ارحبوا ياطيبين الفعال *** من جنوب المملكة للشمال
 

ارحبوووووووووو

اقلط

يامرحب ترحيب البدو بالعيد

الرقاص الحافي

ابو ساره


الله يجبر بخواطركم . وياهلا بكم :)

ياخوان هذي اول مشاركه لي في القسم الادبي .

مشكوووورين على المرور . حتى لو ماكتبتوا .

الضيف له حشمه وواجب وتقديـر .

يالله حي كلن في محله .




:) :) :)

:)


انتظروني قريبا قريبا قريبا

لي عودة ان شاء الله

	من وراء الكيبورد بإسمِ (ن) مستعار ** ** يكتبون المسخرة والبلبله. نصفهم كبار بعقول صغار ** ** ما يعرفون السنع و المرجله. شالوا سيوف الحسد للانتصار ** ** من يخالف رغبته يستأصله. سبوا أهل العلم مع أهل الوقار ** ** ماسلم منهم شيوخ مهلله . في الإشاعه يشعلون النار نار ** **ناسٍ (ن) تمرضها وناسٍ (ن) تقتلا . والجبان اللي يخيفه واللي طار ** **صار عنتر بالسنين الأوله . يظهر أنه لحال دينه يغار ** **وإن نفسه ماتطيق المهزله . كيف والغيبه لنا يكتب شعار ** ** يدخل بنية ناس (ن) يجهله . منهم اللي يدخل بأسماء عار ** **كل موقع تدخله بتحصله . مانعه أن فيهم رجال كبار ** فيهم اللي كل خير(ن) يبذله . ياأهل النت النصيحه بالجهار ** ** الفضيحه ماتحل المشكله . انصحوا بالسر تجنون الثمار ** ** تكسبون الإجر وافي مجزله . من تتبع عورة المسم وصار ** ** يفرح بزلة أخوه وينقله . يتبع الله عورته ليل ونهار ** ** يمهله ربه و لا هو يهمله .

وسلااااااااااااااااااااااامتكم
م/ن

أخوي مرزوق شاكر لك مرورك . وهذه شهادة أعتز بها . وأن شاء الله أكون عند حسن الظن دائمااااااا.

حفظك الله ورعاك :)

اليوم الثاني
السلام عليكم ورحمة الله وبركاته

ارحبووووووو

ياحي الله الضيف

ياحي الله برقا وروق / وروق وبرقا ( علشان ماحد يزعل أنتم أهل محل ) وكل الناس الطيبه .

عسى الطيب فالكم وفالي .

	ياحي الله من دخل صفحتي وقراها ** قال شكرا ولا ديور وتعداها

اقلط ياولد وخذلك فنجال وعلوم جال .



ارحبووووووو

ياهلا ويامسهلا

ياولد صب القهوه وقرب القدوع لضيفنا حياه الله .

المحل محلك وحنا ضيفانك .

يالله حيه يالله حيه تحية المطر .

	اليوم يا خواني أقف موقف إجلال وإكبار وتقدير واحترام لمن حباه الله موهبة الشعر واستخدمها لنصرة الحق والدين . والرد عن عرض أخوه المسلم . فجزاهم الله جنة عرضها السموات والأرض ورفع الله قدرهم دنيا واخره بعدد كل حرف كتبوه لنصرة الحق . والفاهم فاهم ياليتني شاعر كان ماتعدا طريقم هالشعار الي يرفعون الرأس ويبيضون الوجه عزيزين مترفعين عن النذالة والحقاره والعلوم الرديه . لكن أن أشهد أنكم كفيتوا وفيتوا . وجزاكم الله خير. لكن لو سمحتوا لي أساهم بزادي القليل المتواضع مما قالوه سلفنا الصالح في المواعظ والزهد . و منهانذكر بعض بالأخرة علشان ننجي كلنا يا ما الصلاح وبس . والله يستر لاتكون ماهي مقبوله و لا ننسى إن رسولنا الكريم وصانا وصيه وهي أن نكثر من ذكر هادم اللذات .وانتم عارفين ليه ؟ قلوبنا لاهيه بهالدنيا الله يكفينا شرها ويعطينا خيرها فنتج عنه قسوة في القلوب الله يعافينا منها ولا يحييها الا ذكر الموت .

لاخلا ولا عدم يابعد الناس كلهم ياعتابه :)

