المشكله اللي بين حبيب وبن شايق
 

بسم الله الرحمن الرحيم
يالربع نطرح الموضوع بكل جديه ونتناقش فيه بعيدا عن المهاترات والعلوم اللي مالها لزوم وبعيدا واهم شي عن العصبيه القبليه.
دخلت منتدى قبيلة قحطان ويقولون المشكله اللي بين حبيب وبن شايق هي في حفله عند القحاطين بعد زواج السامر موجود فيها بن شايق ومستور العصيمي وحبيب العازمي وقام بن شايق وزهم مستور في معنى البيت يقول بن شايق لمستور تعال يالثعلب انا سمعت عواك قام حبيب وقال على طول بعد بيت بن شايق قال يالربع الثعلب صوته عواء ولا الذيب قالو لا الصوت للذيب قال هي اكرمكم الله وسرى هو ومستور.
القصه صحيحه يالربع واللي يعرفها يعلمنا بها وينقل لنا محاورة حبيب وبن شايق اللي في زواج السامر مع تفسيرها.
الله لايهينكم.
ودمتم بخير وصحه وسلام.
مــــــــــودتـــــــــــي...

والله علمي علمك

اشكرك على المرور يالمقاطي.
تــــــــحــــــــيــــــــــاتــــــي.

شبل الغبيات اشكرك على المرور وننتظر الرد من الربع.
تحياتي..

ابن نجم الذيابي اشكرك على المرور يالغالي.
تحياتي..

ها يالربع علامكم..

القصه اللي قلتو بين مستور العصيمي و عبدالله بن شايق فقط

حيث ان مستور سب ابن شايق بدون سبب ببداية المحاوره وفي

حفلة العتبان وبن شايق مدعي ومعزوم وليست حفلة السامر

فرد ابن شايق برد متمكن اذكر منه الشطر الاول حيث قال :

حنا سمعنا صوتك يا ذيب يا نباح 0000

فقام مستور بقطع المحاوره وقال ياجماعه الذيب يعوي ماينبح

واللي ينبح الكلب وانا ماني بكلب فقط هذا ما دار بكل امانه 0

00000000000

اما سالفت احبيب العازمي و عبدالله بن شايق فهي غير

فقد اللتقو بحفلة المغتره ولم يسبق للشاعرين ان تلاقو من قبل

والحقيقه الغايبه عن الجميع ان الشعراء المشهورين مثل حبيب

بذالك الوقت حينما يسمعون بظهور شاعر قوي جديد يتحاشون اللعب

معه بتاتاً ( وهذه طبيعه الشعراء اغلبهم ) حتى لا يتمكن الشاعر

الجديد من الطلوع وظهوره كنجم خصوصا لو كان من قبيله اخرى

بل ويتامرون عليه و يهبطو من عزيمته وقدراته لكن الشاعر القوي

وصاحب النفوذ يجبر هاؤلا الشعراء على اللعب معه ثم يظهر لانه

لو بقي يلعب مع الصغار لظل صغيرا هذه الموامرات والمنافسات الغير

شريفه معروفه للقريبين من الساحه الشعريه0

ولكن في حفلة المغتره تم الاختيار من راعي الحفل وطلب مقابلة

حبيب العازمي ضد عبدالله بن شايق وكانت محاوره قويه جداً

وهي كا لاتي دون نقص او زود :




حبيب العازمي
سلامي على آل سعود وضيوف ال سعود = سلام بمسك العود نسمة هبوبه
وطنا وطنا منبع العز والجود = ودحر المعادي كان شبت شبوبه

عبدالله بن شايق

انا بالنيابة قمت والخير موجود = عن الاسره الي ضيفهم رحبوبه
بلدنا مجندنا وحنا له جنود = على السلم سلم وللمشاكل عقوبه

