سلام مني عد وبل المخيلة=وعداد برقن لاح في غر الامزان
اللي يبا الملعب يجيني واجيله= ويبشر بقافن مايجي فيه نقصان

يامرحبا من شاعر ٍ بالطويله =ترحيبة ٍ للي على اللعب شفقان
اللي يحسب الدايره مستطيله= اقول له ياهيه مخطي وعميان

بانشدك ياللي ماتبالك دليله=ياللي تجيب البيت وافي ومليان
وين المهار المسرجات الاصيله=ووين الرماح وينه السيف شامان

اقفى الزمان اللي يدينه بخيله= والوضع من فضل الولي بامن وايمان
نشدتك هذي ماوراها حصيله = نبي نرد اللي من الكفر عدوان

اقولها ولاهوب قول تعلّيله=ولانيب اغني بالطرب دان لادان
العز ياتي بالسيوف الصقيله=اقولها ولانيب ياهيه غلطان

ماقلت مخطي بس كل ٍ بجيله = والوقت كن مازان لك ياولد شان
ان كان لك نيه بركب الكحيله= جاهد عدو الدين من قلب ولسان

اقول يابن الناس مافيك حيله=شاعر وانااشهدلك ومبدع وفنان
لكن عليك ابعد من ضفاف نيله=مقاصدن عبرتها لك بقيفان

مشكور ياراع العلوم الجزيله =وانا بقول الناس ماني ببلشان
الدله اللي هيلها زنجبيله = فنجالها عده على فلان وفلان