سرياقلم واكتب من الراس تعبير
 

[poet font="Simplified Arabic,4,black,normal,normal" bkcolor="transparent" bkimage="backgrounds/11.gif" border="none,4,gray" type=0 line=200% align=center use=ex length=0 char="" num="0,black" filter=""]
سرياقلم واكتب من الراس تعبير = ابيات من راس السليس العطاوي
من هاجس مابين ورد مصادير = هاجوس يسرحبه وهاجوس ضاوي
هذيك تقفيبه والاخرى مناحير = ليا ادلهم الليل والذيب عاوي
لي مهنه تعرف على غير تفسير = لاساكن (ن)قريه ولاني بشاوي
سائق سفينه بر وواصل السير = ياما على الجرمن قطعت الدهاوي
درت الجزيره كلها دوره تاخير = وليا بغيت الدرب ماني بثاوي
ودرت الخليج بدوره البحر تدوير = دوره رحى من كل ذيك النحاوي
لو الصحافه قابلتني بتحرير = اظهرت صوره سهلها والنزاوي
من كثر ماسفرت مرات تكرير =الله خلقني في حياتي شقاوي
اللي قضيته من حياتي مشاوير = اواصل الرحلات كني جلاوي
ماولعني مترفات الغنادير = مالوعني ذابحات المهاوي
لين عرظتلي وحده شكلها غير =زملوق عشب ناعم في المطاوي
مدري كما موز على ساقي البير = علاه ظل ومشرب العرق راوي
من يوم شفته غير عليه الفكر تغيير= غير عليه منهجي والهقاوي
من يوم شفته صادني صيدةالطير = عليه قلبي كن يلويه لاوي
كل النهار اقضيه غفله وتفكير = والليل يمضي شارد الفكر وداوي
موجات قلبي ياخذن له تصاوير = مع العرب لكن كني خلاوي
ماظهرت له من رمز حبي مذاكير = خفت وخشيت مولفين الدعاوي
بغيت ابرر له عن الحب تبرير = ولاني بواثق من ظبي العثاوي
ولزمت عنه الحب سر ومجاهير = لانه قريب ومن قرابه الدناوي
ليا كشفني ماتفيد المعاذير =يصعب على اللي من قريبه حياوي
مالي وماله مار هاذي مقادير = لو اجتنبته كان صرت متشاوي
ماصار صار وماكتب لك يبا يصير =وش عاد ينفع ماتفيد الشكاوي
لزمت صمتي لاتبين الغثابير = ماعاد لي مدخال درب رجاوي
وقررت احيله للرجال المناعير = ومن يسند الموضوع ماهوب غاوي
يأهل الونيت اللي بغيت المحادير = اخذ الكتاب ان كان للشرق ناوي
اخذ الكتاب وجعلها لك مسافير = لأهل الكويت مدلهين الفداوي
سلم علاهم جعلهم زود في خير = وانشد عن الحربي وحذرا تراوي
جزاء ولد صالح زبون المخاسير = حلال عقد معقدات البلاوي
مروين حد المرهفات البواتير = اليا جاء نهار فيه هوش ونخاوي
الياجاء لعجات السبايا معاصير =تعرف مزينه يوم شهر العزاوي
تلقا دلاله في المناره مباهير = دلال شاميات والنجر ماوي
دايم يرحب في محله ليازير=ماهوب من اللي يكثرون الزراوي
وقل يالمزيني ياعشير المناعير =انته هدف خطي وراس الحراوي
وان قال ماعرف صاحب الخط ياخير = قله عرفك وصرت عنده رهاوي
قله سمعك تصخر الشعر تصخير = وأنته على رد التماثيل قاوي
وسجلت لك من واقع الحال تقرير = بينت موضوعي برمز الشكاوي
ولا ارسلت ابي من حر مالك دنانير = انا احمد الله في حياتي غناوي
تبدلت باليسر عقب المعاسير = صار الغني هو والفقير متساوي
قصدي وتهديفي من الوقت تقزير =نبا نقزر وقتنا بالسلاوي
ويكفيك مني يافتى الجود تقدير = وأبا مرد يسمعه كل راوي
وارجو السموحه كان فالقول تقصير =ماكامل الا الله بديع سماوي
وصلو على خير البشر فاعل الخير = اللي طمس بالدين ملحد واوي
ختام ماقلته من الراس تعبير = ابيات من راس السليس العطاوي

