قصيدة للفارس بخيت العطاوي !!!
 

ذات مره غزا بخيت البقوم ومعه جماعة من الحفاه يراسهم ساير التوم الا ان حصانه بليد فاخذت ( قويله بنت ساير التوم ) يدا الذبيحه واعطتها بخيت واوصته على والدها0

وخلال المعركه صار كل من تردى عن جواده غنمه الاعداء لان السلاح سيف ورمح وقد تردى حصان ساير التوم وليس عنده من جماعته الا ابن الاصيقع وقد نجا فرسان عتيبه بانفسهم ولحق قطنان البقمي بساير الا ان بخيت ادرك ساير وانقذه واصاب قطنان وغنم حصانه وبعد ان عالج قطنان حتى شفي اعطاه حصانه وقال له وصله لساره الوازعيه هديه وفعلا وصله قطنان وسلمه لساره وقال بخيت يصف المعركه:


ياقويله جينا بمن يذبح الكـــــــــوم000لو راح ماتنفع سمان العـــــــذارا

ياقويله قطنان حنث على التــــــوم000وابن الاصيقع خالفه من يســـارا

فك الخوي حق علينا وملــــــــزوم000ومدعينن فك حام الثبــــــــــارا

ياعنك مايقضي لك الحاجه اليــــوم000مايقضي الحاجات كود الحرارا

والله يا لو ان الخوي غانم الــــروم000انه عشاهن عند خشم النــــوارا

ابوك نعم فيه مايلحقه لــــــــــــــوم000لا شك غوجه قاصرن بالمغارا

ياسابقي عرضك بعيد عن الـــــلوم000لاجا نهارن مثل هاك النهـــارا

تهوي كما يهوي من الجو صيروم000يبا العشا من نابيات الفقـــــــارا


وتقبلوا تحيات اخوكم 0000سيف العدل0000

ياعنك مايقضى الحاجه البوم ...
سلمت يمناك ياسيف العدل
وماقصرت

اخوي وليد مرورك على المشركه اسعدني وابشر بالمزيد اللي يسرك عن الفارس بخيت العطاوي0

فك الخوي حق علينا وملــــــــزوم000ومدعينن فك حام الثبــــــــــارا

تسلم ياسيف .. والله يرحم الجميع

ونعم والله بـ بخيت 00

والله يرحمهم

وهذه قصيدة ايصا لبخيت العطاوي ومناسبة القصيدة ان البقوم اغاروا واخذوا ذودا لجاره نقزان المغيري من ذوي عطيه فادركهم بخيت ورد البل فقال:


