في شهر 10 وسط نجد بعهد مروين السلال=توقيتٍ أغلى من بنوك سويسرا وأموالها
توقيت يجمع كاسبين الطيب وافين الخصال=برقا و روق اللي ينومسها قديم أفعالها
توقيت لمزاين هل الطالات ذربين الفعال=الطيب ( مزنه ) والعتيبي يشبه لهمّالها
إن قلت ( برقا ) ما لقيت إلا كريمين السبال=وإن قلت ( روق ) أهل البيوت اللي يظلّ ظلالها
وإن قلت ( برقا ) قلت هيبتهم مثل صمّ الجبال=وإن قلت ( روق ) أقول ما للطاله إلا رجالها
ذولا عتيبه يدّ وحده من قديمات الليال=سقم العدو .. حضر وبدو .. يا حيّ والله فالها
حطّوا مزاين يوم جاله من فضل ربي مجال=يشهد تكاتف لابتي رغم إختلاف أجيالها
مزاينٍ للبل عطايا الله وقيل اعظام مال=لها ذكر فكتاب ربّي رافعٍ منزالها
مزاينٍ ماسيق فيه إلا مزايين الحلال=أقولها وإن شافها غيري بنفسه قالها
ورث الجدود اللي حموها بالرهيفات الصقال=يوم الحرايب فالجزيرة والفتن وإظلالها
ماحدٍ جهل مرباعنا ماض الليالي فالشمال=والصيف بديار الجنوب وفي وسيع اعبالها
ولا مشارينا وحنّا ما نحسّب للريال=دايم هوانا فالخيار ولا نحبّ هزالها
وضحٍ سواة الغيم بالألوان / لله الكمال=فيها العيون تحير من زينٍ حوته أزوالها
ولا المجاهيم البواخر والطويلات الجلال=لاشفتها فأرضٍ خلا ما قلت غير جبالها
والشعل هي والصفر والله ما يوّفيها المقال=بالزين قلّ أمثالها باللون كثر أمثالها
لها مكانه فالقلوب وهالمكانه لاتزال=ماغيرتها الفانيه بأيامها وليالها
واليوم مع راية ( هل العوجا ) عريبين الخوال=كل القبايل تجتمع من جالها لا جالها
نمشي تحت راي الزعيم الوايلي وافي الخصال=لأجله نفادي والمنيّه مانهاب أهوالها

المشاركة الأصلية كتبت بواسطة مجبور اعيش (المشاركة 466561) إن قلت ( برقا ) ما لقيت إلا كريميـن السبـال وإن قلت ( روق ) أهل البيوت اللي يظلّ ظلالها وإن قلت ( برقا ) قلت هيبتهم مثل صمّ الجبال وإن قلت ( روق ) أقول ما للطاله إلا رجالهـا صح الله لسااااااااااانكـ

المشاركة الأصلية كتبت بواسطة قايد_السرب (المشاركة 467007) صح الله لسانك مليوووون ولا تكفي ياولد مشيب ولا عدمنا حرفك يالذيب تحيتي

ماجد هلال

صح السانك ويعطيك الله العفيه


وتقبل مروري