اول مـانـبـتـديـبـه شـكـرنا لـلـواحـد الـمـعـبود =عـبـيـد لـه وجـنـدلـه ولأمـر الـرب عـبـادي
نـصـلـي لـه ونـخـشـع للذي بابه ماهو مسدود= ومـن يـرجـي ثـوابـه يستمع لأمره ويـنـقادي
عـلـى سـنة رسول الله ماهي مـلـة هل التـلمود= ولانـؤمـن بـفـكـر الزنـدقه وافكار الإلحادي
وثـاني مـبـداي تسلـيمة وفاء من ماجد العبود= عـلـى مـن لمه المحـفـل وجا متعـني وبادي
بـأول هـجره لقطمان المحازم والخبر موكود= سـنام اللي بنوها اجدادنا واحيوها الاحـفادي
تـنـفـيـذ لدعوة الداعي حضرنا في مقر الجود = والـلـيـلـه لـيـلـة حـلـوه مـثـل ليال الاعيادي
شـفـنا معـظـم رفـاقـتـنا وفودٍ جات بعد اوفود= وكـلٍ مـبـتـهـج ويـقـول الـلـيـله عيد ميلادي
فيها تم التعارف والتقارب والحضور أشهود= عـلـى جـمـعة قبيلتنا شباب وشيب وأولادي
تـهـنـي يـا سـنـام بـعـز وعـزك كل يوم يزود =بـلاد اهـلي وربعي والخوال وديرة أجدادي
وغني يا بلاد طحي واهلك لك سند واعضود =بـلاد الاد عـاصـم ذكـرهـم بالطيب يزدادي
وتـجـمـيـع الـرفاقه واجب لمن يبذل المجهود = وبـيـت الـعـز يبنى بالعمد وأطناب واوتادي
تـرانـا مـن جـسـد واحد مافينا حاسد ومحسود= وابـونا عاصم اللي نعتزيبه ضد الأضدادي
جسم واحد مافينا احمق ولا طايش ولامقرود = تعـلـمنا الأدب واحنا صغار بسن الأوغادي
خلوكم صف واحد واذكروا ماضيكم المعهود = والـوحـده واتـحـاد الصف تلجم كل حسادي
تـرابـطـكم ووحـدتـكـم تكـيد اهل النكد والكود= بـرأيـاً واحـد موحد وروح وقلب وأجسادي
عـلـيـكـم بـالـتـضـامن والاخوه ياعيال العود =والـخـوه والـمـحـبـه لـلـقـبـيله زند وازنادي
ترى الدين النصيحه والنصيحه حبلها مـمدود = ومـن لا يستمع لأهل النصائح ضايعوغادي
وتـرى شـقـر الـعـصا يـاربـعنـا مذمه ومنقود = وحـنـا كـلـنا من صلب واحد جمع وأفرادي
زمـانـاً فـات يـوم ان الـقـبايل طارد ومطرود = حـامـيـن ادياركم ماحدٍ طمع فيها ولا سادي
رجــال لا زمــى الــعـايـل زموا واعموه بالبارود= وعـود مـنـهـزم مـاعـاد له رجعه ومعوادي
هل العادات والردات لاجاء للمناخ اجـرود= مـدفـنـة الـركـب زمـل المناخ ايام الانكادي
عرجاء تشهد لكم والحرمليه والجبال السود= ومـعـركة الـرشـاويـه لـكـم فـزعـات وامـجـادي
وابو هضيد واطرافه جاء للحري رعد وارعود= ويـوم بـالـوطـاه الـكـم بـها صوله وميرادي
وفي خشم الدغيبيس انتصرتوا والعدوا مـلــدود = كسرتوا شوكته بارماحكـم وسيوف احدادي
تواجهتوا مع اغزاته بعدما اقفوا بجل القود =ولحقوهم بـنـي عاصـم وردواكـل الاذوادي
باولهم راعي التومه فارسكم خيرة الموجود =فـزع مـن اجل جيرانه وفك البل من العادي
أيـام الـجهـل وايـام التخـلف والفكر محدود= هــذا يـنـهـب وذا يـسـلـب وذا لـلنـار وقادي
وبعد ماسمعوا ان الحكم لله ثم لابن سـعـود= لـبـت كـل الـقـبـأيـل لـلـذي بالمصمك ينادي
