سمعت لي علمٍ محمد زعيمه = يقول رد العلم عني فالأعلام
يابن صنت راعي العلوم الذميمه = أخذت بالغيبه على الغوج مجهام
ياالحربي اللي مرجلتك النميمه = ويش تستفيد الا الفضيحه والأثـام
جمعت مع ذنب النميمه ظليمه = مهنتك ممقوته من الخاص والعام
ترى الظليمه عاقبتها وخيمه = وتحريمها مذكور في دين الإسلام
لكن مايدري خطات البهيمه = على هوى نفسه يسيرن الأقدام
عنده بصرمير البصيره سقيمه = عبد ٍ ينام وخالق العبد مانام
وانته خذيت من الخطايا قسيمه = ويمكن تطور بعد الأيام الأقسام
أدخلت راسك في حبال الشكيمه = ولبست لك ثوبٍ بلا جيب واكمام
تذكر رفايد حرب عندي ظخيمه = وقافيك تأكيد الخبر يابو عرام
مازرت حرب اقصد وراهم غنيمه = لكن ضيف ومستجيبٍ لعزام
سبب مراحي مستجيب لعزيمه = لاني بلاهاكع ولاني بمنظام
ضيفٍ عزيز وفي معزه وشيمه = عند الرجال اللي مواردهم اجسام
وقاموا مقامٍ وافي ٍ من يقيمه = قاموا بماجوب الضيافه والإكرام
حلو البشاشه مع جزيل الوليمه = وكل ٍ يقول الضيف عندي إذا قام
مقامهم مافيه نقص وثليمه = والهم عليّ ان زاروا الواجب التام
وطلبت من رجل ٍ يمد الجسيمه = حاجه وارجعها بعد عدة أيام
ونهض وقدمها بيمنى(ن) كريمه = ورجعتها لعبيد ماغلق العام
عبيد ابن زايد قوي العزيمه = رجل ٍ على نطح المواجيب جزام
ومشيت منهم والنوايا سليمه = كل ٍ يودع صاحبه بالتبسام
وجتنا الرسايل من رجال ٍ غشيمه = مسجله وسط شرطان الا فلام
من الرجال اللي حججهم عقيمه = على التهجس والتلمس والأوهام
واحترت مابين الشقيق وخصيمه = ويصعب علي حل موضوع الأخصام
وجاوبتهم برسالة ٍ مستقيمه = وظحت فيها كل موقف بالأرقام
وقاموا بهجمه في نظرهم عظيمه = قاموا وحطوا داخل الزبده عظام
وقالوا وقلنا في العلوم القديمه = عن من دخل في وسط سرداب الإرغام
وياشين من عقب الهجوم الهزيمه = كل ٍيحاول يدفع الغوج قدام
وسقنا العدد لين العدد وصل تيمه = ماباقي الا نوصل الموقف الهام
وجتنا الأوامر من رجال ٍ حكيمه = أمر ٍ صريح وتحت توقيع صطام
وعقب تبلغنا بنص تعميمه = قمنا بتوقيع القلم قبل الإبهام
نبغى التخلص من غريم وغريمه = ونقضي على الفتنه تماماً بالإعدام
وبقت حزازات ٍ بلأنفس مقيمه = وانته وصلت ليا طرف حقل الألغام
تبغى تقومها وهي قبل نيمه = ولا انته مقاومها ليا قام من قام
يوم ان في صدرك ظمايا محيمه = وين انت يوم مقارعة روس الأقلام
ماصار لك مع قومك العام قيمه = سويت مثل اللي تغيب عن الزام
ربضت مثل اللي ربض في الهشيمه = لا جيت فراع ٍ ولا جيت حشام
إن طعتني جود وسيع الخريمه = قبل يجيك الميسم الحامي السام
اللي سواتك يطعنه في صميمه = العلم جاك وكل موقف له احكام
والأمن جعل الله علينا يديمه = ويحما الوطن من كل واشي ونمام

المشاركة الأصلية كتبت بواسطة الرأي الآخر (المشاركة 420710) تسلم يالغالي وماقصّرت .. صح لسان الشاعر العلم / كديميس العصيمي .. <<(حي والله هاالرأس) والله الكلام اللي يفص العظم ..

المشاركة الأصلية كتبت بواسطة فيصل الحمراني (المشاركة 420735) تسلم يالغالي وماقصّرت .. صح لسان الشاعر العلم / كديميس العصيمي .. <<(حي والله هاالرأس) والله الكلام اللي يفص العظم ..

المشاركة الأصلية كتبت بواسطة سفير المقطه (المشاركة 420853) ونعم بشاعر عتيبه كديميس صح لسانه ويعطيك العافيه

المشاركة الأصلية كتبت بواسطة هلال الدوادمي (المشاركة 421478) نامي .. الله يعطيك العفيه اخوي... وصح لسان الشاعر صاحب الملاحم ... ولاهنت على النقل يالغالي ... وتقبل مروري ...

