ياسلامي عليكم ياعتيبة سلام= عد ماتمطر المزنة بوبل ابردي
مايطب الزحام الا رجال الزحام= والطويلة علمها شايلة في يدي

مرحبا يالسبيعي والهمام الهمام = دام لديت عينك ياولد فالجدي
ولو تعب الذخيره كلها فالحزام = منت قادر تصيب النجم يا الاجودي

الجدي واليماني كلبوها تمام= لانصيبك ردي ولا نصيبي ردي
كل ماجاك ردي خاطبة باحترام= وامسك الدرب الايمن عنة لا تحتدي

كل شيٍ وله ضده وحسب النظام = وان تعديت حدي لازم اذبح فدي
هات مافي ظميرك قابلين الكلام = البحر يالسبيعي لا تحسبه مدي

ماتركنا الصلاة ولا تركنا الصيام= يوم بعض العرب لبليس عبدن هدي
لاخلطنا السوالف من حلال وحرام= حنشلين لفطتة باسفل المعضدي

فالجهل والله انك جبتها ياغلام = لا غزتكم عتيبه يومكم اسودي
وانعم الله علينا ثم اطعنا الإمام = مار من خاف منا علمه يرقدي

يوم طعن الرماح ويوم زرق السهام= لابتي كل خلق الله بها تقتدي
ويوم عم الامن والدين والحظ قام= صل في مسجدك وانا على مسجدي

المشاركة الأصلية كتبت بواسطة بن عبيدان (المشاركة 439557) يوم طعن الرماح ويوم زرق السهام= لابتي كل خلق الله بها تقتدي ويوم عم الامن والدين والحظ قام= صل في مسجدك وانا على مسجدي تمسي على خير اخوي سلطان ولا هنت

بيض الله وجهك يابن عبيدان