لا تأسفن على الدنيا وما فيها

	لا تأسفن على الدنيا وما فيها فالموتُ لاشك يفنينا ويفنيها ومن يكن همه ُ الدنيا ليجمعها فسوف يوم ً على رغمٍ يخليها لا تشبع النفس ُ من دنيا تجمعها وبُلغة ٌ من قوام العيش تكفيها أعمل لدار البقاء رضوان خازنها الجار أحمد والرحمان بانيها أرض ٌ لها ذهب ٌ والمسك طينتها والزعفران حشيش ٌ نابت ٌ فيها أنهارها لبن ٍ مخض ٌ ومن عسل ٍ والخمرُ يجري رحيقا ً في مجاريها والطير ُ تجري على الأغصان عاكفا ً تسبح الله جهر ًفي مغانيها من يشري قبة ٍ في العدل عالية ً في ظل طوبى رفيعات ٌ مبانيها دلالُها المصطفىَ والله بائعُها وجبرائيلُ ينادي في نواحيها من يشتري الدار في الفردوس ِ يعمرها بركعـة ً في ظلام الليل يخفيها أو سد جوعت ِ مسكين ٍ بشبعته في يوم ِ مسغبة ٍ عم الغلا فيها النفس تطمع في الدنيا وقد علمت أن السلامة َ منها ترك ما فيها والله لو قنعت نفسي بما رُزقت من المعيشة ِ إلا كان يكفيها والله والله أيمان ٌ مكررٌ ثلاثة ٌ عن يمين بعد ثانيها لوأن في صخر ٍ صم ٌ ململمـة ٍ في البحر رأسيـة ٌمُلس ٍ نواحيها رزق ٌ لعبد ٍ براهُ اللهُ لنفلقت حتى تؤدي إليه كل مافيها أو كان فوق طباقِ السبع ِ مسلكها لسهل اللهُ في المرقى مساعيها حتى ينالُ الذي في اللوحِ خُطَ لهُ فأن أتته ُ و إلا سوف يأتيها أموالنا لذوي الميراثِ نجمعها ودارنا لخراب البوم نبنيها لا دار للمرء بعد الموت يسكنها إلا الذي كان قبل الموت يبنيها فمن بناها بخير ٍ طاب مسكنهُ ومن بناها بشر ٍٍ خاب بانيها والناس كالحبِ والدنيا رح ً نصبت للعالمين وكف الموت ينهيها فلا الإقامةَ َ تنجي النفسَ من تلف ٍ ولا الفرار من الأحداث ينجيها وللنفوسِ وأن كانت على وجل ٍ من المنيةِ أمال ٌ تقويها فالمرء يبسطها والدهر يقبضها والبِشرُ ينشرها والموت يطويها وكلُ نفس ٍ لها زورٌ يصبحها من المنيةِ يوم ٌ أو يمسيها تلك المنازلُ في الأفاق ِ خاوية ٌ أضحت خراب ً وذاق الموت ُ بانيها كم من عزيز ٍ سيلقى بعد عزتهِ ذلا ً وضاحكة ً يوم ً سيبكيها وللمنايا تربي كلُ مرضعة ٍ وللحساب برا الأرواح باريها لا تبرح النفس تنعى وهي سالمة ٌ حتى يقوم بباب القوم ناعيها ولن تزال طوال الدهر ضاعنة ٌ حتى تقيم بوادي ٍ غير واديها أين الملوك التي عن حظِها غفلت حتى سقاها بكأس الموت ساقيها أفن القرون وأفناء ذي عمر ٍ كذلك الموت يفني كل ما فيها فالموت أحدق بالدنيا وزخرُفيها والناسُ في غفلتة ٍ عن كل ما فيها لو أنها عقلت ماذا يُراد بها ماطاب عيش ٌٌ لها يوما ً ويُلهِها نلهوا ونأمل أمال ً نسر بها شريعة الموت تطوينا وتطويها فاغرس غصون التقى مادمت مقتدرا ً وأعلم بأنك بعد الموت لاقيها تجني الثمار ودان في دارِ مكرمة ً لامنَّ فيها ولا التكرير يأتيها فيها نعيم ُ مقيم ٌ بلا أنقطاع ٍ أبدا ً ولا مــــــــــــــــــــــن َّ يدانيها الأذن ُ والعين ُ لم تسمع ولم تراه ُ ولم يدر في قلوب الخلق ما فيها فيا لها من كرامة ً إذا حصلت ويالها من نفوس ٍ سوف تحويها وهذه الدار لا تغررك زهرتها فعن قريبا ترى معجبك ثاويها فأرفع بنفسك لا يخدعك لا معها من الزخارف وأحذر من دوأهيها خداعةٌ لم تدم يوماً على أحدٍ ولا أستقرت على حالٍ لياليها فنظر وفكر فكم غرت ذوي طول ٍ وكم أصابة بسهم الموت أهليها أعتز قارون دنياه من سفهٍ وكان من خمره ياقوم ذاب فيها يبيت ليلته سهران منشغلان في أمر أمواله في الهم يفديها وفي النهار لقد كانت مصيبته تحز في قلبه حزا ً فيخفيها فما أستقامت له الدنيا ولا قبلت ْ منه ُ الوداد ولم ترحل مُجيبيها ثم الصلاة على المعصوم سيدنا أزكى البرية ِ دانيها وقاصيها

أخواني قد كتبتها على عجل فجزاء الله من أصلح لي خطاء ً خير الجزاء وتقبلوا كل التقدير والإحترام

يا ضيفنا أنت دخلت محلنا باختيارك وما تطلع إلا بحق وأنت ما ترضى لي العيب و النقيصه ؟!

	الذبيحه معلقه بكرعانها

زورونا مره ثانيه ستجدون ما يسركم إن شاء الله ,
و لعل مشاركاتي الثانيه تعجبكم لاتنسون رابط الموضوع لاهنتوا

يأخوان أدعولي بالتوفيق والسداد ( تراني بدون ربي ثم دعاكم ضعيف ولا اسوى شيء)

من الصبح وأنا أكتب بالقصيده دندنة عيوني من الشاشه ؟

لكن عتابه تستاهل كل خير .

ونعم والسبعة انعام بالحى الغانمه . لاعدمناهم

تصبحون على خير بروح أنام .

السلام عليكم ورحمة الله وبركاته

لي عودة
قريبا قريبا
قريبا قريبا قريبا
قريبا قريبا قريبا قريبا
قريبا قريبا قريبا
قريبا قريبا


إن شاء الله تبارك وتعالى مع اليوم الثالث

انتظرووووووووووووني

تركتكم في حفظ الله ورعايته

السلام عليكم ورحمة الله وبركاته

الطيبه كلها .............. اثرك شاعر ................تحياتي

الطيبة كلها

لكل قصيدة موضوع خاص افضل لكي يشاهدها الزوار والاعضاء كذا ماراح احد يشوف القصائد والحكم ..

بعدين اشوف فية قصائد فصحى يالليت انك تضعها مستقبلا في منتدى شعر الفصحى والحكم في الخواطر ..

حتى تكون مشاهدة من الجميع ..


بارك الله فيك .. وبانتظار جديدك

الاخوان

نبض المشاعر والذيباني 2007

لاهنتوا على المرور

وشاكر ومقدر مروركم .

