سلام تسليمةٍ تسمو لبرقا وروق=العزوه اللي سمت للمجد بفعالها
قبيلةٍ فوق فوق وروسها فوق فوق=يامال عين الحسد للعود يامالها

يامرحبا ياهلابك عد نوض البروق =من مزنة(ن) بالمطر يعجبك همالها
يالمرشدي وش وراها عقب ذاك الشروق = كل التواريخ تكتبها وتحلالها

الله يبقيك ياخالد عريب العموق=الكلمه الطيبه ياحي من قالها
صحيح للعز سوق وللمواقيف سوق=وللمعرفه سوق ياخالد وحنا لها

نبا نسوق المعاني والطواريق سوق = وندور الطيبه ونعزّ مثقالها
صحيح كلمتك حق وكلمة الحق ذوق = وازيد حنا لطمنا خشم عيالها

ياللي تعرف الحقوق ولاتغر الحقوق=الناس تعرف مخارجها ومدخالها
ياخالد اشوف بعض الناس عيا يروق=واهل المناقيد فال الله ولا فالها

حاول تشيك عليها يالسان الصدوق = من قبل عند العوارف ينشر ارسالها
اهل المناقيد سد افواهها بالطبوق = القوم من غيضها في حال يرثالها

تقولها وانت جبت العيد. لكن ذوق =تراك عمً لها مادام انا خالها
كم واحدً خافقه مما يشوف محروق=معاد له حيلةً فالوقت يحتالها

المرشدي غط يالله ياعسى انه يفوق = ويميز الارض ساحلها من اجبالها
السالفه يالعتيبي صار فيها فتوق = حدد مسار الهدف والحمله اشتالها

قامت عليك الدواير يالعصيمي تضوق=والناس من خلقت الدنيا هذا حالها
يابينها فالغروب وبينها فالشروق=ماني بمشتالها في ضهر حمالها

كم واحدٍ خافقه من ما يشوف محروق =ما عاد له حيلةٍ فالوقت يحتالها