محاوره حبيب العازمي وتركي 2000 في مهرجان المغترة...ا
 

	حبيب سلامي تسليم الوجوب اللي علم المسلم وجوب= والمسلمين اخوان والمنهاج منهاج النبي ياليتني كل الزمان اقضية في جو الجنوب= الجو طيب وأطيب من الجو شوف معزبي تركي 2000 يامرحبا ترحيبة حره ولا فيها عيوب= عنوانها التقدير والمضمون في سد شنبي شوف الامير اللي يسر العين ويسر القلوب=لاشك هذا مطلب حبيب وهذا مطلبي حبيب يابن عطالله من ثيابك لبس المجنون ثوب= واليا رقد قله ذكي وليا صحى قله غبي الأرض خلقت للأنام ولسلام وللحروب= وانت تخير يالمطيري ثم قلي وشتبي تركي2000 ماني وكيل للمجنن لو تضيق بها الدروب= اللي مع الدرب يعدي واللي مع الدرب يحبي انا على ممشاي واحسب حسبتي من كل صوب= واهم شي اعيش عمري ماتغير مذهبي حبيب الجاهل اللي يوم شب النار عرضها الهبوب= طارت بها هوج الرياح وقال ناري وحطبي ياشمس طلي واسفهلي واستعدي للغروب= لون الشفق قبل الغروب اخف من دم الضبي تركي2000 الجن تابت واسلمت وابليس عاصي مايتوب=والجن مثل الانس فوق الارض وابليس يهبي ترى متون الآدمي لجل الحساني والذنوب= وان ضاع جهدك وتعبك ماضاع جهدي وتعبي حبيب الحاصل إنا لو نشب النار في الصخرة تذوب= لكن سلملي على القرقاح وأرحب ياصبي مافيه شي يضيع فالأيام والوقت محسوب= وانته من الصدقان فالمطران وابليس اجنبي تركي 2000 ان كان ينجيك الهروب اظهر علامات الهروب = وإن كان ماينجيك خلك تحت هيبة منكبي دنياك تلعبك على ماتشتهي وأنته لعوب= والهم لاجاء في قلوب الناس يسباها سبي حبيب حنا تحت هيبة سلاطين القبايل والشعوب= وانا حبيب وانت ياتركي تراك حبيبي ياللي تخضون البحر ترى البحر عيا يروب= واللي بعيد الدار في تالي الزمان قريبي تركي 2000 منته على بعض العلوم اللي تنقدك مغصوب= كل يشوف الفرق بين الأعجمي والأعربي

ابدااااااااااااااااااااااااااع اتمنى ان تنال اعجابكم

ياسلام يا سلام

أبداعك يجعلنا نقف لنصفق لك كثيرا ً

وبصراحة الشكر قليل في حقك ..

تسلم يمناك ولاهنت

وشاكرين ماقدمت

أخوك : طارق النفيعي

ان كان ينجيك الهروب اظهر علامات الهروب
وإن كان ماينجيك خلك تحت هيبـة منكبـي

دنياك تلعبك على ماتشتهـي وأنتـه لعـوب
والهم لاجاء في قلوب الناس يسباها سبـي



الله عليك يابو عطالله مدرسه

الله عليك يابو عطاالله من جنبها دايم خضير ماعليك شرهه وكفووو يا حبيب العازمي ليت ابو ضروس يفهم قالو تركي قالو.

الله ياحبيــب &&

بس انا اقول ان حبيب قلل من جماهيريه تركي عقب كشـــب


اكل هواء تركي ..

ابداع ابداع ابداع يا ابو فيصل بيض الله وجهك والله يطول في عميرتك..

محاوره رائعه
كلا الشاعرين ابدع

اشكر لكم مروركم
وتقبلوا تحياتي جميعا

بيض الله وجهك يا راع العليا

صراحة محاورة رائعة ابدع فيها تركي ولكن تسيدها حبيب كعادته ..

بالنسبة للمعنى حسب مفهومي الخاص فهو بدأ من البيت الثالث لحبيب لأن البيتين الاولى لحبيب وتركي ترحيب و رده.

يقول ابو فيصل :
يابن عطالله من ثيابك لبس المجنون ثوب واليا رقد قله ذكي وليا صحى قله غبـي
ويقصد به جمهور تركي من شباب المطران الطائش فهم قد طارو بتركي وجعلوه شاعر الوطن وشاعر ليس له مثيل وهذه افعال المجانين ثم يقدم لهم نصيحة ان يركدوا إن كانوا أذكياء

الأرض خلقت للأنام ولسلام وللحـروب وانت تخير يالمطيري ثم قلـي وشتبـي
ثم يقول إن أردت الإثبات على كلامي هذا فميدان المحاورة امامك

