الصــــيف حل وسابق الصيف براق =والصــــــيف دايم يســـبقنة بروقــــة
وأنا أحتري الجوزا على قلب مشتاق = فــــي شوفها قلبــــــــي تخايط فتوقة
أزريت أسامر عدها والحــشا ضاق = وجسمي نحل والقلب يبست عروقة
وأقـــــول يابرقن للاشـــــواق سباق = عن لاهب الكـــنة فرق في لحــــوقة
تــو التويـــبع قبل مـــبداك مـــاواق = عجلن سحابك يكشف البرق فـــــوقة
أثرك نديـــم الوقـــت والوقت سراق = خلـــــــيت كبدي من عناك محروقة
وأنا غريــــب ومطلق النفس والساق = حيث القــــدم حكمة براسي وأسوقة
يالمورقــــــي للنفس لزمات وأشهاق = تكــــن ماجـــاها وتطلب رفــــــوقة
وأن زاد فـــــيها الهم طاق على طاق = تكشف خــــفايا قلبها قبل شــــــوقة
وقتن شحـــــيح وحبلة قصير وأدقاق = والادمــــــــي بـوح الخفا من حقوقة
والطــــيب مكسب والمواجيب ميثاق = مثل الامـــــــانة في الايدين مغلوقة
والبــــــــيت مايبنى بلا طنب ورواق = وليا أرتخــــــــى طنبة تكاثر شقوقة
ملفاه عـــار ويدهــلة شــين الاخلاق = وكر الردي اللــــي نواياه عـــــوقة
وبيت الكرم عنة المخاســـــــير تنعاق = يكرم عن أصحاب النفوس السروقة
يفخر بمــنزالة رفيـــعـــــــين الاذواق = وراعــــــية من طيبة سخاتة سبوقة
شــــــباب نارة والحطب جرم وعثاق = ونجـــــرة من النجمة تصحي دقوقة
ملــجا الغــــريب اللـــي ليا حلبة راق = ونصر الضعيف اللي خذوا كل نوقة
ومنصاه مثل الماء ليبــســـين الاريـاق =ولمقابلة نفس المعـــنا شفــــــــوقة
عرفة غنات النفس والعـــــرف ينساق = ماهو غنات اللي ربح وسط سوقة
وأنا أعرف اللــــي للمواثــــــيق ماباق = اللــــــي كـما حرن كفخ في سبوقة
مــــثلك يابو خــــــالد ولانـــــيب لفاق = هـذي حقـــيقة جت بنفسن صدوقة
ويمك نهجـــت الشــعر خطن بالاوراق = أبـــــــيك تنصفلـي بشعرك وذوقة
طاري طــــرا والفكر مغشـــي ولافاق = والبرق هيض خاطري يابن روقة
باللــــي تباهــــي ســــيد تلعات الاعناق = اللـــــي بعدها يسكب الجفن موقة
فـي حـــبها باقي بقى جــــمع وأفـراق = ولاواللة أعشق عقبها أي مخلوقة
وكان اللقى بالصــــيف مابــــين عشاق = ياللـة عسى نجمة يبيــــن شروقة
وأقابل اللـــــــي من علـــــيها الدلع لاق= وتزول عن قلبــــــــي بقايا فتوقة
والـــــيوم صبر الروح ماعـــــاد ينطاق = جاك الجواب ورد في يديه طوقة

هب ريح العليل ويمته من شمال =يوم هبت نسانيسة علينا طريت
جاء خيالك وذكرني وكن الخيال = ماتركني ولاكني تركت الكويت
والا أنا يوم أسافر قبل مدة ليال = قاصد أنساك لكن يالغظي ماقويت
حي طاريك ياللي دونك البعد حال = ياعذابن سكني حي واليوم ميت
قبل لاروح منك الدمع حول وسال = يوم شفتك تودعني بعينك بكيت
قلت أبغيب يمكن بالسفر لي مجال = أنتهي منك لحظة مير أظني بديت
أثر طول المسافة ماتزيل الوصال = لو تحول المسافة بيننا مانسيت
صار بعدك عذابي ياكثير الدلال = حدني عن منامي لين فيك أحتديت
زارني وإعتناني في رضى وأنفعال = نوب أغمض ونوب أفتح لقياه بيت
أفسح الفكر له وأجلس معة في الضلال = وأستمع له ولامنه حكا لي وحيت
وأتبادل له الهرجه بعف ودلال = وأن سألني عن الغيبات منة أستحيت
وأتحاشى سؤالة ثم أرد السؤال = ليه أنا كل ماقلت أنتهي ماأنتهيت

المشاركة الأصلية كتبت بواسطة شاعر نجد (المشاركة 513313) صح لسانك ياشبيب وننتضر رد الشاعر المبدع الشاعر النجم القادم بقوة (فلاح خالد المورقي)

المشاركة الأصلية كتبت بواسطة عبدالله بن دبيس العتيبي (المشاركة 513336) بسم الله الرحمن الرحيم السلام عليكم ورحمة الله وبركاته صح السانك ياخوي شبيب على القصيدتين الجزلتين الرائعتين ماشاء الله عليك ياخوي شبيب شاعر جزل مره اخرى صحححححححححححح السسسسسسسسسسانك وننتظر رد فلاح المورقي وتقبلوا تحياتي

شبيب صح السانك


ويعطيك الله العافيه



وتقبل اعجابي بالقصيده



وفالك البيرق



ولك تحياتي