|
من بفهم بالمعاني يدخل
يقول ابو فيصل حبيب العازمي لتركي 2000 في محاورتهم الاخيره في كشب
البعير اللي تبا تقناه وسمي فوق خــــده وان قنيته لا تعده من سفينات الصحاري فماذا يقصد بالبعير هل يقصد الشعر والا يقصد لقب شاعر الوطن لان صار بيني وبين احد اخواننا المطران كلام حول هذا البيت ياليت احد من الشعراء يفسر لنا مقصد حبيب بهالبيت |
اقتباس:
اصل البيت : البعير اللي تبا تقناه وسمي فوق خــــده وان قنيته لا تعده من سفينات الصحاري ((من الاقتناء )) والقصد شاعر الوطن وتراها عدت على موديل 2000 مافهمها ملحوظة :ان كان الشخص اللي انت تجادله حول هذا البيت يقول (تجناه) بدل من (تقناه) فلا تجادله اساساً |
المقصود من كل الابيات اما انه شاعر الوطن او الشاعر فيصل الرياحي وعلاقة تركي معه والاقرب انها حول شاعر الوطن |
البواردي الف شكر علي مرورك وتوضيحك والجدال صار في المعني
وبالفعل انا قلت شاعر الوطن ومرت علي تركي ( لانة ماهو شاعر معاني ) يعني يرد علي البيت ومايدري وين رايح ابو فايح بيض الله وجهك وتقبلو مروري |
تحيـــــة طيبة للجميــــع حبيب على ما أعتقد يقصد شاعر المحاورة الأول ( هذا هو البعير ) بمعنى مهما وصلت يا تركي في المحاورة فقد سبقتك في هذا المجال والنجومية وش يقول تركي البعير اللي تقولة يا حبيب منت قدة أحمد الله واشكره واشبع من الرز البخاري |
انا اقول انها مرت على تركي والله اعلم والي اشوفه انه رد على لفظ البيت ما رد على معنى البيت والدليل بيت حبيب بمعنى انا ( عتيبه ) اخذت لقب شاعر الوطن قبلك وان خذيته انت ماعاد له قيمه والدليل انها مرة على تركي وانه رد على لفظ البيت لاهنت يالحمراني على الموضوع |
اقتباس:
لاتحاول توجدهم في المعنى لان المعنى واضح وهو شا عر المحاوره الاول وليس شاعر الوطن |
المعنـــــــــى على لقب شاعر الوطن
والي عنده اعتراض يسأل ابو فيصل (حبيب) هذا كلامه لي .... وشكرآ |
قلة ادب روح تعال
ياخوان الابيات واضحه المقصود شاعر المحاوره وحبيب ليس شاعر الوطن ولم يسبق ان اطلق عليه لكن شاعر المحاوره والمعنى واضح يقول حبيب اللقب الي تبيه كد صار لي ون قنيته لاتعده لك يوخذ منك مثل ماخذ مني ياحبيب فرد تركي ان اللقب منت قدله ياحبيب مير خله عنك وشبع من الرز البخاري والدليل رد حبيب المهم اني كد وسمه يعني سبق اني اخذته ون غدا جعله مايعود وحبيب شاعر مهو بسيط وعارف ان اللقب بياخذه تركي |
اقتباس:
:p والله مدري ليش لها الدرجه مخدوعين أن تركي شاعر أو يستاهل أي لقب ;) تركــي لقبه الوحيد والي ركب عليه ;) 2000 :p يعني مافيه أمل يصير 2001 ;) |
اقتباس:
يا بن نميان اتركوكم الاوهام اللي تعيشونها لو تركي ما هو شاعر ما كان الخليج العربي كله يعرفه ويعرف مكانته00 وغير كذا اول شعار يتمنون يلعبون مع تركي هم شعار عتيبه فلا تضحك على نفسك يا مشرف |
اقتباس:
أنا مــاقلــت لكـ أن تركي مهو شاعر ...! تركي شاعر ...! ;) بس فيه فرق بين شعر الجزاله وشعر تركيب البيوت ولا كــل من ركب البيوت ووزن البيوت شاعر :) :) أتمنى أنكــ تركن العاطفه بعيد :) وتأخذها من منظور ثاني تركي لولا نعمة الله عليه بالصوتــ الزين الي يــجره بموواويله مايمديه وصل هالمستوى من الشهره :) شهرة بـ الصوت بدون النظر عن محتوى بيته :) الي يغنيه يعلم الله أني أكن لـ قبيلة مطير كل حب وتقدير وكل معزه وهذا مافيه شكـ من يوم عرفت الدنيا ومطير جيراني خاصـة تركي 2000 عرفته وعرفت أهله وربعه قبل يصير شاعر :) ونعم الرجــل ونعم القبيلة الي منها..! يوم نقدة تركي مانقدته من مسأله قبيلة أو مسألة كراهيه وعداوه لاوالله يعلم الله انه هالشي بعيد عنا لاكن الواحد لابد يكون صريح بعيد عن المجاملــ :) ..! مطير قبــيله خرجت الكثير من الشعار سواءً في الرد أو النظم من يجهل عبدالله العير وزيد ابن سلمي وفواز العزيزي:) اتمنى اني ماثقلت عليكــ :) ومسألة أن مايلعب مع تركي إلا شعار عتيبه...! أبسألكــ سوال ...؟ أكثر شعار المحاورة الي يلعبون المحاورة من اي القبايــل...؟ من عتيبه ..! صحيح :) لو عديناهم بنغلط في عدهم فـ من المنطق والعقل أن أكثر الشعار لي بيلعب معهم تركي من عتيبه :) لو تعد شعراء القبايل الأخرى تعدهم على روس الاصابع ولانقول فيهم اقصور..! أتمنى لكـ التوفيق ولـ تركي 2000 ولـ كل مطيري ولـ كل عتيبي ولكــل مسلم على الأرض |
اقتباس:
عموما بيض الله وجهك على الكلام اللي قلته وهذا ينم عن طيب معدنك يا بن نميان وربنا يقدم اللي فيه الخير |
| الساعة الآن »11:00 PM. |
Arabization
iraq chooses life
Powered by
vBulletin®
Version 3.8.2
.Copyright ©2000 - 2025, Jelsoft Enterprises Ltd