جزاكم الله عني الجنه

لاخلا ولا عدم ان شاء الله

الذيباني 2007 الله يجبر بخاطرك أنا شاعر مرة واحدة .

مانيب من اللي يكبرون ........ بالخراقين .

والله لانيب شاعر ولاشيء لكن هذي خواطر وردت بالخاطر وحبيت

اشاركم بها لتسعدكم وادخل الفرحة على قلوبكم فقط لا غير



لكن احب الشعر السامي النبيل الطاهر العفيف . .

وياليتني شاعر كان يالربع ما تعدا مدح الرسول ( عليه الصلاة والسلام )

شاكر لك مرورك مرة اخرى

.......نبض المشاعر أبشر بعزك و سعدك .

وشاكر لك توجهاتك لا عدمناها إن شاء الله

لا خلا ولا عدم

والله يحييك

اليوم الثالث


دعاية

	حصريا وعلى منتدى العتيبه الهيلا يوميات ......الطيبه كلها ...للناس الطيبه فقط فقط فقط ( ولا القشران – راجع قاموس اللهجة العتيبه ص00 من المجلد العاشر ) ما نبا نشوفهم هنا الا اذا هداهم الله وعلى قول القايل خشمك خشمك لو كان- أرثم - راجع قاموس اللهجة العتيبه ص00 من المجلد المليون ) لاتنسا تدعو الاصدقاء والاهل والاقارب عندنا ان شاء الله هنا كل ما يسعدك ويفيد

والبيت زاد نوره بزواره ياهلا وغلا

ارحبووووووو

ياحي الله الضيف

ياحي الله برقا وروق / وروق وبرقا ( علشان ماحد يزعل أنتم أهل محل ) وكل الناس الطيبه .

عسى الطيب فالكم وفالي

اقلط ياولد وخذلك فنجال وعلوم جال .



ارحبووووووو

ياهلا ويامسهلا

ياولد صب القهوه وقرب القدوع لضيفنا حياه الله .

المحل محلك وحنا ضيفانك .

يالله حيه يالله حيه تحية المطر .

ارحبوووووووووووو

الفطور ياولد الهمام الهمام عجل علانا .

سامحنا ياضيف ماغير كبدة نجدي مشلوطة على السمر وحليب خلفات

يحبه قلبك . ولا تؤاخذنا ياضيفنا الجود من الماجود

اقلط الله مير يحيك ويبقيك

أعذروني يامشايخ ويامشرفين وياكبار لكن شوفت عيونكم اكثر الزوار هنا وصغار غارتهم الدنيا فاعذروني لو كان اسلوبي ركيك انا لم اكتب من اجلي او من اجلكم لكن كتبت من اجلهم ويارب يامجيب الدعاء توصل فكرتي لهم وتنفع بها وتجعل كلامي غيثا نافعا يروي كل القلوبا التي للعلم عطشانه .

وفي انتظار توجيهاتكم وارشاداتكم لما فيه صلاح الجميع .



اميـــــــــــــــــــــــــــــــــــــــــــــــ ــــن يـــــــــــــــــــــــــــــــــــــــــــــــار ب العالمــــــــــــــــــــــين

	يا ناشدن عنا حنا المقطه عتبان واللي يعادينا كأنه ياطاله نار يما كوته ولا احترق بها . و الذيب ماتخوفه الذيبان وأن لم تكن ذئبا ً أكلتك الذيابه والفاهم فاهم

وسلااااامتكم

الرسالة الاولى ( اعذروني لو فيها فضاضة شوي )


علم الناس ايها المظلوم أنك تعرف وتفهم ما هو الدافع وراء كلام الظالم وهذه السماجات .

أولا تكلم فيك لأنك أحسن منه ( وقاهره ) وهذي هي حيلته ( يشذب فيك – ويلمس الكعرة ويشوف وش بتسوى )

وعشان نسلي المظلوم نقوله بعد قل للظالم
(أن كلامك ترى عليك مردود وعلمك اللي جبته ما عليه شهود وكأنك رجال واجهنا يا... والميدان ياحميدان والحق تراه راكبك من رأسك لرجولك)


أعلنها اخي المظلوم للملاء وقل للظالم

[COLOR="red"]( ماتفيض عين إلا من ملاها )[/COLOR]

رد يسكت الظالم عنك ويلجمه وتروح وانت مرفوع الرأس صح ؟؟
( أرد كالمعتاد اسئل واجاوب واحتسب والله يتقبل - أصلي كريزي من زمان ( سلامتى من . .)
وأقول اكيد مافيه شك وأحنا دايما يا العتبان ماننتقص عيال العم و الأخوان ) .

معليش اسمحوا لي وقفة ....

يالظالم الشمس ما تُحجب بمنخل ؟ ومهما طال ليل الظلم مسير نهار الحق يظهر .

يا..............................
أرفع نفسي والطيبين اللي معاي عن السب والكلام الهابط والسامج ولي ماله داعي حتى لو حنا في صف المظلومين وأن شاء الله ما حنا من أهل العلوم الرديه يأخواني لا أنا ولا انتم .)
. اليس كذلك ؟؟ ( بأجاوب كالمعتاد- اصلي كريزي من زمان أم وأب - واقول اكيد و كلنا يالهيلا على الاخاء دائماااااااا وابدااااا متفقين)

وقفة تأمل في المثل السابق .....( ماتفيض عين ٍ إلا من ملاها )

تمثيل راااااااائع وتشبيه بليغ وجميل فتخيل أخي عين الماء .هل يخرج منها ماء وتسيل العيون الا اذا كان جوفها ملي من الامطار كذلك هذا الحاقد عليك لايتكلم فيك ولا يحاول انتقاصك والاستهزاء بك الا لانك مالي عيونه وتارسها بعد
عساها ....
علشان كذا تحمس ودور وخطط ودبر ( حسبنا الله على كل ظالم ما تاب ولأصلح مأفسده وأظهر الحق الله يجزاه بما هو أهلٌ له دنيا وأخرته ) ....الخ

طيب ماهي الاسباب الدافعه لهذا التصرف المشين المعيب ؟ يجيكم العلم ياوجيه الخير أبشرو باللي يشفي صدري وصدوركم . ويعمي عين العدو وكل حاسد بعود .
ومقيوله – ومال العمى غير الصما-
والفاهم فاهم

نرجع للموضوع :

وكل هذا يأخوان ياكرام بسبب الحسد والعياذ بالله أوالحقد او الاثنان مع بعض يعني غل نسأل الله العافية والسلامة .

