مبروك شهر الصوم للامه وكل المسلمين = اللي قريب ديارها واللي بعيد ديارها
العذر والمعذار مني للرجال الطيبن = أهل الوفا دايم يزيد مع الزمن مقدارها

الله يبارك فيك جعلك منزلت عبدالمعين=حتى العرب ياصاحبي تلفت جميع انظارها
الليل شد الحيل يارجال والقاسي يلين=انته بفكرك والعرب ياصاحبي بفكارها

انا على منهج رجالٍ ماتغيّره السنين = انا لها ياصاحبي وانا اللذي مختارها
هات العلوم وكل خافي ياولد عمّي يبين = انته وانا والملعبه كلن يعرف اسرارها

ترى الليال بغيبها والله على الدنيا يعين=لاكن ميز في العلوم طوالها واقصارها
حنا كسبنا الاوله والطيبه في كل حين=ياعقاب عاين في الدروب يمينها ويسارها

انته توصي واحدن يدحم وله جنبٍ متين = ماامشي لك الله طرقةٍ ماينعرف مشوارها
واليوم ماهي في يدك ياصاحبي خلك فطين = منته على الرحله لو انك قلت انا طيّارها

خلك على هونك ولا يلعبك ابليس اللعين=والكلمه الي مالها برهان دور غارها
كل الحقايق بينه ماضاعلي ياعقاب دين=واشوف بعض الناس ماتقدر تولع نارها

الله يبارك فيك وانا اللي حسبتك لي يمين = واليوم تنقل بندقٍ جبت البلا فعيارها
تقولها والناس يالروقي تراهم شايفين = وانته مابين الناس تصفق باليمين ايسارها

الله يبارك في الرجال الي على مله ودين=الي ليا جات السوالف ياخذون خيارها
انا اتكلم من ثقه واعطيكم العلم الثمين=مافيه ناسن غير ندري عن جميع اخبارها

دعيت والعالم على دعوتك هذي مأمنين = والدعوه البارح يانايف ماعرف مصدارها
انته تراك اللي تشجع ضمن ناس مشجعين = لاتاثق بمزن الحيا حتى تشوف امطارها