المشاركة الأصلية كتبت بواسطة روح جاي (المشاركة 422960) عز الله انه شاعر مايتكرر ولا يوصل لمستواه الشعري شعراء الجيل التالي

المشاركة الأصلية كتبت بواسطة سلطان عايض (المشاركة 424120) يعطيك العافية يانامي وصح لسان الشاعر الكبير كديميس العصيمي

المشاركة الأصلية كتبت بواسطة الدكتور الحسيني (المشاركة 424687) صـــــــــــــــــــــــــح لسان شاعرنا / كديميس العصيمي ولا هنت على النقل الرائه الله يعاافيك على النقل يالقرم << وما شاء الله على كديميس لا جاء يبي يكتب قصييده نسى وكتب معلقه خخخخخخخخخ يمكن من فيض القصييد اللي عنده ;) اخوك: الدكتور الحسيني

يالله يامحي العظام الهشيمه= اتسلم كديميس في كل الاعوام
الشاعر اللي مايوفق خصيمه=شاعرعتيبه كل مابانت اخصام

المشاركة الأصلية كتبت بواسطة أبو مرحبا (المشاركة 425877) صــــح الـســـان شـاعـر الـمـواجهه (كـديميس العصيمي ) نامي بيض الله وجهك على ذا النقل الموفق

المشاركة الأصلية كتبت بواسطة بدر الجدعاني (المشاركة 426916) صح لسان الشاعر وبيض الله وجهه

المشاركة الأصلية كتبت بواسطة سعد المقاطي (المشاركة 426935) يالله يامحي العظام الهشيمه= اتسلم كديميس في كل الاعوام الشاعر اللي مايوفق خصيمه=شاعرعتيبه كل مابانت اخصام

المشاركة الأصلية كتبت بواسطة بدر المحمديه (المشاركة 431620) يانفعي انا ماني ببغاء اول شي اوبعدين حتى انتم يانفعة معروفين بانكم حلفاء لعتيبة يعني مانتم عتبان اصليين الكلام هاذا لايزعلك لاني ماجبت شي من راسي واحب اعلمك اني اعرف التاريخ اودارسة واذ تبغاني اجيب مايثبت كلامي انا مستعد وعتيبة عوانينا اونعم مافيهم قصور هاذا كلام التاريخ

المشاركة الأصلية كتبت بواسطة صقر المملكه (المشاركة 427441) كديميس علم من اعلام الشعر لاهنت اخوي

المشاركة الأصلية كتبت بواسطة عتيبي1 (المشاركة 427940) قصيده فيها تشهير بشخص وهذا لايجوز سواء كان مطيري او غير مطيري ارجو عدم نشر مثل هالمواضيع اللي تسبب الفتنه تكفون

المشاركة الأصلية كتبت بواسطة نايف بن ناجي ابن مجهل (المشاركة 430370) يالغالي وماقصّرت .. صح لسان الشاعر العلم / كديميس العصيمي .. <<(حي والله هاالرأس) والله الكلام اللي يفص العظم ..

المشاركة الأصلية كتبت بواسطة النفيعي999 (المشاركة 431597) ^^^^^ سلام عليكم ياحربي ياليت لو تحكم عقلك وتتمالك اعصابك قبل لا تكتب ماستسئل عنه يوم القيامه مااتدري انك تتفلسف بالانساب وبعدين ترا طفشنا من الببغاوات الي يرددون سمعنا انه فلاني وفلاني يعني لاتصير امعه مثلك مثل غيرك تسمع وتقول والله يالعالم فيهم حقد وحسد لعتيبه مااينطاق ابن حميد وطعنو فيه وابا العلا وطعنو فيه والهيضل وطعنو فيه والحفاه وطعنو فيهم والشيابين وطعنو فيهم وانت الحين جاي وتطعن في نسب العصمه واما انك ماسمعت عن العصمه فذي مشكلتك خش منتدى المعارك ولا منتدي العصمه واقرا بنفسك والعصمه عيال عمنا ودمهم دمناا وشلون يجون راعين غنم لعتيبه وقصيده كديميس ذي ردا على شاعر من قبيله حرب يوم افتخر انهم شقو بيت ابن حميد عالعمووم حياك الله وذا تاريخ لايقدم ولا ياخر

المشاركة الأصلية كتبت بواسطة نواف العصيمي (المشاركة 431771) يعطيك العافيه وصح لسان شاعرها ابن عاصم ولك التقدير والإحترام

المشاركة الأصلية كتبت بواسطة بدر المحمديه (المشاركة 431620) يانفعي انا ماني ببغاء اول شي اوبعدين حتى انتم يانفعة معروفين بانكم حلفاء لعتيبة يعني مانتم عتبان اصليين الكلام هاذا لايزعلك لاني ماجبت شي من راسي واحب اعلمك اني اعرف التاريخ اودارسة واذ تبغاني اجيب مايثبت كلامي انا مستعد وعتيبة عوانينا اونعم مافيهم قصور هاذا كلام التاريخ