قال أبن مسلم بقـولٍ إيقـدي = مع هل العرف في نظم المثايل
ثابتٍ سـاس بيتـه مايهـدي=مستقيم البناء ماجـاك مايـل
في مزاين بني عمي وعـدي= صرح إ بها عبر كل الوسايل
ياعتيبه نبا الموضوع جـدي= ميزوا حفلنـا بيـن القبايـل
من عطاه الولي خير(ن)يمدي= مابقى وقت ياعيال الحمايـل
حان وقت التنافس والتحـدي= كل واحد يبا ضمـن الاوايـل
البل .البل لهـا بالقلـب ودي =بالحشا حبهـا سوى الهـوايـل
إبلنا كم وكـم عنهـا نصـدي= من سنين مضت فوق الاصايل
ماحسبنا حسـاب لكـل نـدي= راجحٍ كيلنـا والشـك زايـل
روق وبرقا تضد لكل ضـدي= قولـن مثبتينـه بالـدلايـل
رجلنا عن مية رجل(ن)يسدي=يذبح الحيل ويلطم كل عايـل
يـوم كلـن لماواجـه يعـدي= في نهارٍ تضيع إبـه الدلايـل
يوم من راح يمكـن مايـردي= قبل حكم السعود اهل الفعايـل
وننعم اليوم بأمـن ٍ مستبـدي= ماعلى الشعب ناقص لو قلايل
قول من في لزومه مستعـدي = دلبحي ماأتقى والراس طايل

المشاركة الأصلية كتبت بواسطة فيصل القثامي (المشاركة 432094) الله اكبر .. الله اكبر .. يابن مسلم مبببدع .. بحق .. صح قلبك . وكلك فائق الود

المشاركة الأصلية كتبت بواسطة متعب العصيمي (المشاركة 432444) صح لسانك مدد بلاعدد .. وبيض الله وجهك على الجزله .. دام عطائك .. ولك حزيل الشكر..

المشاركة الأصلية كتبت بواسطة مرزوق العتيبي (المشاركة 432486) ... . بيض الله وجهك يافارس عوايدكم الطيب ياربعنا .. ... اخوك ....

المشاركة الأصلية كتبت بواسطة بيرق الشعر (المشاركة 432691) صح اللسانك وبيض الله وجهك على القصيده الجزله