أقف هنا أخواني وقفه ........ ( حسد – حقد – غل ) طيب وش معناها ؟

المصطلحات هذي لو بنكتب فيها ماراح نوفيها حقها لكن وبكل بساطة خير الكلام ماقل ودل وعلشان كذا راح أخفف الاستدلال .

( وعفواً وعذرا ً أهل العلم مشايخنا الكرام والحى الغانمه الميامين فليس المقام مقام تفنيد وأستفاضه وأنما تذكير فقط وتوصيل فكرة ونصح في الله فقط ولكل مقام مقال فعذروني على التقصير ولعل الله ينفع بها وتكون شمعا تضيء طريق الظالمين في سواد ووحشة قبورهم )

1-نبداء الحسد : - هو تمنى زوال النعمة من الغير .

( وهذه النعم حباه الله أياها وعطاه وليس لك ياحاسد ياظالم فضل فيها ولا منّه فسبحان الله ) ؟؟؟؟ !!! تعترض على قسمة الله وقضاه ياظالم .

لاحول ولا قوة إلا بالله

صدق من قال المعطي بالسماء والحاسد في الارض .

وقالوا بعد كل صاحب نعمة محسود

( فهذه سلوى لكل محسود وعليه أن يحمد الله على نعمه علشان ربي يزيدها ويغيض العدا والحساد أكثر وأكثر .............
( فاللهم لك الحمد والشكر على كل نعمة أنعمتها علينا قديما وحديثا والحمد لله على كل حال )
وأطلب ربك الثبات ( فيا مقلب القلوب ثبت قلوبنا على دينك إلى أن نصل دار السلام بسلام بقلب ٍ سليم معافى يحبك ويرجيك ما تعلق بحد غيرك )
وان يكفيك شر الحاسدين .((فيا الله يا ناصر المظلومين أنصرنا على من ظلمنا بما يستحقون دنيا وأخره)

ولسلوى المظلوم أن شاء الله يوم خاص انتظروني ياخوان
ولا تنسونا من الدعا لي ( لاخلا ولاعدم ياهل الخير والطيبه كلها ) .

2 - الحقد هو استكثار الخير على الناس ؟؟؟؟!!!!!!!

اضرب لك مثل واحد شرى له سياره جديده
ولنقل جيب لاند كروزر الفل ابشن مثلا ( الاند كروزر الموت الحمر على ما قالوا من بيشتريه ألا طوال الشوارب )

طيب وشافه واحد من عيال عمه بدل ما يفرح له ويبارك له يحقد عليه كيف يعني ؟؟؟!!! يقول في نفسه منهو على شان يشتريها وانا لا . وهلم جرى

عجب منك ياحاقد أرجع وأقول كل شيء قسمه ونصيب

فمن رضا له الرضا ومن سخط له السخط ( ومن ينا يطيق سخط الله نعوذ بالله من سخطه وعقابه وشر عباده )

والرضى بها واجب ولا فنحن مخالفين للملة الغراء .
لاحول ولاقوة الا بالله . والله المستعان وله الشكوى .

الله يصلح أحوالنا وأحوال المسلمين .

3- الغل نسئل الله العافية والسلاااااااااامة : -
هي اجتماعهم مع بعض ( حسد + حقد = غل )نسأل الله العافية والسلامة وحسن الختام .

( يعني كوكتيل مايحتاج يأخوان - ولا كوكتيل ماما نوره اللي بطريق الملك عبدالله - ولا فيه أحلى منه في الدنيا . مثل أصحابنا والفاهم فاهم ) . (يعني قلب اسود من الليل ) نسأل الله العافية والسلامة وحسن الختام .

وواسمع منى يالظالمين ابا اوصيهم وصيه:-
ياظالم ياتلحق ياماتلحق الحق نفسك وادع ربك ان ينزع الغل اللي في قلبك على اخوانك المسلمين . لان مضرتها عايده عليك . فحكم عقلك وافهم ياولد . ولا المظلوم بخير ونعمه والف عافيه والحمد لله .

.

إلى متـــــــــــــــــــــــــــــى ياظالم :-

الا تخاف الله والدعاء عليك

( حسبنا الله ونعم الوكيل )

أيها الظالم ألا تخاف الدعاء فدعوة المظلوم ليس بينها وبين الله حجاب مثل ماعلمنا رسولنا الكريم فأتق الله في نفسك ( ولا تركب نفسك حق أنت في غنا عنه )
لكن فيه نقطه ووصيه .....يالمظلوم الله الله بالعدل في الدعاء ولا تتعدون فيه فان الله لايحب المعتدين حتى في الدعاء ادع ربك ان يظهر الحق ويبينه لكل الناس حتى يكون كالشمس المنيرة فلا يصدق مصدق أي كلمة تقال مالها اساس من الصحة وادع ان يرد كيد الظالم لنحره وان يشغله في نفسه ويُجازيه بما هو أهل له في الدنيا قبل الأخرة
وياويلك يالظالم ترى ربي يمهل ولا يهمل
وترى (الشرة )تظهر فتق الله ياخي الظالم فيما تقول وتفعل ......الخ
{ سؤال للاخوان المتابعين عرف الشرهه ولك دعوه }
ويكفي ياخوان هذا يسب وهذا يرد بسبه هذا يلعن والثاني يرد له لعنه .
لاحول ولاقوة الا بالله .
ما اقول الا الله يصلح احوالنا واحوال المسلمين