[/poet]

هذى القصيده للوالد رحمه الله ومسنده للشاعر جزاء بن صالح الحربي مقدم باديه الكويت

اخوكم /
يوسف سلمان السليس

الله يرحمه ويسكنه فسيح جناته

تسلم والله يالسليس

وافيه وافيه ولا هيب بحاجة شهادتي

ونحن بانتظار المزيد من قصيد الوالد الله يرحمه هذا ما تكفي يايوسف

ويا هلا والله ومرحبا وبانتظار المزيد

8
8
8
اللهم امين وجزاك الله خير

الله يسلمك
وابشر ياخوي

ومشكور على المرور
وياهلا وغلا اخوي فيك

الاخ يوسف السليس الحقيقه قصيده طيبه جدا ومثل ماقال ابن عاصم وافيه ..
الله يرحم الي قالها ويسكنه الجنه امين ..
واذا قدرت بدون امرا عليك تجيب رد الحربي جزا لئنه دايم ردوده طيبه ...
وتراك مسموح لو ماحصلتها الله يعطيك العافيه
تقبل تحيات اخوك \ ابن فرحان

8
8
8
امين

الاخ ابن فرحان القصيده ارسلت قبل ازمه الخليج ب 3 اسابيع تقريبا وجت الازمه وحاست الشغله كلها والغلطه اني مارسلتها بعد الازمه الى ان توفى الوالد الله يرحمه
عموما جزاء مارد لاني متابع وواضع صندوق البريد واحتمال ماوصلته القصيده

تقبل تحياتي ومشكور على المرور

الاخ يوسف

قصيده رائعه الله يرحم من قالها وبيض الله وجهك

الاخ يوسف السليس
مثل ما قالو اخوانى اللة يرحم الوا لد وبيض اللة وجهك
ونطلب المزيد من الشعر الطيب
اخوك/ الرويس

كلك ذوق يالغالي
اللهم امين
ومن يقوول
شكرا على المرور تشرفنا

هلابك يالرويس
ابشر طال عمرك
شاكر لك مرورك
لاتقاطع تحياتي

بيض الله وجهك على ها القصيدة و الله يرحم كاتبها و يسكنه فسيح جناته
اخوك نهيان الحمادي

8
8
8
هلا وغلا يانهيان سررت بمرورك

الله يرحم قائلها ويسكنه فسيح جناته


قصيدة معبره


بيض الله وجهك يا يوسف السليس .



تقبل تحياتي

الله يجزاك خير يابو وعيل
ومن يقول طال عمرك
مشكور على الرد والمرور الكريم

بارك الله فيك
 

رحم الله ابا يوسف

شكرا أخي يوسف على هذه المشاركة الجميلة نأمل منك المزيد .
فلقد قرأت لأبيك رحمه الله قصائد عدة ولكن للأسف لا يحضرني منها شيئا
وفقك الله

الله يرحم والدنا كلنا يايوسف
ويسكنه فسيح جناته ..امين يارب العالمين

قصيدة جزلة من شاعر كبيرجداً كان بامكانه وبقليل من الانصاف لموهبته الفذة ان يكون من اشهر شعراء الخليج على الاطلاق .

