اسرد لكم قصة رسول السلام=النبي محمد وهو خير الانام
عاش النبي في كنف جده يتيم=عبدالمطلب سيد قريش الهمام
ورضاعه عند بني سعد عتيبه=حليمه ترضعه حولين تمام
ورجع لاهله ثم عاد لحليمه=حتى يعيش حياة البدو الكرام
وجاه ملكين وشرحواصدره=واخرجوا مضغة حقد وعتام
ورجع لمكه فتيٍ يافع =لقى الحجر الاسودعليه خصام
كل قبيله تبي تفرد بحطه=جاء الامين ووزع المهمه قسام
حطه على رداه ومسكهم اطرافه=وشالوه للركن وهو له اقام
نشا بمكه ماسجد قط لصنم=بغار حراء يفكر بملكوت علام
رافق عمه ابوطالب برحلة =مروا بحيراالراهب سالهم عن غلام
قالوا عند الركايب امينا عليها=قال مااظلتكم غيمه من غمام؟
قالوا صحيح وهذا ماجرى لنا=ولقى ختم النبوه بين كتفيه وسام
وحذر عمه من اليهودلاتكيده=وخاف عليه من غدر اللئام
وثقت به خديجه و تاجر بمالها=ومشى التجاره بترتيب ونظام
جاه الوحي وهو بغارحراءيفكر=هزه جبريل وقال له اقرا بالكلام
رجع لبيته يردد دثروني زملوني=مايدري حصله علام والا حلام
فزعت خديجه لورقه بن نوفل=قال هذي نبوه وعز العرب فيه قام
ثم جاه الوحي وكلف بابلاغ الرساله=ونشرها عند العرب يمين وشام
واسري به للقدس بليل داجي =وعرج به عند ملك الملوك العظام
وفرضت عليه الخمس بالسما= ووعد بالشفاعه وبلوغ المرام
طلبوا دليل للنبوه واشر بصبعه= على القمر وانشق نصفين شمام
ثم انتشرت االرساله بين البرايا =وتناقلوا ماقاله من حلال ومن حرام
وهاجر للمدينه بعد ما اشتد به البلا=وصار عند الانصاربغاية الاكرام
وبنى مسجده ثم حن لفرقاه جذع =وبلال يصدح باذانه يوقض النيام
وبدت اولى المعارك وامها في بدر= وصاربها طعن رماح وضرب حسام
ونزلت تناصره ملائكه من السما= كل ملك جاء بهيئة فارس ضرغام
ثم احد وحنين والخندق وفتح مكه= وحج الوداع عقب ما اكمل الاسلام
وصلوا على محمد ياسامعين قولي=رسول عليه افضل صلاة وسلام

المشاركة الأصلية كتبت بواسطة ربوع نجد (المشاركة 434441) اللهم صلى وسلم على نبينا محمد وعلى آله وصحبه أجمعين صح لسانك وبيض الله وجهك

المشاركة الأصلية كتبت بواسطة المشرف (المشاركة 434455) اللهم صلى وسلم على نبينا محمد وعلى آله وصحبه أجمعين واسري به للقـدس بليـل داجـي ** وعرج به عند ملك الملوك العظـام الاخ غازي كلمات جميله ورائعه وصح لسانك وبيض الله وجهك على هذه القصيده. تحياتي

المشاركة الأصلية كتبت بواسطة قف امامك عتيبي (المشاركة 434530) مشكووور ولاهنـــــــــــت

المشاركة الأصلية كتبت بواسطة محمد الزايدي (المشاركة 434556) اللهم صل وسلم على سيدنا محمد ,,,,,, صح لسانك يامشرفنا القدير ,,,,,, وتقبل مروري ,,,,,,