حبيب العازمي

ترا العاقل الي يعرف النقص والزود = قبل مايعرف الدار يعرف دروبه
بذلنا على وضح النقا كل مجهود = لكن انت لابدك تلاقي صعوبه

عبدالله بن شايق

ترا العاقل الي ياخذ الحق بشهود = ونفسك على الطرقه ماهيب مغصوبه
ليا صار فالميدان حاوي ومردود = انا اصل العرب واصلي يعرف العروبه

حبيب العازمي

ليا قلتها قلت الك مانيب محدود = ولاكن داب الغار ينفخ ذروبه
زمان مضى والناس طارد ومطرود = كثير العرب ناخذ شماغه وثوبه

عبدالله بن شايق

توقع ترا فالعب نار وبارود = وراع العيوب اصد مكشف عيوبه
وانا اقول ليلن قربك جعله يعود = وانا عارف قلبك يحسب ذنوبه

حبيب العازمي

رصاص المقمع صفر مافيه عبرود = ولا يشفي الغازين لو حاربوبه
وانا قول صعبه طقت العود بالعود = ولكن حاسب والعلوم محسوبه

عبدالله بن شايق

كثير العرب لو مات ماهوب مفقود = وانا يوم جيت السوق شفت الجلوبه
اشهد عليك احمد وحماد وحمود = ارويك وانت تصد منته بصوبه

حبيب العازمي

ياراع المنيحه ردها لاخر الذود = تبي تحتلبها بس جتك محلوبه
زمان الهوايل يجمع البيض والسود = واشوف الهوايل جات والوقت دوبه

عبدالله بن شايق

ياويلك من الي صار والباب مسدود = ترا راعي الساحل يعرف الرطوبه
انا لي يمين ودين ووعود وعهود = لا اقوم اتعجبك واحطك عجوبه



0000000000000000000000


ومن بعد هذه المحاوره ,, والبيت الاخير من ابن شايق

يشترط الشاعر حبيب العازمي على صاحب الحفله

عدم وجود الشاعر / عبدالله بن شايق القحطاني

عند حضوره وان وجده سوف يغادر الحفله ولن يعيد شي من المبالغ

المدفوعه للمكتب مسبقاً 0

يالسنحاني مساك الله بالخير.

القصه قلتلك حفله بعد زواج السامر والحفله اللي نقلتها انت هي بين حبيب وبن شابق في زواج السامر.
تحياتي وارجو ان تتاكد من الموضوع..

بيض الله وجهك يا السنحاني

الي يبي يفهم وش صار يفطن للبيت هذين الشطرين ويعرف ليش حبيب يرفض وجود عبدالله بن شايق

كثير العرب لو مات ماهوب مفقود = وانا يوم جيت السوق شفت الجلوبه
اشهد عليك احمد وحماد وحمود = ارويك وانت تصد منته بصوبه

اشكركم يالربع على المرور لكن ننتظر بقية الشباب للرد..

تحياتي...

اتمنى الاخوان يفيدونك

لان ما عندي علم بذالك !!

في انتظار ردود بقية الشباب..

في انتظاركم يالبقيه.

حبيب لم يحضر المحاورة وكانت الحفلة عند الشيخ/حمود الجهيمي في جو

فيهامطلق الثبيتي و صياف ومستور وابن شايق

لعب مستور وابن شايق على طاروق لم يستمر 4ردود وكان اخر رد عند ابن شايق ويقول ياذيب عودت ......نباح بعدها سرا مستور وما قال شي بعض الاخوان يقول ان مستور قال الكلب ينبح فهذا غير صحيح

غيّر ابن شايق بقاف من ذهب اتمنا ايرادها في هذا المنتدى

حين قال ابن شايق
سلام الله سلام لو رميته فالبحر ما غاص =سلام لو وضعته تحت حر الشمس ما ماعي
انا احب الغلا واهل الغلا والا الرخاص رخاص=على سوق الغلا لاهل الغلا شاري وبياعي

وفي القاف رد صياف يعترف بقوة ابن شايق وانسحاب مستور (لا اقلل من ابو تركي فهو عميد الشعراء)
كلام موثوق لو فيه فيديو جبت لكن الحفلة مافيها الاصوت
وشكرا

الردود يالربع..

