشاركة 467730) صح لسانك يالمرزوقي وبيض الله وجهك ولااااااااااهنت على مشاعرك الصادقه وتقبلو تحياتي اخوكم ابو ثنتين العطاوي

المشاركة الأصلية كتبت بواسطة حامد شليل المقاطي (المشاركة 467748) يا حمود المرزوقي صح لسانك و بيض الله وجهك البقوم جيران وارحام وعواني والله وسبعة انعام

المشاركة الأصلية كتبت بواسطة لورانس روق (المشاركة 468314) بيض الله وجهك يالمرزوقي وكذلك البقوم كلهم اللي تربطنا بهم محبة وصحبة وجيرة وصح اللسانك

المشاركة الأصلية كتبت بواسطة السيل-الحافي (المشاركة 468322) تسلم أخوي أبو نواف والله انها مشاعر شاعر صادق انتم تستاهلون من غير ناقص في جميع القبايل تقبل وافر الشكر والتقدير والاحترام ، الله لا يهينك

المشاركة الأصلية كتبت بواسطة ابن خليفه (المشاركة 468341) البقمي بيض الله وجهك وصح لسانك قصيدة جزلة من شاعر جزل

المشاركة الأصلية كتبت بواسطة ابن مشيب (المشاركة 468368) صح السانك ودام بوحك ياحمود , وانعم واكرم بقبيلة البقوم العريقة , ولانستغرب هذه المشاعر الطيبة من اهل الطيب , والله لايهينك ياحمود تحياتي

المشاركة الأصلية كتبت بواسطة عتيبة هل الفزعات (المشاركة 469170) صح لساانك قصيدة واافية من رجاال وااافي لاهنت يااااذيب الفيااافي لاهنت ونعمين بالبقوووم كلهم ااخوياااي وخوتهم ترفع راااسي يوم امشي بهااا

دام رأسك ودامت خوتك

أخوي عساك تسلم

لك شكري وتقديري