الهيـــــــــــــلا *** منتدى قبيلة عتيبة

الهيـــــــــــــلا *** منتدى قبيلة عتيبة (http://www.otaibah.net/m/index.php)
-   شعر المحاورة (http://www.otaibah.net/m/forumdisplay.php?f=52)
-   -   مصافحة (http://www.otaibah.net/m/showthread.php?t=49768)

مجندلهم 15-Oct-2007 11:22 PM
مصافحة
 
ياسلامي عليكم يالرجال القروم=من هجوس(ن)تصافق فالحشا جالها
كل طير(ن) معه جنحان يقدر يحوم=والحرار النوادر فالنا فالها

أبو زيد الهلالي 15-Oct-2007 11:54 PM
مرحبا يالمسلم عد وبل الغيوم=والبيوت الجزيله حض من قالها
قمت يالحر الأشقر جعل حضك يقوم=والكحيله لفاك اليوم خيالها

مجندلهم 16-Oct-2007 12:21 AM
البقا يالمرحب فاللقا بالسلوم=في حلال توسع صدر من جا لها
مالنا فالدعاوي يالهلالي لزوم=دام حظي مشاريف السما طالها

أبو زيد الهلالي 16-Oct-2007 12:43 AM
هات دق العلوم وهات جل العلوم=وكل حسنه تجازا عشر بمثالها
كان حضك وصل ياصاحبي للنجوم=العرب ياعميل الخير بافعالها

مجندلهم 16-Oct-2007 01:01 AM
فالعلوم الجزيلة يالزميل امخدوم=مار فتح عيونك زين واصحى لها
والفعايل ختمنا فوقها بالختوم= وانت لا زيدها ولا أنت بهلالها

أبو مازن-العضياني 16-Oct-2007 01:15 AM
بيـــــض الله وجيهكم الا

واصلــــــوا




ولاهنتم ,,,,,,,,,,,,,,,,,,

أبو زيد الهلالي 16-Oct-2007 01:19 AM
فيه معطى من العالم وفيه محروم=والعلوم الهزيله مالك ومالها
الحقيقة تراها ياقوي العزوم=دلتك شارب ٍ يا صاح فنجالها

أبو زيد الهلالي 16-Oct-2007 01:24 AM

ووجهك ابيض يابو مازن

وحياك ربي وشكرا على المتابعه

مجندلهم 16-Oct-2007 01:42 AM
ياحليلك تحسب ان العوافي تدوم=طحت فالمصيدة وازريت تشتالها
ما بقالك معي ياكود فرك الخشوم=ودلتك يالهلالي ناثر حثالها

مجندلهم 16-Oct-2007 01:44 AM
مرحبابك يابو مازن مليوووووون

أبو زيد الهلالي 16-Oct-2007 11:37 PM
طبعنا واحمدالله مانقابل رخوم=نرفع النفس عن شرواك واشكالها
الحرار النوادر فوق روس الرجوم=ماتجي فالطماني فوق منزالها

مجندلهم 17-Oct-2007 12:55 AM
مرحبا بك يالهلالي..ومن طول الغيبه يقولون البدو جاب الغنايم..

وعز الله انك جبتها ..(مربوعة)..صبرك ثواني يالغالي..

مجندلهم 17-Oct-2007 12:59 AM
لو يضيق الهلالي ..صاحبي ومحشوم=له مكانه على راس الجبل نالها
مار ليته يميز بين حر(ن) وبوم=والعرب ماتجازى غير باعمالها

مجندلهم 17-Oct-2007 01:02 AM
أخوي الهلالي فالأوله والتالية..صح لسانك..

استمتعت باللعب معك

..والختام علاك..

أبو زيد الهلالي 17-Oct-2007 12:35 PM

أخوي الهلالي فالأوله والتالية..صح لسانك..

مجندلهم أخوي فالتاليه والأوله .. صح بدنك

استمتعت باللعب معك
معك اللعب متعه

..والختام علاك..
..واستلم خاتمتك ..

أنت مره مدافع نوب مره هجوم=وان بغيت القوافي قمت تبرالها
منت قد المواقف منت ند الخصوم=مار بعض الأوادم نلطف بحالها

مجندلهم 17-Oct-2007 12:49 PM
أخوي أبو زيد..الله يلوم اللي يلومك..

..تاكل المطب بدون شعور.. وكنك غانم..

تحيااااااااااااااااااااااااتي

أبـــو مشـــعاب المطــيري 17-Oct-2007 02:18 PM
ابو زيد



مجندلهم



صح ألسانكم ولا هنتوا


مجندلهم مطبك ماهو مطب الله يغفر لك فالاوله والتاليه

ابو زيد صح ألسانك بالاوله والتاليه ولا هنت

مجندلهم 17-Oct-2007 02:54 PM
ابو مشعاب...هههههها

يوم عرفت انك ماكلك مطب في قافي معك قلت هالكلام..

لكن وقع الفاس فالراس..ولا بيدك حيله..

تحياااااااااااااااااااااتي

أبـــو مشـــعاب المطــيري 17-Oct-2007 03:00 PM
تصدق ماخذ مقلب بنفسك انت



ابك انت ضاربً بطن الشعيب الله يصلحك



اتصور لك أمورً الله واعلم فيها

مجندلهم 17-Oct-2007 03:25 PM
أبك عود عود يالمطيري لمحشرك..

وخل أبو زيد الهلالي ..يخدمك في نفسه

أبو زيد الهلالي 17-Oct-2007 08:31 PM

أخوي أبو زيد..الله يلوم اللي يلومك..
طيب ليش تلومني ؟؟!! ... وبعدين وش مزعلك المفروض تستانس ..!!

..تاكل المطب بدون شعور..
ليه جايك على ددسن على شان أكل مطب ..!!

وكنك غانم..
أجل غانم متعود ياكل مطبات ..؟؟؟ .. بسلامته مأعرفه

تحيااااااااااااااااااااااااتي
قبلناااااااااااها

=========

اقتباس:
المشاركة الأصلية كتبت بواسطة أبـــو مشـــعاب المطــيري (المشاركة 442578)
ابو زيد



مجندلهم



صح ألسانكم ولا هنتوا


مجندلهم مطبك ماهو مطب الله يغفر لك فالاوله والتاليه

ابو زيد صح ألسانك بالاوله والتاليه ولا هنت
صح بدنك يابو مشعاب المطيري .. والله لا يهينك على الحضور والتعليق
تقبل احترام وتقدير أخوك أبو زيد الهلالي


الساعة الآن »01:42 AM.

 Arabization iraq chooses life
Powered by vBulletin® Version 3.8.2
.Copyright ©2000 - 2025, Jelsoft Enterprises Ltd