ياخيلنا وان شب للحرب نــــاره0000فلا يلاوي رأسها كل ديقــــان

راحن من حت التطاريف شاره0000وعود بعد مركاصنا ذود نقزان

حلفت ماتقفي بها قوم ســــــاره0000ياكود مانلزم رماح بالايمـــان

تسلم ياسيف على ها القصة والابيات والله يرحم الجميع

تحياتي

ومن قال يسلم يالمتنبيss ولاهنت على التواصل ياابن العم 0

وانشهد انه يستاهل النعم يا صبي التوحيد ونورت المشاركه بمرورك الكريم0

البدوي نت الف شكر على مرورك الرائع0

سيف العدل

قصيدة غزليه للفارس بخيت بن ماعز العطاوي في ساره الوازعيه


ياراكب اللي فوقهن الحلـــــــــق لاح0000متيهات في ليال الخضـــــــارا

يازينهن يوم اقبلن عقب مـــــــرواح0000يشدن فريق الصيد يوم استـذارا

منصاكم اللي للعشاشيق ذبـــــــــــاح0000اللي جمع عقل وزين العــــذارا

ردوا سلامي يم ساره بالانصـــــــاح0000يا اللي تجون اديارهم بالخبــارا

انا مجيهم غير والسبر طفــــــــــــاح0000على النضا ومحيلات المهـــارا

في ضف نمرا كل من شافها صـــاح0000ومعزل مركيها ابو زبـــــــــارا

يامير ماتامر عليهم بالاصــــــــــلاح0000مايجتهد بالحرب كود النصارا

حتى اليا زان الحيا والمطر طــــــاح0000تلقى النزول بضفنا من يسـارا

مرباعنا باسفل بريده والاسيـــــــــاح0000يم النفود ويم هاك الزبــــــارا

وان غرهد الجندب ووقت الحيـا راح0000ظعوننا وظعونهم جت تبـارا

ميرادنا عد به الجم فيـــــــــــــــــــاح0000مران عد مشرهفات البكـارا

وميرادهم في مارد غردقه فـــــــــاح0000عليه مديان ومحال تســــارا

قالوا لي اصلح قلت مادونها اصلاح0000كود النجوم تشاف وسط النهارا

ولا الحسا يرحل وينزل بالاسيـــــاح0000وألا تجيه هضاب صبحى تبارا


اخوكم0000سيف العدل0000

هذه قصيدة للفارس بخيت العطاوي وقصتها ان بخيت وجماعته اغاروا على البقوم واصيب اخوه شليوح بجرح واوشك قومه على الهزيمه فاشتد بخيت في القتال حتى تخلص من البقوم وانقذ اخيه شليويح فقال:


في ليلة العاقر جرى لي تفاكيــــــر000مابين تين وحشة الجوهريــــــــــــه

خذنا قطيع فيه رمس المغاتيـــــــر000 وعيوا على تاليه قوم لضيــــــــــــه

لحقوا هل البل فوق قب مشاهيــــر000يتلون ابن جرشان ذيب السريـــــــه

ناديت فاهل الخيل خوه وتشهيـــــر000ولا منهم اللي لد بالعين فيـــــــــــــه

قالوا عدايلنا وقلنا على السيـــــــــر000وسيل النحا ماينعدل عن نويـــــــــه

ورديتها والحقت شيخ المظاهيـــــر000الحقت شيخ غاشياته دميـــــــــــــــه

وزامل على الصفرا عيونه مطايير000مالوم زامل سمع وخره وحيـــــــــه

يوم ان ابن هلال يرمي المعاذيـــــر000وابن البتيرا هج قدمه شويـــــــــــه

حديتهم حدالظوامي على بيـــــــــر000ومن عقب ماهي ضيق راحت فظيه

هذا وارجو من المشرفين القائمين على قسم فرسان وامراء تغيير عنوان هذه المشاركه بدلا من قصيدة للفارس بخيت العطاوي الى قصص وقصائد الفارس بخيت العطاوي حيث يوجد لدي المزيد من القصص والقصائد للفارس بخيت العطاوي اوريد ان انزلها في هذه المشاركه 0

هذا ولكم اطيب تحياتي00000سيف العدل00000

بخيت واحد من ثلا ثةمن أبناء ماعز العطاوي شليو يح وبخيت ومشحــن الذي توفى بالجدري مبكرا واشتهر بخيت كما اشتهـر شليويــح بالغارات المستمرة على القبائل المجاورة وبالذات البقوم وقحطـان والشلاوى وسبيــع
كما كانت هذه القبائل هي الأ خرى تعتدي على ما يحاذيها من عتيبـة وكــان
شليويح وإخوانه غالبا في مقابل غارات البقوم وقحطــان والشلاوى وسبيــع
وفي إحدى غارات البقوم في أواخرالقرن الثالث عشـــر أغــار قــوم مــن
البقوم وطاردهم بخيت حتى التجأوا الى أطراف جبل حضن فقال القصيده
التاليه:

جونا مع الفاضــة بـــراح بياضــــه000واليا ان ضرمتنـا ثيايـا على البيـر

تواجهــن وجيــهنا عقــب غاضـــه000وتعــاقبـــن ايمــاننـــا بالمخاسيــــر

وماهاضني رمح يشوق اختضاضه000نرميه لين ان الكعب يلحق الضيـر

ياخيلهم من عقب روجين راضــــه000ورميهم ياطنه مقــــاف مناحيــــر

ربي نصفني من بني عـم عاضــــه000بشلف نروي حدهــا والمساميــــر


--------- سيف العدل --------

ماقصرت والله يااخوي سيف العدل على هالمجهود الكبير
مكفوش اني عطاوي هههههههههههههههه
اعذروني يالربع على التاخير بالرد والنوم بالمنتدى وعدم المشاركه بفعاليه
وشاكر لكم

