اللة أكبر يازمانـي كيـف غيـرت النفـوس=صرت بنفوس البشر تقـدر تبيـع وتشتـري
تشتريهـا بالأراضـي والمبانـي والفلـوس=صار ميـدان الصداقـة بالبشـر متبعثـري
وانت يلي كل ما غنيـت سريـت الهجـوس=مادريـت ان الليالـي بعضهـا ماينـسـري
يوم عسيتك ولديـت النظـر يـم العسـوس=قالوا انك في المواقف ياولد عظمـك طـري
تحسبنك شيـخ قومـن للعـدا قطـاع روس=وانت جدك في طرف جـدة يبيـع القنبـري
مادريت ان السهم ماينرمي مـن دون قـوس=ومادريـت ان الربابـة قوسهـا ماينـبـري
مايداوي الضرس الأقشر كود قلاع الضروس= أقلعه لـــ / أوجعك راسك لا تشوف وتحتري
والفتاة ألي تعـزوا جدهـا شيـخ المجـوس=بركـوا ألهـا الذلـول ولبسوهـا الغنـدري
والفتـاة ام العيـون الناعسـات العيطمـوس=شفتها من قبـل عـام وقـام حالـي ينهـري
لبسوها ثوب عرس وصارت الليلة عـروس=والعـذارى حولهـا يالبنـدري يالبـنـدري
ياوجودي وجد من راحت حياتة في الحبوس=فوق راسة في قصاصة صك جرمة ينقـري
صح من قال الهوى للنـاس تعليـم ودروس= قالوا انه في دروبه يمكن يجرّي جري

المشاركة الأصلية كتبت بواسطة ماجد المحياني (المشاركة 426739) أشهدنك داهيه وصح لسانك وهذي قمة الروعه مشككككككككككككككككككور

المشاركة الأصلية كتبت بواسطة نواف العصيمي (المشاركة 429791) صح لسانك جزل طال عمرك ولاهنت .. ولك التقدير والإحترام ..

المشاركة الأصلية كتبت بواسطة الاد الكريزي (المشاركة 429855) داهية عتيبه عزالله انك داهيه صح لسانك

المشاركة الأصلية كتبت بواسطة صقرالحره (المشاركة 429870) اخوي داهية عتيبه صح لسانك بارك الله فيك

المشاركة الأصلية كتبت بواسطة السميــــــري (المشاركة 430026) .. داهية عتيبة ... هذا القصيدة .. فعلا داهية .. ياوجودي وجد من راحت حياتة في الحبوسفوق راسة في قصاصة صك جرمة ينقـري صح من قال الهوى للنـاس تعليـم ودروسقالوا انه في دروبـه يمكـن يجـرّي جـري صح لسانك ولاتحرمناا من أبداعك ..

المشاركة الأصلية كتبت بواسطة متعب العصيمي (المشاركة 430201) صح لسانك مدد بلا عدد على الجزلة .. ننتظر جديدك .. ولك فائق الاحترام..

المشاركة الأصلية كتبت بواسطة أبو نجر النفيعي (المشاركة 430295) .. دااهية عتيبه .. صح لسااانك على الشامخه بشموخ حضورك .. قصيده من أجمل القصائد اللتي سمعتها وقريتها ... صح لسانك مرة اخرى ,,, وفي انتظار جديدك بشغف ..!! . أخوك..