عاجل جدا ؟ أول قرار يصدر من اللجنة وشيوخ الهيلا
أصدرت اللجنة العليا لمزاين الابل لقبيلة عتيبة بعد موافقة شيوخ واعيان القبيلة القرار التالي
تحديد مهر الزواج لابناء وبنات القبيلة البكر اربعون الف ريال والثيب عشرون ألف ريال وعلي الجميع التقيد بما ورد فية وش رايكم لو يصير هذا في ختام حفل المزاين سيكون سبق للقبيلة والله من واحد وحدة يبون يدعون لهم أخواني الموضوع جدي وصريح خصوصا مع غلا الاسعار والبطالة عطوني رايكم |
ونعم الراي أخوي راي سديد ورأي بصرحة يبعث الطمانينة في جميع أفراد هذه القبيلة أرجو من مشايخ وأمراء القبيلة تطبيق هذا الراي تكفون ياشباب والله الوضع مزري مره تكفون نكفون صدقوني راح يكون أفضل قرار سمعته في حياتي أشكرك أخوي شكر خاص على هذا الموضوع الرائع وأتمنى المطالبة ضروري
|
اخوي العصيمي ابو ريان هذا لاكان لعتيبهـ ناس عقلاء بيصدرون هالقرار لكن الشيوخ على قولتـكـ مبسوطين ويجيهم فلوس من الحكومهـ وماعليهم من احد ثاني *_^ أهم شي مخابيهم مليانه القبائل كلها خفضو بالمهور الا إحنا مهورنا مازالت 100000 , 120000 والمُشكلهـ ان نواجهه الغلا والبطاله ولاشفنا وقفه من أي أحد الله يرزقنا برزق ماحسبنا له حساب وإنشاءلله نتمنى هالقرار يفكرونـ فيه ويقرونهـ بالمزايين ويريحون هالشباب المسكين اللي يتوظف على 3000 او 4000 وموضوعكـ ذا نتمنى يوصل للجنهـ على الاقل تطرحه اللجنه وماراح تخسر شي الف شكر اخوي عبدالله المعالي |
فكرة رااااااائعة .
|
فكره رايعه مشككككككككور |
ههههههههههههههه
وش يدخل هذا في مزاين الابل اكيد انك مستفيد من هذا القرار ان حصل على كلا مشكور على هذا الاقتراح لك تحيتي |
ونعم القرار ..
اتمنى من شيوخ عتيبه النظر في هذا الموضوع المهم لاابناء وبنات القبيله لو ينفذ هذا القرار .. بأذن الله سيتراجع نسبه العنوسه في السعوديه وبالذات بين أبناء القبيله ياناس الواحد يبي الستر لبنته ليه غلى المهور ..من وين يجيب الشاب مهر مئه ألف ريال .. يأخذ ديين من اي بنك لييييييه طيب الدين .. وذا اخذ دين .. مايضمن مع الأيام انه يسدد الدين اللي عليه وبعدين شكاوي وقضايا في المحاكم .. ومتاهات مالها اول ولا اخر .. أتمنى من الأخوان النظر في الموضوع ..لمستقبل ابنائنا تقبل مروري..مع خالص شكري وتقديري لك ويعطيك العافيه على موضوعك الأكثر من رائـع |
اخوي سعد صدقني ان كل ابناء القبيلة مستفيدين واذا تم هذا الموضوع والله ليبقى في ذاكرة الجميع المزاين كلة شهر وينتهي ولن يبقى سوا ذكراه سواء بالايجاب أو بالسلب لاسمح اللة لكن مثل هذا الموضوع سيكون أهم انجاز يتحقق على مستوى القبيلة يأخي نحن نطرح موضوع يشغل الجميع لك ان تتخيل 2مليون عانس في آخر احصائية على مستوى المملكة وكم نصيب القبيلة منة كم من بيت يعج من بناتنا اللاتي لم يتزوجن والشباب مساكين وش يلحقون علية غلاء معيشة غلاء مهور **********************************
|
اخوي ابو ريان
علمك غانم ونتمناه فعلا ولكن ماعتقد ان للجنه علاقه بمثل هذا الامر والاولى ان يتبناه احد الشيوخ شكرا لك بارك الله فيك |
|