اخوي وليد ماسويت غير الواجب ونعم فيك وفي ربع ويستاهل بخيت ان نذكر لو جزء من تاريخه المشرف واللي يرفع الراس0

اخوك 0000سيف العدل0000

يروى ان بخيت اغارعلى البقوم في احدى المرات واسره قاعد ابن جرشان شيخ الكرزان وجاء به الى بيته وعمل له القهوه والوليمه وكانت زوجته ساره بنت ابن حمود في بيت قاعد فناولته اللبن من وراء الحجاب وكانت فائقة الجمال مما تسبب في كون بخيت ينشغل عن تناول اللبن حتى نبهته وحس انه اجتاز حدود الادب المتعارف عليه فقال على الفور مبررا انشغاله بها:


رفع النظرماهوب عيب عليه000ابى اتحلــى بنت ماضيــن الافعـــال

ياونتــي ياســـاره الوازعيـــه000ونــة معيـد سـاقهـــا الفجــر عمــال

تقبل وتقفي فـوق جال الركيـه000وعقب الشحم خال ظهرها من الحال

لا شدوا العربان دوجـر حنيـه000يبــرى لهـــا قاعــد بتسعيـن خيــال

اخوك000سيف العدل000

اخوي سيف العدل بيض الله وجهك على ها المجهود وعلى ها القصص والقصيد

عن الفارس بخيت بن ماعز والله يرحمه ويغفر له



وياليت التالين يتبعون دروب الاولين

مشكور أخوي سيق العدل 0000

وقيل انه بعد ما انتهى بخيت من القصيده أخذت ساره جوخة زوجها ابن جرشان
ورمتها على بخيت وقال ابن جرشان والله ماترجع هدية ساره لك 0
وقال بخيت مقبوله ياساره وأنشاله عوضها من أبل اومن خيل البقوم جماعة
ابن جرشان الى منا اغرنا عليهم انشأ الله0000

وفعلا حصل معركه بين البقوم جماعة ابن جرشان وبين بخيت وجماعته
كان النصر فيها لبخيت ومن معه 0 و امسك بأحد فريس البقوم وقال
نعفي عنك انته وجوادك بشرط تسلمه لساره وتقول لها هذا من بخيت0
وفعل الفارس ذلك حتى سلمه لساره 00

وله قصيده قيل انها في تلك المعركه00000

يا خيلنا ون شب للحرب ناره000000 فلا يلاوي راسها كل ديقان
راحن من حث التطاريف شاره00000 وعود بعد مركاضنا ذود نقزان
حلفت ماتقفي بها قوم ساره00000 ياكود مانلزم رماحنا بالايمان

ابوماجد المرشدي نورت المشاركه بمرورك الكريم 0

وتقبل تحياتي000سيف العدل000

من يعرف قصيدة بخيت
الاياذيب صبحا ناد ذيبن من ورا هكران_ولا يا طيور الجو طاحت لك فداويها

عتيبي نت مرورك اسعدني ولك مني اطيب تحيه 0

اخوك000 سيف العدل000

غزا الشيخ مقبول قبيلة عتيبه وكان النصر حليفه انذاك حيث اخذ ابلهم ومع الابل اسارى وكانت هذه الغزوه بينه وبين فرع يسمونه الخراريص ثم أطلق الاسرى وعاود الكرة مرة ثانيه ودخل ديار عتيبه وضرب خيامه على مائهم اربع ليال ففاجأه القوم هجاد فاخذوا الشيخ مقبول اسير ولما وصلوا به الى منازلهم اكرموه واعتبروا ذلك اكبر نصر لهم عندما اخذوه اسيرا فتمثل احدهم وهو الفارس بخيت بن ماعز العطاوي بابيات ابدى فيها سروره باسرهم للشيخ مقبول حيث قال على مسمع من الشيخ مقبول:


