يا ناشـدٍ عنـا ترانـا كمـا اليـم=أمواجنا سوت بـالأرض الهوايـل
عتبان نارد لاضمينـا علـى الـدم=نروي ضمانا بالسيـوف الصقايـل
سيوفنـا فـي حدهـا للعـدا ســم=وارماحنا تاصل لـروس الطوايـل
سيوف تلمع في دجا الليـل لاظلـم=كمـا تلامـع ناطقـات المخـايـل
أحـرار نبنـي لا نوينـا ونـهـدم=يشهد لسطوتنـا حـروب وفعايـل
مرن نمسـي خصمنـا قبـل يحلـم=ومرن نذيق الخصم حـر القوايـل
واللـي يجينـا بالمـروات يحشـم=تجيـه جزلـه ماتجيـه القـلايـل
أهلاً وسهلا مرحبا ُثـم .. ول كـم=للضيف .. والسكين في نحر حايـل
من كثر ما قالوا لنا النـاس ونعـم=وصارت لنا الونعم رمـوز ودلايـل
وليا اعتزى الملهوف كن العرب صم=إلاّ عتيبـة كاسبـيـن الجمـايـل
حنا الأوائل لاحتمى الخطب واخضم=ساعة تشـب النـار روس الفتايـل
وحنا لنا ثانـي وثالـث ومـن ثـم=ياتـي بعدنـا مدعيـن الأوايــل
الخيـل والإبـل المزاييـن بالكـم=والكيف قبل الكم والكيـف أصايـل
فيها ركيز عظـام والحـر الأدهـم=واللـي ينـوخ للحمـول الثقـابـل
ربعي هـم الهيـلا تزاحـم وتغنـم=لهـم بكـل ديـار ربـي نـزايـل
ابمـدح العتبـان ربعـي وبـاعـم=ولا مهونـه فـي جميـع القبايـل