يامرحبا ترحيبتن من نجد لديار الحجاز=يرضابها سلطان ولا جعل مايرضابها
بعد الجذع ماغاب عنا صار في الوضع اهتزاز=ياراعي الغيبه ترانا عارفين اسبابها

دام البقا بك وانت شاعر يابن ثعلي بامتياز =الله يحفظ مدرستنا وفقوا طلابها !!
اليا حضرت اصير يانايف عمود الارتكاز =وان رحت رحت بلازمي والنار من شبابها

حنا الرجال اهل الوفا واهل الفخر والاعتزاز=مافيه ناسن غير في الدنيا تحسب احسابها
يالي بنيت البيت خل اليبت بنيه من عزاز=ثم انتبه لا تقرب الجمره ولا مشهابها

حتى الدول فيها يجي ياصامل الزند انحياز =ان جت خطيه ردها للجاهل اللي جابها
انت توصيني وانا بيتي حجر ماهو قزاز =كم لحيه ياصاحبي نايف دقمت اشنابها

انته علامك كل مادقيت مقفول الجهاز=معاد نعرف صادق العربان من كذابها
حنا سمعنا علم قالو صايب شعيل النحاز=العله الي ماتعرف الناس ويش اطبابها

عز الله اني ماقفلته لين ختمت الجواز =الناس تنسى اصحابها من يوم تلقى احبابها
يانايف الروقي قبل لاتشعل النيره بقاز =اللي يحول من سماء الاجواد فوق ترابها

ماكل من ختم جوازه قالو العربان فاز=واثرك راع النيه الي مختلف هندابها
ترى الجبل لوطالت الايام لايمكن يراز=ياصاحبي سلطان فيه علوم مانرضابها

وش حاز رجل منثبر في وسط بيته ويش حاز =دايم علاه اقصى غرف بيته مقفل بابها
علم يجوز وعلم ياطير السعد مااقول جاز =والناقصه ياشاعر العضيان مايبدى بها

ياليت بعض الناس ياسلطان يرعون المعاز=ماله ومال الطرقه الي ماتعز اصحابها
ان كان مانتب عارف انشد من يحلون اللغاز=والناقصه ياصاحبي من خلقتي ما اسعابها

المشاركة الأصلية كتبت بواسطة نايف الروقي (المشاركة 412862) الختام من عندك