|
سؤال مهم جدا عن الصفيان من المساعيد
السلام عليكم ورحمه الله وبركاته
عندي سؤال وأتمنى الرد الوافي منكم يابني عمي مسعود (المساعيد) والي منه الصفيان. الصفيان من هم أولاده واحفاده؟. وهل في بطن ينقاله اصفيان في قبايل ثانيه ؟ للأهميه. شاكر لكم واتمنالكم التوفيق |
^^^
^ ^ ^ ^ ^ ^ ^ ^ نتظــر الاجابه من عيال العم وإن شاء الله يفيدونا فــ إنتظــار فيصل المسعودي أو أي واحد من الربع لديه معلومه عنهم ..! |
الصفيان ياغالي
احد فروع المساعيد المعروفه وهم يرجعون في ذوي كاسب من المساعيد ظهر منهم العديد الاشخاص البارزين في الفروسيه والشجاعه والشعر تحياتي |
زياده معلومات
الله يعطيك العافيه يالمسعودي على هالمعلومه
لكن السؤال اهو من هم أبناء الصفيان ؟ وعساك على القوه ياخوي |
اقتباس:
سؤالك غير واضح اذا كنت تقصد تفرعاتهم فهم كالتالي 1- ذوي حميد 2 - ذوي ثابت 3 - ذوي حامد 4- ذوي محمد 5- ذوي ثبيت وكل قسم له تفرعاته تحياتي |
ونعم والــله
. . . . بيض الله وجيهكم على الأفادة عن عيال العم |
اقتباس:
وجهك ابيض مشكور على المشاركه والتفاعل بالموضوع تحياتي |
شكر
ونعم فيك وفيهم يالنفيعي
والله يعطيك العافيه على هالمشاركه. لاهنت ممكن تذكرلي تفرعاتهم اذا عنك علم ؟ شاكرلك |
مساكم الله بالخير أنا حبيت أني أشارككم بالموضوع لأني من أحد الـصفيـان يـوجد الـصفيـان من الشـريـفات من عبـده من شـمر وإيضـاً الـصفيـان من المساعيـد من عـتيبـه تقبلـوا تحيـاتي |
اقتباس:
ويتفرع ذوي حميد الى 1- ذوي عايد 2- ذوي عسيود 3- ذوي عويد 4- الوصاوصه 5- ذوي عوده هذا مالدي اخي الناي تقبل تحياتي |
[QUOTE=الـصـفـيـان;410416]
مساكم الله بالخير أنا حبيت أني أشارككم بالموضوع لأني من أحد الـصفيـان يـوجد الـصفيـان من الشـريـفات من عبـده من شـمر وإيضـاً الـصفيـان من المساعيـد من عـتيبـه تقبلـوا تحيـاتي حياك الله يالشمري والف نعم بصفيان شمر |
شكر
هلا بابن نميان
الله ينعم بحالك ويسلمك شاكرلك مرورك ومشاركتك تسرنا ياولد عمي |
شكر
هلا بالصفيان الشمري
ونعم فيك وبشمر كلها مشاركتك اتسرنا ومنتدى عتيبه نوره زاد فيك شاكرلك |
شاكرلك أخوي نفيعي وحيد على تفاعلك بالموضوع
مشاركتك كانت مفيده جدا عساك على القوه وبيض الله وجهك |
العفو اخوي ماسوينا شي
واي شي بخصوص الصفيان انا بالخدمه تحياتي |
اقتباس:
ما عليك زووود يا نفيعي وحيد ونعم بك وبربعك الهـيلا |
اقتباس:
ما عليكـ زوود أخوي وأنا لي الشرف بالمشاركة معكم تقبل تحياتي |
مساكم الله بالخير
أبي يالربع الصفيان الي بالحوطه (حوطه بني تميم) شصلهم ؟ من شمر ولا من عتيبه ؟ شاكرلكم |
اقتباس:
هذولا من شمر كانوا نازحين من حائل وانتقل جزء منهم على حوطة بني تميم وأصلهم من شمر |
شكر
السلام عليكم
شاكرلك أخوي اصفيان على مرورك وافادتك الطيبه لنا عساك على القوه |
مساكم الله بالخير
أخوي اصفيان أنت ذكرت انه الصفيان الي بحوطه بني تميم أصلهم من شمر . وهم يقولون انهم من عتيبه من المساعيد. عندك دليل ياخوي ؟ واذاعندك دليل أتمنى انك تذكره ؟ شاكرلك |
اقتباس:
