سلام الله سلامن تقطع الفرجه وجرد البيد = ولا تاقف على باب المقفي لو يجر الصوت
نحسب العيد عند اعتيبه الهيلا بثوب اجديد = واثرهم عودو مثل الحروب ويقنصون الحوت

هلا يامرحبا تبرالها يلي مسكت السيد = نبى نكتب خبر عنها ويبقى فالصخر منحوت
تحسب !! ولا حسبنا مار كل ايام رربعي عيد = مابين العيد عيد وعيد يالله تغبن المفلوت

المشاركة الأصلية كتبت بواسطة ابو زيد (المشاركة 452058) سلام الله سلامن تقطع الفرجه وجرد البيد = ولا تاقف على باب المقفي لو يجر الصوت نحسب العيد عند اعتيبه الهيلا بثوب اجديد = واثرهم عودو مثل الحروب ويقنصون الحوت

ونعمٍ في عتيبه كلهم مابين جيد وجيد = ولاكن في بحركم ما لقيت الدر والياقوت
بيوت المجمعه ماهي سوات مخامس ابن مهيد = نعزيكم نهار العيد ياهل الفاس والنبوت

حنا كسبنا النعم لكن مانبـاه امـن العبيـد = كلٍ فعوله تنطق بفعله ليـا حـان الوقـوت
تجيب العلم لكن يافتى علمك في رجله قيـد =تعزينا !! وانا ماني موكل في رسول الموت

الاوله : دامك قليل العرف ابو قلبٍ بليد = لا عاد تقلط يالشبح ويا كبيرين البخوت
الثانيه : تراك فى الزفه كما الأطرش فريد = صل الفرايض في مقابيل الليالي لا تفوت