الرسالة الثانية

ايها الظالم أنااشكرك ويجي منك أكثر ...
( ليه اكيد بتستغرب الحين بتقول اظلمك وتشكرني كيف تجي وضح ؟؟)( اكيد مغتاضين الظلمه والي فاهم فاهم )

اقولك كيف :

ياظالم يا .......... الله عادل وما يضيع شيء عند الله . وكل شيء محسوب - يالك ياعليك - فتقي الله في نفسك .
ولا الي ظلمته بخير ونعمه بك وبدونك . ( بتقول كيف وانا اسئت له ؟ ؟) وجهة نظرك و للمظلوم وجهت نظر مخالفة فيا تقنعه يا يقنعك ؟ يالله اتحداك يالظالم تبارز المظلوم قدام الناس كانك صادق ؟؟ يالله يالله ؟؟!!!!!!!!!!!!والناس هم الحكام لا المظلوم ولا الظالم يحكمون الناس واهل الخير والطيبه كلها لهم عيون تشوف واذان تسمع وقلوب تعي ماهم امعة مع كل ظالم يصيحون؟ لالا لا
على هوينك لا تغتر . ترى من حقر الرجال حقروه . ومن كان فوق جبل ويشوف الناس صغار في عينه ترى هو بعد صغير في عيونهم . اذا رحت البر تامل هذا الموقف وبتشوف اني صادق . على هوينك ولا تغتر بوظيفه ولا مال الدين حسن الخلق وبس ما يبون الناس منك شي سوا كلمه حلوه او انتقاد هادف يرتقي بهم ( ورحم الله امرء اهدى الى عيبا ) وانصحك انك تفكهم من شرك وتقول خير ولا تسكت مثل ما علمنا رسولنا الكريم عليه الصلاة والسلام . ومثل ما قلنا مايضيع شيء عند الله . الله عاااااااادل . كل شيء محصى ومكتوب .

طيب كيف ..... تابعوا معاي وتعرفون نهاية الظلم المحزنه والمخزيه ( نسأل الله العافية والسلامة وحسن الختام )

ويالمظلوم احمد الله انك مظلوم مانك ظالم ..نعمه تستحق الشكر . اليس كذلك ؟؟؟ ( اكيداااااامافيه شك واحنا يالعتبان دائمااا أقوياء جبال راسخات لاتهزنا الرياح العواتيا)

نرجع للموضوع : كيف طيب ؟ وش النهايه المحزنه المخزيه للظالم ؟؟

في يوم القيامه لما نعرض على الله للحساب يكون الواحد منا بحاجة حسنه تشفع له وترفع درجته يوم الدين .

.............وقفه .....

بطري - القاموس ياشباب - لكم شيء تحبونه؟؟

وش تتوقعون ؟



( الرصيد والبنك لكن بنك من نوع خاص اساسا مافيه منه في الدنيا ابد ) تابع معنا وتشوف


فالمظلوم ببساطه بيكون عنده رصيد اضافي من الحسنات

مين اللي فتح للمظلوم حساب في بنك الحسنات يوم الدين . انت يالظالم . شفت وش رايك الحين مازلت متعصب ولا تخاف الله . الله يهدي ضالنا وضال المسلمين ويصلح احوالنا واحوال المسلمين .

( علشان كذا يقولك المظلوم شكرااااااااااا من صميم قلبي وما قصرت وكلما ظلمته يالظالم أكثر سيؤجر المظلوم أكثر فمهما تزود الانسان يظل زاده قليل وفي حاجة الحسنه ولله المشتكى )

( يأحبنا لطاري الفلوس والقريشات والرصيد – رصيد أضافي !!!! كيف ؟؟؟؟!!!! وضح لنا أكثر علشان نسلي المظلوم ونردع الظالم عن ظلمه لعل ربي يفتح على قلبه )


مثل أذا رحت لمطعم وصاحبك باشر عليك وش تقوله ؟؟ شكرا أقل شيء . ماقصرت لانه ببساطه دفع بدل منك وفلوسك بجيبك مانقصت يعني ببساطه زادك ما نقصك؟؟ اليس كذلك ياعتبان ؟؟ يجاوبكم الكريزي ( مافيه شك وحنا يالعتبان مع الحق دائما اااااا)

وتخيل بعد علشان تزيد حسرتك يالظالم وتنقهر وترجع للحق اسمع يالظالم ... تصلي وتصوم وبالأخير للمظلوم كل هذا ياحسرتك وخيبتك !!! - وهل فيه احسن من كذا سلوى تصبر الواحد على الظلم . ؟ أليس كذلك ياخوان ؟؟ كالمعتاد أرد على نفسي - اصل انا كريزي ابا عن جد- قولوا ونعم ياعيال العم - ( وبسم الله علي من ....) واقول أبداااااا والله مافيه أحلى وأشفى للقلب من هالسلوى والدنيا بلي فيها وبما فيها من مس العرض و والطعن في النسب أغلى ما يملك الإنسان ولا تسوى جناح بأعوضه عند الأخرة وفضلها والجنة ونعيمها . فلنعطي الدنيا حجمها الصغير الحقير ولا نغضب لنصرت انفسنا وأعراضنا وعرض الرسول والقران ينتهك وليكون غضبنا لله وحده يعني في حرمات الله والاعتداء على الدين والقران والرسول عليه الصلاة والسلام . ( ونعوذ بالله من الخزي والعار والله يجيرنا والمسلمين من النار وما قرب اليها من قول وعمل وياجعلنا بالجنة كلنا و والدينا والمسلمين والمسلمات والمؤمنين والمؤمنات الاحياء منهم والاموات ) امين

طيب نرجع لموضوعنا نفرض ان الظالم مايخاف الله ولا عنده حسنات خير شر كل اللي عنده ذنوب كافر يعني مثل الي مايصلي ؟! نسئل الله العافية والسلامة كافر محبط عمله مهما سوى من الخير .