السلام عليكم ورحمة الله وبركاته الله يمسيكم بالخير يالهيلا لي الشرف يا عتيبة اني اكون بينكم وودي افيدكم بشي ييمكن اكون اكثر من يعلم فيه بحكم اصلي عشيرة آل صفيان (عشيرة لأنهم أكبر من الأسرة) وبيوتهم بكل ديرة بالجزيرة العربية وبادية الشام الحوطة والدرعية والافلاج وحايل والشرقية والجنوب والكويت و.... الخ هم منا ونسبهم من الشريفات من الربيعية من ضيغم من عبده من قبيلة شمر وسندي في ذلك هو الشيخ صغير بن مسجد السعدون رحمة الله عليه سمعته منه قبل كم شهر قبل يتوفى غفر الله له وكان متوجه من الحفر الى الرياض في زيارة لهم ومنهم السيد فهد الصفيان مدير مكتبة جرير بالكويت وسعد الصفيان مدير المكتب الخاص لسمو الأمير نايف بن عبدالعزيز واستشهد على كلامي بقصيدة للشاعر / عباس بن فاضل الشريفي الشمري .. قالها في آل صفيان يمدح فيها ربعه ويثنى عليهم يقول : بـديـت بـاســم الله خـلاق الـبشـر ،،، الـواحــد الـمعبــود جــل عـــلاه وأقــول يـالـمعـبـود تـجمـع شـملـنـا ،،، وتـجعــل تـجمـعـنـا لما ترضاه قـابلت أنـا ربعي وناسـي وعزوتـي ،،، اللـي لهـم قـيمـة وعـز وجـــاه نــاسٍ لـيـا مـني تـسمـيـت بـاسمهـم ،،، كـلمـة نـِعم تـنطـق بها الأفــواه يمدحهم القاصي ويمدحهم الخوي ،،، ويمدحهم أهل الشان و أهل الشـاه ويـمدحهمـم اللي جا سكنهم وشافهم ،،، بحسن اللقا والشخص من ملفـــاه اللـي غـمرونـا في كرمهم وطيبهم ،،، شيطـان شعـري فـي كرمهم تـــاه نـاسٍ تـلاقـيهـم لـيـا مـن نـخـيـتـهـم ،،، وقـلـيـل فـي هــذا الـزمـن تـلـقــاه ربـعـي قـلـيـل فـي زمـنـا مـثـيـلـهـم ،،، نـارٍ عـلى عـيـطـا يــلـوح ســنــاه صـفـيـان صـافـيـنٍ ولا فـيـهـم الـردي ،،، والـكــل للـطـيـب يـحـث خـطاه صـفـيـان مـن قـومـي وأنـا مـن قـومهـم ،،، فـي عــزهـم عـزي وأنـا أتمنـاه مـا اخـص أحـد مـنهـم غـمـرنـا طـيبهـم ،،، والـطيـب فـيـهـم بـانـي مـبنــاه ربـعـي بـجمعاهـم يـغيـضـون ضـدهــم ،،، مـشاهـم الـشايـب عـلى مـبــداه شـريـفــات حـنـا مـا نـطـاطــي روسـنـا ،،، ولا نـخـضـع الـهـامـة لـغير الله حـنـا عـلى الـطـولات فـيـنـا جـسـارة ،،، وصـبـاحـنـا يـشـهــد بـمـا قـلـنــاه عــدونـا دايـم يـخـيـفـه صـبـاحـنــا ،،، حـتـى بــدا الـتـاريـخ بـما يـنـســـاه وخـتـامـهـا صـلـوا عـلى اللـي حـثـنـا ،،، بـوصــل الـرحـم والـسيرفي مبداه هذا والله اعلم .. واعذروني على الاطالة |
اقتباس:
يعطيك العافيه يالشمري على التوضيح وحياك الله في منتدى الهيلا ويزيدنا شرف انضمامك الينا ( يابعد حيي ) اعتقد ان قبيلتكم الصفيان ونحن الصفياني تحياتي |
السلام عليكم
ونعم فيك وبشمر كلها يا الشمري وشاكرلك مرورك وردك الوافي ويشرفنا وجودك معانا يالنشمي |
بارك الله بك , شكراً أخي الكريم
|
اقتباس:
أخوي الشريفي الشمري بيض الله وجهك على هالتوضيح لاهنت وأحب أن أضيف النسب الكامل لعشيرة آل صفيان بجميع المناطق التي ذكرها أخوي الشمري : - [[ آل صفيان نسبة إلى جدهم صفيان بن مهنا بن محمد من الشريفات من الربيعية من ضيغم من عبده من امرؤ القيس من زيد من عبد الرضا من جذيمه من حبيب من قيس من شمر من عبدالله من جذيمة من زهير من ثعلبه من سلامان من ثعل من عمرو من الغوث من جلهمه من طئ من أدد من زيد من يشجب من عريب من زيد من كلان من سباء من يشجب من يعرب من قـحطان من عابر من شالخ من قينان من أرفخشد من سام من نوح من لملك من متوشلخ من خنوخ من يارد من مهيائيل من قينان من أنوش من شيث من آدم ]] وأعتقد أن هالنسب واضح وشافي للأخ السائل تقبل خالص التحيات |
| الساعة الآن »05:14 PM. |
Arabization
iraq chooses life
Powered by
vBulletin®
Version 3.8.2
.Copyright ©2000 - 2025, Jelsoft Enterprises Ltd