الحمــــد لله ساع نومـــــي هنــانــا000يوم اقتضينا في قطيع الخـــراريص

ونهاض خلـي طايــــح في نحانـــا000ومقبول عنـــد الصبح يتل المناقيس

وتطلقـــن ارميهـم مــن يـــــــدانــا000من فوق قب كنهن القـــــــــرانيس

اربع ليال مخـيمـن فـــــــوق مانــا000باهــــل الحجاز منقلين المهاريس

يـشـب نــاره عنـدنـا مــاحــسـانـــا000ياعنك ياشبابها مــــــــا معه قيس

وخربت على اللي يذبحـون السمانا 000حماسة البن الخضر فالمحاميس


ولكم خالص تحياتي اخوكم 000سيف العدل000

الاخ / سيف العدل

السلام عليكم ورحمة الله وبركاته

الظاهر انك ناسين بعض بيوت القصايد اللي ذكرتها ؟؟!
وحبيت اذكرك فيها 0 اما بخصوص اسر قطنان بن خشيبان فارجوا ان تراجع نفسك رعاك الله لان القصيده تخالف
القصه فكيف بمن عطا القوم ظهره عندما احس باالهزيمه يأسر شيخهم 0 الظاهر ان السالفه صارت سلق بيض
وبس 0
ياخوي حنا ماننكر فعول عتابه ولانجحد طيبهم لكن اذكر هزيمتك او لاتحرف القصص على هواك 0




اما القصيده الثانيه فهي /



اما القصيده التى قيلت في الفارس / ثويني الابرص القرفي البقمي الذي تمكن من اخذ ذود (نقزان المغيري) وتوارثوه ابناءه واحفاده من بعده فهو لم يعاد حفظك الله واذا لازلتوا تطالبون به فلازال منه بقايا عند البرصان متوارثينها 0


وهذه القصيده التاليه /



الظاهر ان (سيف العدل ) منثلم عندك علشان كذا ضاعت بعض الحقائق منك 0كما اني اعلم يقينا انك لن تكون احرص على حفظ القصيده من البقوم
تدري ليش ؟؟!!

لان القصيده فيها مصدر فخر للبقوم من فارس مشهور وفيها ايضاح مواقف
لبعض فرسان قبيلته هناك من يريد الغائها من القصيده لسبب او اخر 0

ولكن خلك مطمئن تراها محفوظه عند البقوم لو نسيتوها كلها 0

مشكور وما قصرت وبيض الله وجهك
ونرجو النقل
تحياتي

في لبـة العاقـر جـرا لـي تفاكيـر..........مـا بيـن تـيـن وحرالجوهـريـه
خذنا قطيـع فيـه رمـس المغاتيـر.........وعيـوا علـى تاليـه قـوم لضيـه
لحقوا هل البل فـوق قـب مشاهيـر........يتلون إبن جرشـان ذيـب السريـه
قلنـا مياميـن وقـالـوا مياسـيـر............ولا ينعدل سيـل النحـا مـن نويـه
رديتهـا يـوم الفلـى لـي مناحيـر...........والحقـت شيـخ كاسياتـه إدمـيـه
طريح من يكسـر شبـات الطوابيـر.......زبـن الحصـان الياتراخـت حذيـه
رديتهـا والحقـت شيـخ المظاهيـر.........وجواد بن متـروك صفـراء ثنيـه
وزامل على الصفراء أعيونه مطايير..........ما لوم زامل شـاف وخـره وحيـه
ناديت في الجذعان صوت(ن) بتشهير.........ولا منهـم اللـي لـد بالعيـن ليـه
يوم إن إبـن هـذال يـرم المعاذيـر..........وبـن البتيـرا هـج قدمـة إشويـه
حديتهم حد الضوامـي علـى البيـر..........ومن عقب ما هي ضيق راحت فضيه
يافضحكم ياهـل المهـار المعاطيـر...........مـن نايـد الاجـنـاب والا هلـيـه


هنالك بيت منسي :

عني سنان العود غاد بواكير ..........وثوبي على قلبي تزايد فريه

تشكر ياسيف العدل

وسلمت يمناك يالسيف الصقيل على هذا النقل الطيب لقصص وبطولات
الفارس بخيت ابن ماعز ،،،،

وبخيت عند التوم جاله زحايم : : في ماقفن ياللاش مافيه رحام

وتقبل خالص تحياتي ..................