تحياتي يوسف

اخوك: محمد

Re: بارك الله فيك
 

العفو اخوي الذيب

حياك الله وابشر بالجديد المفيد

الله يجزاك خير يامحمد
شكلك مو غريب علي من اسلووبك

عموما مشكور على الرد والمرور الكريم

هلا ومرحبا بك يالسليس
 

هلا والله يابو سلمان
ومشكووووور والله على إتحافنا بقصيدة الوااااالد ( والله يرحم أبن قعدان)
شاعر معرررررررروف وجزل,,, أسكنه الله فسيج جناته
والله لا يهينك وترى أخوانك وعيال عمك بحاااااااااجه ماسه لمثل هذه المشاركاااات


تقبل تحيات
أخـــــــــــوك ( العطـــــــــــــــاوي)

الله يرحمه
 

الاخ / يوسف السليس

بيض الله وجهك على هالقصيده
(والله يرحم أبن قعدان)... ويسكنه فسيح جناته.....
.................................................. ..................................................

Re: هلا ومرحبا بك يالسليس
 

هلا والله بالعطاوي
العفو اخوي والله يجزاك خير على دعواتك
ولاانت تهون وابشروا باللي يرضيكم
بس ماعرفتك اذا ماتبي تقول هنا ارسلي رساله خاصه
عموما مشكور على الرد والمرور
تحياتي لك .,,.,,

هلا بك يالسليس
 

هلابك أبو سلماااااااااااان
ومشكووووور على ردك
أما بالنسبه لسؤالك ( فدعها فإنها مأموووره)
وإنشاء الله راح أقول لك من أنا بس في الوقت المناااااسب اللي أنا أشوفه
( عموما الوالد الله يرحمه ويسكنه فسيح جناته)
شاعر معروف عند ربعه ولكن أبيك تتحفنا بقصائد له غير اللي أنت شاركت بها
وانا سمعت إنك أنت شااعر وإذا ماعندك مانع ياليت تشارك بإحدى قصائدك..

والله لا يهينك ؟؟؟؟؟؟؟؟ أخوك ( العطاوي) الدوادمي

هلا والله بالعطاوي
لابلاه انت تعرفني معرررفه تامه
من قال اني شاعر ماعندك احد خخخخخخخ
ولاتدري
لياعلمتني انشررر لكم مساجلتي انا والوالد

هلا يوسف
 

هلا بك / يوسف السليس
هلا والله.................... ( أما اعرفك فهذه مايحتاج) لا غبار عليها؟؟؟؟؟
أما بالنسبه غنك ماتقولي عن قصائدك ( فهذا شي راجع لك وأنت حر بذالك لكنني
أحببت أن أسمع لك فقط)
أمن بانسبه لمن أناااااااااااااااااا؟؟؟؟ فهذه بعدين؟؟؟؟؟؟

للنواصل معي على المسنجر
albhattar@ hotmail.com

هلا والله بالعطاوي
شرفتنا اخوي
تحياتي

الله يرحم والدك
وقصيده في غايت الروعه وقليل ما سمعت مثل هذه القصيده

يوسف سلمان السليس

تسلم هاليد وشعر جزل بديع ... الله يرحم الوالد ويسكنه فسيح جنانه .

تسلم يا يوسف
 

يوسف مشكور على ايرادك هذهالقصيده الرائعه
من شاعر معروف وغني عن التعريف
الله يرحمه رحمة واسعه



تقبل تحيات ابو سليمان الروقي

البتار جزاك الله خير مشكور على تشريفك للقصيده عزيزي ولاهنت يالغلا
تحياتي لك .,,,,,.,,,,

الوليد الاسعدي الله يسلمك
اسعدني مرورك يالغالي
لاهنت والله
تحياتي لك .,,,,.,,,.,,,.,,,

رحم الله قائلها واسكنه فسيح جناته


وكل الشكر للاخ يوسف على هذا الطرح المتميز

ننتظر الجديد

وتقبل تحيات اخوك


مرزوق الجعيد

رحم الله القائل

واطال الله عمر الناقل

قصيده اكثر من رائعه

تحياتي لك يايوسف

عتيبي عفيف