ياهجوس الشعر مدري ياطواريق المعاني=درهمي ذا اليوم راسي ناوي"ن" بالقاف نيه
وان زهمتك يالقوافي لا يجي فيك الهواني=سرمدي لا شان حظك والمسافه سرمديه
وخابرك يالقاف خابر مايجي منك اتعصاني=دامني فسوق الجزايل قاضب خطام المطيه
لكن ابرك فالمراح ولا تصدر يالعماني=لين نجزي بالصمايل راعي السيه بسيه
والله انه مايغيضك غير لا شفت الحصاني=تنهش جنوب الذيابه فالمراقيب العليه
حلم.. مدري علم.. مدري يالخلايق شي ثاني=المهم اني بجندل بالسيوف الأبجديه
ولو ما الله فالهجا ياهل المعرفه قد عطاني=ولا وسمت ألا البيوت اللي توسم بالوفيه
مار شي"ن" حد تركي في زمانه قد حداني=شاش راسي والقدايح ولعت راس الحميه
في نفود السر ممسي والخبر بالخط جاني=محتواه ان المغفل يحسب ان الناس زيه
هيه.. يااللي ماتميز عشرها بين الثماني=الفعايل يخلف الله.. واللسان لسان حيه
يا آل زلفه يازعيم العلمنه يالعقرباني=ياعميل"ن" في بلادي للبلاد العقربيه
كل عام"ن" جايب الك فالملا علم"ن" طماني=ولا تهيد من الخطيه لين تضوي بالخطيه
هب ياوقت التردي والزمان القلباني=الذنب والراس تقعد فاخر الهجره سويه
لكن اركد يا آل زلفه والزم العلم الضماني=بين زرقات الرماح وبين ضرب الصيرميه
كلمتك هذي تحول فوق راسك يالجباني=والرديه يآل زلفه من نصيب أهل الرديه
ما انت كفو"ن" للزمان ولا انت كفو"ن" للمكاني=لا انتحى عقل البنادم وش تفيد الجامعيه
ودك بشق الصفوف وخلخلة بيت الأماني=مار تبطي في هوانك يارسول العنصريه
في وجود اخوان نوره حلمكم ماله مكاني=مار ريح فالجحور وخل عنك العنجهيه
الوطن واحد وحنا ما رضينا بالهواني=يوم صلفات الليالي والعنا قسم الشقيه
ربعي العتبان ربعي فالقسا ولا لياني=عن يمين اخوان نوره فالصباح وفالعشيه
وأنت لا دارت رحاها وارتفع صوت الأذاني=كالسلق لا والله ألا يكرم الكلب وخويه
أنت مالك فالحلايا لا فلان ولا فلاني=كود شمطا يا آل زلفه في بلاد"ن" يعربيه
بنت سعداوي نوال متوجة عرش الغواني=العجوز اللي علاها من تواصيفك حليه
بنت سعداوي تسمى في مصر بأم (...........)=وأنت من طيبك تجذب يم صوت السمسميه
فرق شاسع بين هادم للجدار وبين باني=وبين معروف الهويه وبين مجهول الهويه
لكن أبشر يا آل زلفه بميسم"ن" بين الأذاني=ياتجوز من الفعايل.. يانزيد الجرح كيه

بيض الله وجهك





وصح السانك



تحيتي ,,,,,,,,,,,,,,,, وتقديري ..............لك

المشاركة الأصلية كتبت بواسطة مقاطي الحجاز (المشاركة 463363) والله انه مايغيضك غير لا شفت الحصاني=تنهش جنوب الذيابه فالمراقيب العليه