000

فلاااااااااااح
000
مساك الله بالخير وياليتك تفطن لهذا البيت ان كنت ناقد وتفهم الشعر

والمعاني
00
7
7
7
7
7
هنا زرع حبيب المعنا والسم الذحاح وهذا البيت تمنى ابن شايق
انه ماحصل وانت اعتقد تعرف قصة هالبيت واذا تبي شرح ماعندي مانع

؟؟؟؟؟؟؟
ياراع المنيحه ردها لاخر الذود = تبي تحتلبها بس جتك محلوبه
زمان الهوايل يجمع البيض والسود = واشوف الهوايل جات والوقت دوبه

000
والمحاوره التي جمعت بين ابن شايق ومستور كانت في حفل الجهيمي في منطقة 00جو00قرب المزاحميه وانا كنت حاظرها ولم يكن فيها الشاعر حبيب العازمي كانت تجمع 0مطلق الثبيتي ومستور وصياف الحربي
000

ياراع المنيحه ردها لاخر الذود = تبي تحتلبها بس جتك محلوبه
زمان الهوايل يجمع البيض والسود = واشوف الهوايل جات والوقت دوبه


شعار هذا البيت له علاقه بقصة برجس وابن هيف صح والا لا؟

يقصد حبيب يافارس الطايف انه يا بن جعيثن رد بن شايق لايلعب معي خليه يلعب في الاخير في

نهاية الحفل وقته ماهو بالحين.

الوكاد أني كلمت حبيب قبل فترة ..

وسألته قلت لو طلبوا منك تلعب مع ابن شايق تلعب ولا لا ؟؟


قال عادي لو العب معه ولا بيننا شي ...

وأنا أقول أن الظاهر سبب المشكله المجلات ..


وشكرا .,.,.,.,

يا الربع ما هو على شاني اقحطاني اقول ذا الكلام بس حبيب تضايق من هذا البيت وارجو من ابو زيد الي فسر بيت حبيب يفسر هذا البيت دامه فتل بيت حبيب يقدر يفتل بيت ابن شايق الي يقول



عبدالله بن شايق
كثير العرب لو مات ماهوب مفقود = وانا يوم جيت السوق شفت الجلوبه
اشهد عليك احمد وحماد وحمود = ارويك وانت تصد منته بصوبه

انا مع ان الشاعر حبيب العازمي
أكبر بكبير من شاعر بحجم بن شايق مع تحياتي

سبب المشكله ان ابن شايق سب حبيب ومستور في المجله

وقال انهم مزترزقه وانهم يجون بفلوس وانا مأجي بفلوس ومن هذا الكلام

وبعد فتره صار ابن شايق ماجي الى بفلوس عند طريق المكاتب نقض كلامه

وصرح حبيب في مجله انه مايلعب مع رجل يسبهم عبر الاعلام


وسلامتكم

ياناس الكبير كبير فسرو الابيات وتشفون السم اللي لعب بحبيب ماقلنا شي حبيب شاعر كبير وله مكان في الساحة لكن ابن شايق كان الفارس
في المحاورة وقصة مستور في ردي المسبق
























الكلام كثيرررررررررر لكن عبدالله بن شايق وحبيب العازمي كلهم شعراء
ونرجو انهم يتقابلون مرة ثانية














عاشق حسناء

ياربع اللي اعرفه وشفته ان الملعبه المذكورة هي في زواج السامر


وهي موجودة تنقلها الساحة 2 وكان واضح كل منهم افراد العضلات على


الاخر وكانت خصمه قويه بينهم ولكن ماعرف انه حصل بعدها مشكله


بعد هذي المحاورة او غيرها