اخوي صقر بالعكس الان الوقت المناسب واللجنة الان لها اليد الطولى بعدين اللجنة في يدها كل شئ ورايهم ماشي بعد اخذ موافقة شيوخ القبيلة وهي فرصه وتوقيتها مناسب جدا جدا
|
ياليت ولله وانشاء الله يحصل
|
بصرااحه فكرره في محلهااا ورااح تشووفوون يبقاا مزاين عتيبه في الاذهاان الى ابد الابدين تدرون ليشش لانه اول شي وفق بين راسين بالحلاال وثاني شي راحت تمشي الناس على المهرر لو يتم ها الموضووع اشكرر اخوي على طرررحك وبصراحه في محله لك تحياتي وتقديري
|
ههههههههههههههههه
انا فرحت ضنيت انه قرار فعلا تم اصداره قلت اطلق العزوبيه واتزوج لي ثنتين لكن لما قريت الموضوع لقيته اقتراح عموما اقتراح رائع وانا ااؤيدك عليه ونتمنى يصدر من شيوخ عتيبه وثيقه شرف على امور تخدم العتبان وعساكم على القوه |
اقتراح جيد اخوي ابوريان
ونتمنى ان يؤخذ بعين الاعتبار. سواء في وقت المزاين او بعده. مشكور على الاقتراح |
فكره رائعه نتمنى ان تصل لشيوخ عتيبه |
فكرة سيئة وهناك ماهو أولى منها
بعدين وش دخل لجنة المزايين بالمهور ؟؟؟ مسألة غلاء المهور مبالغ فيها كثير وثق تماماً لو ان كل شاب تسلح بالعلم والدين وابتعد عن سقطات الرجال كان لقى من يخطبه لبنته وبدون مهر بعد وهذا الشيء اللي يجب ان يفهمه الشباب بدون البحث عن امور اخرى لتسهيل الزواج. اما طلب تحديد المهر بدون تطوير وتشجيع جيل الشباب فهذي مصيبة كل شي فيه فزعة الا الزواج وبنات الناس |
تسلم يابو ريان
على هذا الرأي السديد قرار رائع ياناس خلو شبابنا يتزوجون ...ذبحونا بغلا الأسعار تحياتي |
الحبيب امرؤ القيس وش سالفة تسلح بالعلم والدين
وفكرة سيئة وسقطات الرجال اي عصر عايش انت وش عندك غيرها والا أهم شئ المشاركة بأي طريقة ردوا علية ما أقدر افهم هالنوعية |
اقتباس:
كلامي عربي فصيح وفكرتي واضحة عدم فهمك لكلامي يعتبر مشكلة لك لاتخصني وهذا رأيي ناقشت فيه الأخ صاحب الموضوع ومادام الموضوع اراء ونقاش ,, فلكل شخص حرية الرأي ولايقدر احد يصادر فكر الثاني هذا اللي عندي طال عمرك منت مجبور توافق عليه او ترد عليه,, ولك الحق تعيش بعصرك انت اذا ما اعجبك عصر احد غيرك السلام عليكم |
الموضوع هام ويخص جميع أفراد قبيلة الهيلا
يجب تحديد المهر التحديد راح يفتح المجال للعديد من الشباب وانا من المؤيدين للتحديد لان هذا الامر يخدم ابناء القبيلة وخاصة في ظل العمل لدى بعض القطاعات برواتب ضعيفه جدأأأ قد تصل لـ1500ريال وهذا صعب عليه التكاليف الباهضه ومثل هذا هل ينحرم من الزواج لسبب عدم قدرته المادية والرسول صلى الله عليه وسلم في معنى الحديث اذا اتاكم من ترضون دينه وخلقه فزوجوه ... ولم يقل من اتاكم يحمل امواله ؟؟؟؟؟ وجهة نظري !!!! والله الموفق |
الحبيب صح النوم انا صاحب الموضوع انا ما ودي ادخل
معك جدال بيزنطي يأخي انا طرحت الموضوع وحبيت الاخوان يشاركوني الراي وانت جاي مطفي النور تحب تشارك وبس يالحبيب قل خيرا او أصمت تحياتي |
ونعم الفكرة بس حتى يحضر جميع شيوخ عتيبة |
تحديد مهور ليه ؟؟
