سلام لاهل المقام المعتلي والرفيع=من خاطر ٍ مسفهل ولابعد ضاقي
لاقلت كلمة صراحة صار قولي شنيع=هو ليه والحق يرضي سمح الاخلاقي

يامرحبا يالمسلم عد نبت الربيع = ترحيبة ٍ تنكتب من كل الاعماقي
ان كان قلت الصراحه كل عاقل يطيع = يقوله اللي لقول الصدق عشاقي

دام البقا وانت تمشي بالطريق السريع=وانا امشي بهون ماحبيت الارهاقي
انته دليله وغيرك بالطرايق يضيع = مار اقنع اللي يضيع ومنزله باقي

انا امشي بمعرفه والبال عندي وسيع = واراقب اللي مكوّن سبع الاطباقي
الله يرد المضيّع للطريق السنيع = ان كان مارده الله مابه اوفاقي

حملت رايه واقول لحملها تستطيع = لكنّ يالقرم ماابغى اكشف لك اوراقي
انته تركت المضيع وانت حصن منيع = حتى تمادى بعماه ومابعد فاقي

ماينطح الكايده ياكود رجل ٍ شجيع = عان العلم فوق راس الرجم خفاقي
وانته معي قدم اللي تعرف وتستطيع = شرواك للحمل لا منه برك طاقي

بالموقف اللي يشّب منه راس الرضيع= فعول ربعك تشابه شمس الاشراقي
لاشك كل ٍ على حقه لروحه يبيع = واشوف ناس ٍ تحوق الطوله حواقي