-جمله اعتراضيه الله الله بالصلاة ياعيال العم - صلاتك نجاتك - وصلاتك جنتك ونارك
وعلى قول القايل خشمك - القاموس ياجماعه- معك والمسجد قدامك .


-معليش كل شوي بقطع حبل افكاركم اعذروني - .

نرجع وش يصير للظالم يوم الدين ؟؟؟!!!!
الله عادل متفقين على كذا ( اكيد مافيه شك .سبحانه وتعالى علوا كبير يليق بجلاله وعظمة سلطانه )

تكون يالظالم بكل بساطه اسمحوا لي ياجماعه الخير ومشرفينا الاكارم بس لازم أكتب الكلمه ( سلة مهملات – حاوية نفايات ) يرمي فيها المظلوم من سيئاته فيها مايعادل ظلمك له .

( تخيل هذا الموقف اللــــــــــــــــــــه وأكبر !!!!!!
هو يخطي ويذنب وانت تشيلها و تتعاقب بدل منه )
وفيه احلى من كذا سلوا للمظلومين !!
( لاوالله رب الكعبة ) وكل الكلام السابق ثابت في الحديث الشريف ياخوان والقران واللي يبي الادله حاضرين .

ياخي كان المظلوم ممكن يقول للظالم اظلم اكثر واكثر وش علي منك أنا ولله الحمد خايف ربي ومتقيه
( ارجوا ذلك ) .وانت ان صلحت لنفسك وان اسئت عليها . لالالا والف لا ليه طيب ؟؟؟؟!!!

لان ديننا دين رحمه وتاخي وتناصح ومحبه واخوة وكل المعاني اللي في الدنيا ساميه . ما يرضينا نشوفك تطيح بالنار وحنا (نعاين فيك – ارجع الى قاموس خاص لعتيبه - ) لاوالله الا بنقدم النصيحه والهادي الله .ولا لا يعتابه الخير والطيبه كلها ؟؟

( من يجاوب بدلي ها لمره – اذا فيه كريزي مثلي يتفضل لاهانوا الحاضرين والظاهر عتيبه كلها كرزان ههه)



وقد ورد في الاثر :ان احد الصالحين لا أذكر اسمه ( يمكن حسن البصري على ما اعتقد ) المهم العبرة يعتابه ياعيال العم .

جاءه رجل وقال ان فلانا من الناس يبهتك او قال اغتابك وقال كذا .

...............وقفه لو سمحتوا لي ....معليش قطعت عليكم حبل افكاركم -

ماهي الغيبة : هي ذكرك أخاك بما يكره في غيبته .

وماهو البهتان : هو ذكرك أخاك بما يكره في غيبته .

( بعد !!!!! طيب وش الفرق؟؟؟!!! لهم نفس التعريف !!!؟؟؟؟) .
ا
لغيبه أنك تذكر العيب (أوالزريه- ياجماعة الخير القاموس للي مافهم - ) وتكون في الشخص المذكور فعلا وحقيقة وأنت تكلمت بغيبته علشان تبرد بها على اللي في قلبك من ضغينه لخوك المسلم .

وهذا موضوع خطير عليك يالظالم ولا المظلوم بخير ونعمه .

طيب والبهتان متى يكون ؟ يكون لما الكلام اللي تلفظت به ماهو موجود اصلا في هذا الشخص ويا كبرها عند الله كبره

( ياشيب عيني شيباه يالربع ما عاد فيه شي الا ظهر والله يستر من تاليتها ) .

ياجماعة الخير موضوع مس الاعراض والتعدي على الانساب والطعن فيها باي شكل خطير جدا عليك اخي الظالم وليس على المظلوم فتق الله في نفسك أولا وقبل كل شيء .

بعد اذنكم يالحاضرين الكرام لاهنتوا
همسة في اذن محاور يلعب بالقصيد لعب :

اتق الله فالدنيا دنيه ماتستاهل وتزود من الدنيا بخير .

اللي في المحاورات الشعريه الهابطه في منتديات اخرى (ومحشومين شعارنا منها أن شاء الله كلهم نتوسم فيهم الخير والصلاح )سواء بين افراد القبيله او كل واحد من قبيله المهم نقولهم :شف اذا كان خصمك يالمحاور قدامك قل فيه الي تبي وبكيفك انت وياه لو ترادون للصبح - تصلحون مع بعض – هو سامع وشايف . وجمهوركم حاظر حكم بينكم . وما عليك ملامه ابد وجهك ابيض قل اللي تبي .

لكن اذا تلحقت احد غايب فهنا اما تكون وقعت بغيبه او بهتان . نسئل الله العافية والسلامة والنجاة من النار . فنتبه لنفسك ولا المظلوم بخير ونعمه ولله الحمد .

وهذا تراه وانا اخوك العيب - بعينه وعلمه - القاموس ياشباب - وهذا مهوب من شيم الرجال الاصيلين الى من القبايل الاصيله خوال وعمّان واجداد . اليس كذلك عتبان؟؟
( اكيد مافيه شك وكلنا يالهيلا على الحق داائماااااا وابداااا مجتمعين )

وياويلك يالظالم من العقوبه شفني أحذرك فقف وأتقي الله يالظالم. ويكفي جمعت ذنوب كبر الجبال الشواهق .
وش تنتظر !!تب واصلح وبين و استغفر لمن ظلمة واتق الله .


