المطران والعتبان وشاعر المليون
 

هذه القصيده منقوله من احدى المنتديات



ياشاعر المليون حطمت الامـال
منت الطموح اللي نبيه ونريـده
سببت لك فتنه على روس الاقذال
وراحت ضحياها القلوب البليـده
ناسٍ تحسب المسأله ساحة قتـال
وكلٍ على الثاني يحد الحديده !!
ياناس ياعالم هذا الحكي بطـال
والمسأله ماغيـر ذوق وقصيـده
الشاعر اللي يعجبك كـل ماقـال
ارسل على شانه رساله وحيده !!
فزعاتنا ماهي بتصويت جـوال
فزعاتنا حطّت حكومه رشيده !!
حنا قبايل نجد ذربيـن الافعـال
اصغر ورع فينا عن امية وليـده
وياعتيبه الهيلا صناديد الابطـال
حنا مطير اهل العلـوم الفريـده
حنا سما عالي كما الغيث همـال
وانتو الجبال الراسيات الشديـده
وانتو فعايلكم تـدرّس للأجيـال
وحنا وصلنـا للنجـوم البعيـده
رجالكم على العدو سيف سـلال
ورجالنـا دايـم عـدوّه فقيـده
انتم وحنّا كالبناخي مـع الخـال
الطبع واحـد والعلاقـه وطيـده
مطير وعتيبه تقل نسـل رجـال
كل البدايـد تعتبرنـا بديـده !!
وان عودت شعر وقوافي وموال
انتم عواميـده وحنـا رصيـده
شعاركم اهل الجزاله والامثـال
وشعارنا الشعـر نفسـه تزيـده
فيكم حبيّب والفحل ابـن هـذال
وفينا سعد سلطان وتركي الوليده
شعار صح وابياتهم كلها اجـزال
وقصيدهم يزيد سعـر الجريـده
نبقى على روس النوايف والاقذال
وياشاعر المليون ماهي جديـده
مطير والعتبان حطّووك بالعـال
ومن دوننا رصيدكـم عالحديـده



للشاعر / تركي الديحاني

ودي احطه بمنتدى مطير بس انا سجلت هناك لكن ماقدر اكتب
يقولون بيرسلون تفعيل للاسم ولكن مارسلوا
ولي شهر وسجلت بكم نك لكن مايسجل
اتمنى انها توضع هناك

اقسم بالله اني مسجل من 9اشهر ولكن لافعولوا عضويتي ولا شي !!! .شكلي مقدم علي البنتاقون . الله يديم نعمةالاسلام

وين اللي يفهمون معنى هذي القصيده ويبطلون التعصب بين القبايل

قصيده معبره وتسلم يمينك واسفاه
وموجودين اهل الخير وانشأالله ينهون التعصب القبلي

ليتك والله قلت شمر والعتبان ولاعنزة والعتبان ولاحرب والعتبان ولا الدواسر والعتبان ولا اي قبيلة ثانية

عتيبه ومطير في غنى عن هالعصبيه

كلهم بينيخي وخوال وانساب الله يلعن اللي يسبب الفتنه بينهم

وانا اعرف مطرررررررررران واجد والله مايرضون حرف واحد ينقال عن عتيبه وكذلك في عتيبه وانا واحد منهم ما ارضى حرف على مطير في غير محله

لاهنت اخوي على الطرح

صح لسان الشاعر ومشكور