القساسمة بقيادة سعدون وحامد أسروا الشيخ/مقبول وأخذوا القضاء للخراريص
 

الآخوة سيف العدل وابو مقرن
والاخوة الذين شاركوا بهذا الموقع

السلام عليكم ورحمة الله وبركاته

الأ تعلمون أي جماعة من عتيبة نزل بالقرب منهم الشيخ/مقبول وجماعته الشلاوا

ومن هجم عليهم وأخذ ثأر الخراريص وأسروا منهم جماعة فيهم شيخهم/مقبول

يا جماعة جزاكم الله خير

القساسمة بقيادة/سعدون بن معتاد وأخيه /حامد بن معتاد ابوثنتين الملقب وقت معاركه الكثيرة ( ابوشوشه ) وأخيه سعدون ملقب ( ابا الروس ) وأخيه الثالث ( حمود بن معتاد )

وأن كبار السن من القساسمة وأيضاً بعضاً من ذوي عطيه ذكروا أن الأبيات التي مطلعها :
انا أحمد الله ساع نومي هنانا
يوم أقتضينا في قطيع الخراريص

أنها قالها الشيخ/سعدون بن معتاد بعد الفعل ولكن بعد أن وصلت الأبيات الى الشلاوا وبحكم شهرة الفارس الشيخ/بخيت بن ماعز بالشعر المتميز ولم يسمعوا لسعدون شعراً أعتقد الشيخ/مقبول ووجه رده على تلك الأبيات الى بخيت بتلك الأبيات المشهورة التي ذكر فيها :

جاني من الروقي كلاماً هنانا
بخيت مروي مرهفات العبابيس

أخواننا الاعزاء أنا لم أذكر هذا الكلام من عندي ( القصة معروفة ولا عليها أختلاف ولكن الأبيات عليها تحفظ وهي معروفة ومشهورة الا بداية من قالها )
والفارس المشهور/بخيت وأخيه شليويح نعتز ونفتخر بهم وبجميع فرسان وشيوخ عتيبة واي فعل طيب وشعر يوضح القصة عند ربعنا كأنه عندنا

آرجوا التأكد من تفاصيل القصة ( أنه اكثر الأحيان يذكر أن الشلاوا نزلوا بديار عتيبة أو بالقرب من جماعة من ذوي عطيه )

ولا أعلم لماذا لم يذكروا الحقيقة وحيث أن تلك الجماعة هم القساسمة


تحياتي / أخيكم ابوثنتين

واخيلنا وان شب للحرب ناره ضلاّ يلاوي راسها كل ديقان
راحت لملحقة الاطاريف شاره وعود بعد مركاظنا ذود نقزان
يابقوم ماحنّا بفزعة سماره حنا بلاكم من قديمات الازمان
ياواصل الطيّور هو ويش كاره وش ولعه فالعرب زينات الالوان
قل له يعود يم غرسه وثاره وحدايق(ن) فيهن خوخ(ن) ورمان





اخوكم /فواز المزنكي

ياعنك مايقضي لك الحاجه اليــــوم000مايقضي الحاجات كود الحرارا





لاهنت



.

ونعم يابخيت العطاوي

تسلم ياسيف العدل وبيض الله وجهك على القصة والقصيدة الرائعة

سيف العدل يابن العم ابي القصيدتين اللي قالها بخيت العطاوي في مدح ابن حجنه الاولي التي اختلف هو وياه وراحوا للقاضي ورفض شباب حكم القاضي ومطلعها يالايمي جعل يعاشيك شباب والثانيه عندما قتلت فرسه المشهو ره فرده وخيره شبيب بين كروش وربدا ومطلعها بديت ياوي من مبدى