فلنتقي الله جميعا فنحن محاسبون على مانقول ونفعل ؟ اليس كذلك ؟ ( -كما عهدتموني با أجاوب- أصلي أنا كريزي من زمان هههه بس ما كنت ادري لين جيت هنا وفهموني للاخوان جزاهم الله خير ونور الله قلوبهم بالايمان وقالو اني كريزي ماركه مسجله حوابية مقطةعشيرة وافتخر واللي عنده اعتراض يواجهني –
وترى السؤال والنشده- القاموس ياجماعه - ماهي حرام ولا عيب ياخوان .
وبصراحة انا نشئت في عائلة ما عندها تعصب عرقي ابدااا ولله الحمد ونشئنا نحب الخير للمسلمين كلهم ولعتيبه اكثر واكثر علشان القرابه . ولم يحصل في يوم انهم قالوا روقي ولا برقاوي وحنا متزوجين من الروقه والروقه متزوجين منا بعد والكل على العين والرأس دوما وابدا ااااااااااااا علشان كذا لازم كل واحد فينا يعتبرنفسه ثمرة مهجنة من النوعين واللى يشرب من المنبع مهوب مثل الي يشرب من الساقي . حنا اخوان وعيال عم . واللي يمسك يمسني والي يعزك يعزني ؟؟!!!! ولا لا يعتبان ؟؟؟ اجاوب طبعا مافيه شك الله يديمها من محبه . )



- معليش قطعت عليكم والحين نوصل الحبل من جديد -
نرجع لقصة الرجل الصالح جاءه رجل وقال ان فلانا من الناس اغتابك وقال كذا .

تتصورون هذا الرجل الصالح ماذا فعل؟؟؟؟؟؟!!!!!!!
ذهب لبيت الظالم مباشره ومعه ( خيشة تمر ) ؟؟؟؟!!!!!!!
( خيشة تمر ) ؟؟؟!!!
( خيشة تمر ) ؟؟؟!!!!

غريبه ليه ؟ بيضربه ابها مثلا( تخيل هههه) ؟ ولا وش بيسوي ليه ؟
ولا بيتخاصم معه ( ويصغر عقله انت قلت وانت فعلت ويعطيه الصاع صاعين - الله يكملنا بعقولنا بس )
؟؟ الجواب : لا طبعا طيب ليه ؟؟؟!!!


تابعوا معاي يالهيلا المتفقين على الاخوة الصادقة المخلصة دائما وابدا اليس كذلك ؟
( طبعا مافيه شك وكلنا يالعتبان على النصيحة دائماااااا وابداااا متواصين )


قال الرجل الصالح هذه هدية لك ؟؟
عجب !!! تعجب الظالم انه يمس عرض المظلوم و المظلوم يخسر من ماله و يهديه هديه؟؟؟؟!!! سبحان الله ياخواني شوفوا حكمة الرجل الصالح وش بتسوي بالظالم .
ياليتنا نعرف وين بيوت اللي ظلمونا ونهديهم ذهب ولولو والماس .

نرجع للقصه يااخوان :
استغرب طبعا الظالم وقال للمظلوم ليه ؟ وباي مناسبه ؟؟

قال الصالح لقد اهديت لي حسناتك ؟
فهل جزاء الإحسان إلا الإحسان
تفضل الهدية وأقبلها فخجل الرجل الظالم من نفسه
وتحلل من الرجل الصالح .
واستغفر الله له ولمن ظلمه ولزم طريق العودة الى الله . ومن تاب تاب الله عليه . أليس كذلك عتبان ؟؟( كالمعتاد ارد على نفسي – انا الكريزي مو قلتلكم - كأني ماسمعت شيء قولوا ونعم يعيال العم – النعم بكل من قالها واقول – ااااااااكيد وحنا عتبان سرجان الليالي وأنوارها )[/frame]


وقد جاء في الاثر
وقال سفيان الواسطيّ : ، ذكرتُ رجلاً بسوء عند القاضي إياس المزني
فقال : أغزوتَ الروم ؟ قلت لا .
قال : أغزوت فارس ؟ قلت : لا .
قال : أغزوت السند والهند والترك ؟ قلت : لا .

قال : أفسلم منك الروم والفرس والسند والهند والترك ، ولم يسلم منك
أخوك المسلم ؟! .


قال سفيان : فلم أعد بعدها إلى عيب أحد

[size=7]اخي الظالم والنهاية معاك ؟


الى متى في غيك ؟



اتق الله في نفسك ولا اللي ظلمته بخير [/size].



واسال الله حسن الخاتمة في كل شيء. والثبات على الحق الى ان القاه بقلب سليم معافى يحب الله ورسوله والمسلمين .


نداء من القلب حتى يوصله الله لقلبك فيصلح بأذن الله اخي الظالم :

مازالت الفرصة مفتوحة وباب التوبة لم يغلق بعد فنظف قلبك وتب وارجع الى الله يكفيك رادعا حديث الرسول عليه الصلاة والسلام الذي ذكر فيه انه لايدخل الجنة من كان في قلبه ذرة من حسد . ياخي انا خايف عليك ؟ فتقي الله فيما تقول وتكتب وتفعل . لاحول ولا قوة الا بالله العلي العظيم .
تخيل تحرم من جنة الخلد والنعيم الدائم بسبب الحسد ( يعني لاحصلت اللي تبي بالدنيا ولاحصلت رضاء الله وجنته بالاخره محروم من الخير دنيا واخره ) ( نسئل الله العافية والسلااااااااامة )
تدري ليه لان قلبك المريض مارضى بقسمة الله وقضاه !!!؟؟؟

ولا اشتغل باصلاح عيوبك بالعكس راح ييتبع عورات المسلمين ولا حول ولا قوة الا بالله العلي العظيم .