ولملم شملهم عبدالعزيز وناصر المضهـود = واخذ عـلى الـقـبـأيـل كـلـهـا عـهد وتعهادي
وحد شمل القبايل وانحنى السيد مع المسيود = تـحـت رايـات ابـو تركي زعيم ماله اندادي
قضى على التناحر والصراع بسيفـه المـجـرود = ودسـتـوره كـتـاب الله وطـبـق سـنـة الهادي
وانضموا ربعنا للجيش الابيض مشيخه واجنود= كـل مـقـدم نـفـسـه لـبـيـع الـروح ومـفــادي
بقيادة شيخهم سلطان وجمعا ينطح البـارود= سـلـطـان ابالـعلا رايه سديد وراعي شدادي
سـلـطـان دمـاغ مفكر وعقل مدبر ومحسود= عـلـى مـأيـمتلك من حكمه ونظرات ابعادي
زعيم اهل سنام مع الخوان ولاعـليه اقـيـود =وقـطـمان المحازم درعه الواقي والاسنادي
بيرقهم من ضمن بيارق عتيبه مع بن سعود= جـمـوعـايوم حومات الوغى للموت ورادي
ضحوا بارواحهم مافكروا بالولد والمـولـود =بـالـطـايف والرغامه وتربه واحتلوا الوادي
تحت بيرق مؤسس مملكـتـنـا والعباد اشهود= وقـر الحكم لمعزي وغابت شمس الاحقادي
امضى من سيرته بمصارع الاعداء ثلاث اعقود = وحـصـل غـايته وامناه وحقق حلمه وزادي
وعـقـب لـه مـلوكـا كـلهـم على طريق العود= عـلـى طـريـق والدهم بتوجيهات وارشادي
واليوم نعيش باستقرار بضل الحاكم الموجود= مـالـه شـبـيه بملوك العرب وامثال واندادي
عـبـدالله لـلـبلاد اضلال وحنا له سند وازنود= حبيب الشعب حبه في قلوب الشعب يزدادي
وابو خالد ولي العهد رجـال الوفـاء والجـود= وزيـر الـجيش سلطان الهدى حكيم واقيادي
بتدبيره وتفكـيره واخلاصه للوطن مـشـهـود= طـور قـواتنا الاربع بكل اصناف الاعتادي
لردع المعتدي من كل صوب وزمرة الليكود = وحـنـا نـشترك مع جيشنا ما ناقف احيادي
ونحـارب زمـرة الارهـاب والـمارق مع النمرود = ومـن تـاه الطريق وضل في عمياه متمادي
حكومتنا الرشيدة حددت للمجرمـين احــدود = لـمـن شذ وتمرد وانحرف مع كل سرمادي
تـبي تـقـضـي على دابر جميع اهل القلوب السود = غـوات مـالـهـم بـصـفـوفـنـا موقع ومقعادي
نـحـارب كل متغـطرس ومن صابه غرور وزود = وهـرول مـع عـصـاة مالها مهرب ومشرادي
تراى الغرور للمغرور شر الجاهل المقرود = يـوديـه بـمـتـاهـات ومـجـاهـيـل وتـمـرادي
عسى الله يصلح الغاوي ويترك شلته ويعود = يعود لرشده ويصحى ويسمع لاهلالارشادي
وانا ماني بمكلوف بخطا راشد ولا مرشـود =حـتى لو شفـت بعـض الناس في ممشاه متحادي
كلامي واضح موضح ولا لي مقصد ومـقـصـود = افـهـمـهـا يـا الـسـمـيـح وانـت لـلـشـعـار نـقـادي
واخـتـم مـا قـلت واصلي على نبينا المحمود = عـلـى شفـيـع الامـة كـلـهـا نـبـيـنـا الـهـادي

يــــــــا ربــــــــعــــنــــا ذبــــح الــــحـــــيــــران = وارهــــــــوا عـــــلــى الخيل الحليب
نـــــبـــــى نـــــطــــارد خــــيـــل بن ســـفــــران= ونــــفـــــرق حـــبـــيــب عـن حـبيب
لــعــيـــون صــيــتــه بــنــت ابـــن ســـحـــمـــان= نــــدقـــــل عــــلـــى جــمع الحريـب