يا اخوان الزواج مايصلح فيه تحديد كل على قد لحافه يمد رجليه .. المهر هذا ليس من حق احد أن يتدخل فيه لا من شيوخ قبيلة ولاغيره .. هو تراضي بين عائلتين تبون القبيلة تدخل فيه ؟؟ بعدين انت حددتوا المهر للبكر مثلا ب 40000 طيب ماقلتوا كم عمرها اللي يكون مهرها 40000 واذا كان عمرها 20 تقارنونها باللي عمرها 30 وممكن بعد كم سنة يصير تخفيضات ويصير المهر ب 10000 ؟؟ طيب وفك ارتباط الريال بالدولار وتغيير سعر صرفه تتوقعون لازم نغير سعر صرف أقصد سعر بنات الناس ؟؟ :) المهر ليس بيعا وشراء حتى تحدد الاسعار وبعدين في السعودية ماقدرنا نحدد أسعار الرز والشعير تبون تحددون المهور :) |
النايف *_^ قبائل ثانيه حددو المهور يعني أطيب منك هالقبائلـ تحديد المهور يقدرون يحددونهـ مافيه شي مستحيل لو يجتمع كل شيخ قبيلهـ مع ربعهـ على الاقل الفخذ ويحدد المهر واللي يرفض لاناخذ منه ولانعطيه هذي بعض من افعال القبايل الثانيه والان العوانس والشباب شيبو واهم ماتزوجو على الاقل هذا حل جزئي |
لاحول ولاقوة الا بالله
الله يبارك فيك يا اخوي ابو ريان ,, خذها نصيحة من اخ لك يحبك في الله, الاختلاف في النقاش شي طيب فهو يثري التفكير ويوسع المدارك . وترا موب كل الناس تنظر للموضوع بنفس الزاوية وهذي من حكمة ربك لآستمرار الحياة. المفروض انك تحترم الفكر المقابل وتناقشه بالاقناع لكن الله يهديك انت تبحث عن ناس تؤيد كلامك والدليل انك تجاهلت جميع الردود وجيت لردي الوحيد اللي خالفك. اما انا فوالله اني اناقش الفكرة ولا اناقش الاشخاص بدليل اني توي اعرف انك صاحب الموضوع :) ارجع لفكرتي اللي ذكرتها وهي (حرص الشخص على العلم) والابتعاد عن اخلاق السوء ,, بهالطريقة راح يجيه من يخطبه لبناته قبل لايفكر بسالفة غلاء المهور . وهذا والله شيء حاصل لناس اعرفهم شخصياً لكن اني اجعل من سالفة غلاء المهور قضية والشباب هايت بالشوارع ولا معه شهادة تشرف ,, مع احترامي ماهو كفو من يزوجه من الاساس ولو بمهر غالي. وحنا هنا نفكر نقلل المهور .. والشباب متطمنين ويبقون على حالهم من دجه .... وانا اعتذر لك (لين ترضى) لو انك فكرت اني اخطيت بحقك تحياتي لك |
اقتباس:
طيب الحل وشو اخوي للشباب الهايت هذا *_^ نخليهم ضايعين بالسفريات ولا الخرابيط ولا الطرق المحرمهـ *_^ ولا نحاول نبسط عليهم الزواجـ فانا أعرف ناس كثيرهـ شباب من شتى القبائل كانو (( زاحفيين )) شويـ وبعد ماتيسرت امورهم وتزوجو عقلو |
يأ أخي الفاضل المسأله ماهي القبايل أطيب والا لا ؟؟
الحين أي فعل تسويه قبيلة اخرى معناته انها أطيب ؟؟ ثانيا : لو كان في تحديد المهر فائدة ولو واحدة لذكره رسولنا صلى الله عليه وسلم وحدد المهر .... المهر تراضي بين عائلتين وش دخل شيخ القبيلة يحكم ان فلان يزوج بنته بمهر كذا وكذا ؟؟؟ بعدين سالفة الشباب مايلقون يتزوجون وعلشان كذا نحدد المهر علشان مايسافرون يا أخي الفاضل نصف اللي يسافرون برا متزوجين :) اللي يبي يتزوج سوف يجد من يزوجه وللمعلومية بعض الناس ممكن مايطلب مهر ومع ذلك الشاب يدفع مهرا تكريما لأنسابه الجدد تجي أنت وتقول لا ؟؟؟ نقطة أخيره : عتيبه شيوخ أنفسهم ولاتحسبهم مثل بعض القبايل اللي ذكرتهم يطيعون شيوخهم طاعة عمياء . الشيخ في عتيبه يطاع اذا كان صح واذا كان عوج مايطيعه احد . |
فكرة رااااااائعة .