يرد تركي :
ماني وكيل للمجنن لو تضيـق بهـا الـدروب اللي مع الدرب يعدي واللي مع الدرب يحبـي
انا على ممشاي واحسب حسبتي من كل صوب واهم شي اعيـش عمـري ماتغيـر مذهبـي
وقد اجاد تركي بهذا الرد فهو يوضح انه ليس مسئولا عن هؤلاء المجانين ولا يستمد قوته منهم وانما يمشي على طريق مرسوم لا يتغير

يقول ابو فيصل :

الجاهل اللي يوم شب النار عرضها الهبوب طارت بها هوج الرياح وقال ناري وحطبي
ياشمس طلي واسفهلي واستعدي للغـروب لون الشفق قبل الغروب اخف من دم الضبي
وعلى نفس المعنى يؤكد حبيب أن هؤلاء الجهلة من الشباب الذين رفعوا تركي وأعطوه لقب شاعر الوطن وانتقصوا شعراء وقامات الشعر وأوقدوا الفتنة بين القبائل ثبت أنهم ليسوا على شئ عندماظهر مستوى تركي الحقيقي عند جمهور الشعر الحقيقي و متذوقيه

ثم يرد تركي

الجن تابت واسلمت وابليس عاصي مايتـوب والجن مثل الانس فوق الارض وابليس يهبي
ترى متون الآدمي لجل الحسانـي والذنـوب وان ضاع جهدك وتعبك ماضاع جهدي وتعبي
وهنا يحاول تركي استعادة السيطرة على المحاورة فيقول ان جميع الشعار اعترفوا بي الا انت خوفاً من ضياع مركزك في شعر المحاورة كما يزعم

ثم يأتي الرد من حبيب:
الحاصل إنا لو نشب النار في الصخرة تذوب لكن سلملي على القرقاح وأرحب ياصبـي
مافيه شي يضيع فالأيام والوقت محسـوب وانته من الصدقان فالمطران وابليس اجنبي
في الشطر الاول يفتخر ابو فيصل بقدرته الشعرية و يحق له فمركزه لايتغير بظهور اي شاعر على الساحة ويكرر في الشطر الثاني عدم اعترافه بتركي كشاعر لمطير العزيزة ..اي سلملي على احد شعراء مطير المعتمدين - شليويح او زيد - وارتاح انت يا تركي .
هذا ما استطعت كتابته من فهمي الخاص وللقارئ جزيل الشكر ..

طيب ايش المعنى يالربع..

تسلم يالسويبع على المرور والتحليل المنطقي

تحياتي لك

صح السانك ياحبيب والله انه اكله ترى في الهواء وسرا<<هههه



تركي ياجماعه شاعر صوت فقط



وحبيب شااااااعر مطنوخ الله يطول عمره

كفووو من كلا الشاعرين حبيب و تركي

مشكور يا راع العليا

ياجماعة ترى المعنى مافهمة تركي

حبيب قال :
الجاهل اللي يوم شب النار نطحها الهبوب ... يقصد فيه الرياحي
اللي كان موجود في المحاورة

ورد تركي مافهم :

وقال حبيب :
اقول سلملي على القرقاح وأرحب ياصبي

وهي محاورة ابها صيف 2007 ميلادية

مشكور وبيض الله وجهك

و الله و النعم في حبيب العازمي

المعنى فيصل الرياحي واضح جداً ،،،،،،،،،،،،،،،،، وحبيب في بيته هذا يقصد الرياحي

يابن عطالله من ثيابك لبس المجنون ثوب واليا رقد قله ذكي وليا صحى قله غبـي

وأأأأأأأأأأضح جدا..

هذي مايبي لها نشدت شيخ تركي مايقارن بحبيب العازمي

حبيب مدرسه وشبح في الملعبه على الشعار وتركي شاعر ماينهضم


بس يبطي مايقارن بحبيب



يقول حبيب لمطلق رحمه الله

سلام الله سلام فيه تسليمه وظربة راس يمر الباب الاول ويتمركز داخل الثاني\\

انا اشوف الثبيتي قام يظربي جموع الناس على جرة جموع الناس عنيته وعناني\\

انا الشاعر وانا الماهر وانا السابح وانا الغطاس وانا اللي لو تدرهم ياثبيتي ماتعداني

آمييييييييييييييييين ..

ويكثر من امثالهم ..

يا تركي قامت الايام تنطحنا بغير قرون ## الا يا وجد روحي يا الكلام اللي تقولونه

ياسلام

تسلم على النقل الرائع

نواف البراقاي ..

لا هنت ابغى محاورة كشب فيديو ..

هلابك بدر الكريزي

أولآ / أسمي نواف البرقاوي:mad:

ثانيآ / صح النوم (( البر والبحر دروا عن محاورة كشب ));)

ثالثآ / أبشر بطلبك:)

http://www.youtube.com/watch?v=fZ2fz1DYTVk#


ولك تحياتي

نواف البرقااوي


أولاً .. آسف غلط مطبعي :D

ثانياً .. هههههههههه
داري عنها والله بس كنت ابغاها فديو ..

ثالثاً .. الله يجزاك الجنة قل آمين :)