الشعر ياصاحبي سلطان معنى وذوق= ون طاب معناه اله عندي قدر وحترام
تبا تزين العلاقه بين برقا وروق= وترفرف الرائه الخضراء ويعزف سلام

المشاركة الأصلية كتبت بواسطة سلطان الحافي (المشاركة 411059) الله الله الله النشمي صح لسانك كلام كبير ننتظر الجذع ليكم الابداع متابع تحياااااااتي

المشاركة الأصلية كتبت بواسطة الفالح (المشاركة 411066) هلا وغلا من طول الغيبات جاب الغنايم وينك يا بو فهد يالله حيه وعلى فكره انا في صف سلطان الجذع وصح لسانك ولسانه مقدما

حنا نبا نترقـي بالشعـر ياعلـي فـوق=العـد هـداج راهـي والظوامـي حيـام
شمس السلام غربت واللي يتحرى الشروق=وش لون يجمع حلال المرجله والحـرام؟؟

حنا وقفنا معك نهار لزم الحلوق= ندعمك بدروع وسيوفً تقص العظام
خابرك في وقتنا اللي فات منته صدوق= واليوم قفل علي الماضي وشد الحزام

انا ورثت المحازم والحصان السبـوق=والدعم والعون للي فالمواقف يضـام
ياقاضي المحكمه ,,كان عرفت الحقوق=حكمك يبا يرضي العالم وينهي الخصام

اركد على الهون لاتغدي زعول وحموق=قدام يلحك مـن ربعـك عتابـه مـلام
كله على شان ابو قلبأ غشيش محروق=اللي يبا الناس ياسلطان تصبـح عـدام

فالغرب يبرق بروق وشرق يبرق بروق=والنشمي اخطاء من الاثنين ويلد شـام
بين العرب وانت عارف يالثبيتي فـروق=والصقر ماهوب جاي من عشوش الحمام

اليا مشيتو سوا قصوا يمين السروق=والفعل ياعارفه ماهو سوات الكـلام
اما امسحو ديس خلفتكم وهاتو غبوق=والا اتركوها عساها بالجرب والهيام

عز الله انك على علم المراجل سبوق =ولاهي غريبه من رجال تفك الجهام
وش لون ارقع عباة كلبوها فتوق =ياشاعر ثبيت كثر الطق فك اللحام

انته تقـود المطيـه قـود والا تسـوق=احرص علاها قبل غيرك يشد الخطـام
قفة وراحت علاكم ماعلاهـا لحـوق=سبعة عشر عام مدري قبل عشرين عام

المشاركة الأصلية كتبت بواسطة راع العلطا (المشاركة 411133) النشمي//سلطان الجذع ابداع غير مستغرب من اهله لاهنتوا

ماودي اصير لك ياشاعر ثبيت عـوق=مير انتبه كلمتك ماهيب ويـا التمـام
ذهب ضماء المسلم الصايم وبل العروق=من يوم هات على راسه ثعول الغمـام