ياليت اخوي ترسلة للجنة المنضمة عن طريق الفاكس يمكن يتحقق هذا الشي |
فكره رائعه واتمنا تطبيقه على جميع افراد القبيله
ولاكن هل الشيخ سوف يزوج ابنته با40 الف ريال |
الموضوع مو جيد
الا ممتاز لكن من يتبنى هالفكره و يسعى الى طرحها و اخذ موافقة الشيوخ و الاعيان اتوقع و بنظره تشائمية لا احد |
اقتباس:
*_^ فيه حديثـ عن الرسول صلى الله عليه وسلم ( أحسن النساء بركة أحسنهن وجهاً وأرخصهن مهراً ) هذا حديث للرسول وغيره فيه احاديث كثيره وتحديد المهر يعتبر حاجه مميزهـ لأنه يساعد الشباب على الزواج وهذا الشي إن قدرو يسؤونه ويتفقون عليه فيعتبر طيب *_^ وشي مميز وياخي انا ماني خاطب من الناس وانا ماعندي مهر مثل اللي يقدمونه المتزوجين الثانيين لكن لاصار فيه اتفاق كلٍ بيقدم هالمهر اللي حددوهـ بدون مايستحي ولاشي يبي بيصير مثل غيره مهوب مقدم شي أقل !! كيف ماتطيع اهل الفكر بفخذك شي طبيعي تتفق معهم إذا كان هالشي صح وانا اشوف ان تخفيض المهور شي صحيح ميه بالميه |
يعجبني النقاش الهادىء واختلاف الاراء احيانا طريق للابداع ..
على العموم الرسول صلى الله عليه وسلم قال ايسرهن مؤنة وهنا مربط الفرس اليسر من يحدده الان ؟؟ انت ممكن تقول 40000 يعتبر جيدا وغيرك ممكن يقول 10000 تكفي وندخل في متاهات لانهاية لها .. بعدين للمعلومية مثلا 40000 الان غير 40000 قبل سنتين فقط ؟؟ اذا المسأله من الصعب التحكم فيها برأي في وقت معين قد لايصلح لسنتين قادمتين بارك الله فيك أخي والنقطة التي نتفق عليها هي أن يخاف الرجل الله في ابنته وابنه فتحصينهما اهم من مظاهر البذخ والتفاخر في حفلات الزواج التي في أغلب الاحيان تتحول الى نقمة بعد الزواج ؟؟ |
ايه والله اتمنى يقررون لانهم لو قررو اكيد الكل بيوافق عليه لانه اعطيك مثال شخص من قبيلة عتيبه اكيد بزوج بنته من 80 الى 100 الف الى من رحم ربي طيب بيجيك واحد بيزوج بنته 40 الف مثل ماتفضلت اكيد بياكلونه الناس بلسانهم صح ولا لا اما اذا اجتموعو على راي واحد اكيد مافي كلام ولا هم يحزنون وبيض الله وجهك على هذي الفكره الحلوه
|
فكرررررره فضييييييعه
|
ابو ريان... هذا الموضوع خارج التغطية حاول الاتصال مرة اخرى وشكرااااااااااااااااااااااااااااااااااااااااا.... |
والله بنسبه للمتأهلين مناسبه جداً وخصوصاً الشرع محلل اربع ههههه
انا بطرح الاقتراح بمسك الميكرفون ابشرو بس انتو امسكو العسكر عني ههههه بارك الله فيك بس 20 قليله خله ثلاثين احسن |
والله ماعندكم سالفه لا انت ولا شحاذين القبيله اسف(شيوخ القبيله )
وش استفادت منهم اقبيله خلونا صريحين وتركو عنكم المهايط الى ماله داعى انا من شف يكتبون تبرعت قبيله ال...... و قبيله ال........ وهم افخاذ من القبيله وانا غاسل يدى من المزاين وقول الله يعديها على خير ولا يفشلونا وهى عادتهم |
اقتراح رائع ياليت الجميع يطبقة من اولياء الامور تحياتي لك ابو خالد الروقي |
طرح مميز اخوي أبو ريان
يارب يوافقون على الأقتراح والله الشباب أكثرهم عاطل ومطلوب علية مهر حوالي ثماني أو مائة ألف !! ليش لايكون بيتزوج أمها وأبوها بعد !! أقتراحك جدا رائع وفية تحصين للبنات والشباب وحفظ أعراضهم إنشاء الله.. لاعدمنك أخوي |
الساعة الآن »01:19 PM. |
Arabization
iraq chooses life
Powered by
vBulletin®
Version 3.8.2
.Copyright ©2000 - 2024, Jelsoft Enterprises Ltd