والله ثم والله ثم والله يالظالم وماحديتوني على حلف يالربع كلامك لايعبر الا عن نفسك وشخصك وكل أناء بما فيه ينضحو . وكل ٌ يرى الناس من عين طبعه ولا المظلوم ترى بخير ونعمه والحمد لله .

فتق الله في نفسك ؟؟ اليس كذلك يالربع ؟؟( ااااكيد مافيه شك وحنا يالعتبان ايش ؟؟ على الخير دائماااا وابداااااا مجتمعين )

ياجماعة الخير موضوع الظلم خطير ولازم ننصر المظلوم والظالم بعد ؟؟!! عجب نصرت المظلوم وعرفنا ليه وبعد ننصر الظالم كيف ؟؟؟؟؟

(بيقول قائل الا بدعي عليه واسوي وافعل واجلسه شرع اللي فيه ما يخطيه.......)

لا ياخوان مهما كان حنا اخوان وعيال عم .

والقلب دائما وابدا لازم يكون ابيض واخضر ( ولا ماعندنا وطنيه هههه ) بس لاتنس السيفين والنخله

والمؤمن يحب لاخيه مايحب لنفسه ؟ اليس كذلك ؟
( اااااااااكيد مافيه شك ابداااااااوحنا يالهيلا على كلمة الحق دائماااوابداا متوحدين )

وقفة ...... محزنة جداااااا

افرض لو ان الظالم اقرب الناس لك .

ماذا كنت فاعل ؟؟؟؟

خذ مني العلم وجاك . تعلم الحلم والصبر فما الحلم الا بالتحلم وما الصبر

الا بالتصبر وليكن صبرك جميل ( بمعنى لاعتاب فيه ) - مهوب يا كافي تماسكون باليدين (وتعارون - ارجع للقاموس يلي مافهمتها )بالشوش وتضحكون الناس علينا حنا عيال عم واخوان ستر وغطاء كل واحد على الثاني ( معليش اكررها كثيرلان التكرار يعلم الشطار وتثبت وتثمر باحلى ثمر ) ياخي اللي يمسك يمسني واللي يعزك يعزني – يامال الصلاح والهدايه وبس -

واذا لم تشرب مرارا على القذا ** ظمئت واي الناس تصفوا مشاربه
اذا كنت لكل شيء معاتبا *** سياتي يوما لاتجد من تعاتبه

طبعا لاننسا كرم الاخلاق مع هذا القريب الظالم ثم العفو والعفو والعفو عن الزلات والهفوات والتماس العذر واحتسب الاجر ماحد مخلد فيها .

أخي الظالم اذا كنت مخطئا تعلم الاعتذار ولا تكابر في الحق ( فانت اللي ركبت نفسك حق )
واخلص من الحق بالدنيا قبل ما يجي يوم ماينفع الندم واسمع ها لبيتين



لاتغتر وتكابر وانته وارخ – القاموس ياجماعه – لي سمعك
يجي يوم تذكر بقبرك ميت * مكفن وسطه بالأكفاني
هنا تعرف أنك كثير أخطيت * وأنك على نفسك الجاني

وقفه خاصه ( حاله مستعصيه ولالها حل الا البتر ) : -

واللوم والنذاله ( والصفات السيئة ) نسأل الله العافية والسلامة والنجاة من النار معروفه من زمان .

فهذي النوعيه من الناس لازم ينكتب
عليهم بخط عريض ( ممنوع النقاش والاقتراب ابتعد قابل للانفجار )

لانهم لو ناقشتهم يدنسونك فترفع اخي عن السفله لايدنسونك وتعامل مع الموضوع بحكمه فقد قيل ( الحكمة رأس الامر )

اذا انت اكرمت الكريم ملكته وان انت اكرمت اللئيــــــــــــــــم تمردا

لانهم هذا النوع من الظالمين ( عزكم الله واكرمكم دنيا واخره ) ....فقد قيل فيه هم رجال ....لابسه ثياب .وقالوا.ولهوب كل من لبس بشت وعقال رجال بعضهم الحرمه اطيب منه .ومال السفيه الا السفه .


تذكر لاتناقشهم وابتعد قابل للانفجار والاشتعال .

الظلم موجود عند كل البشر .

ولا حولا ولا قوة الا بالله العلي العظيم

يأمة محمد الظلم عم وطم بين الشعوب والقبائل والأفراد .فليتقي الواحد فينا ربه وليتزود من الدنيا بخير .

والسعيد المتعظ بغيره وليس المتعظ بنفسه .

نعم ياعيال العم شوفوا ديار الظلمه اللي قبلنا خاوية على عروشها وينهم راحوا للمنازل اللي بنوها بأعمالهم .

دعوة فلنتقي الله في أنفسنا ولا نتفاخر على الناس فالكرامة الحقيقية هي كرامة الدين . والتمسك باسباب العزة التي عزت أجدادنا اللي سبقونا .كيف ؟؟؟

هذي النقطه مهمه في نظري بل يمكن أهم مافي الموضوع :

انت وانا من غير شك نحب قبيلتنا ونبي لها اللي يرفع الرأس والعلوم الطيبه و الغانمه .أليس كذلك ؟؟ ( مين يرد أصلي تعبت وأنا ارد على نفسي ( كأني .... )

قبيلتنا عتابهالخير والطيبه من كبار قبائل الجزيرة العربية وهي قبيلة شامخة عزيزا حرة وما كان عزها الا بطاعة الله ورسوله وامتثال اوامر الشرع واجتناب نواهيه

كانوا يتصفون بالاخلاق الحميدة من كرم ودفاع عن الحق والدين وشجاعة في الحق ولايرضون بالظلم لاحد ويحافظون على اعراض المسلمين مثل مايحافظ على عرضه بالضبط وصفات زينه كثيره فقد كان معروف عند العربان إن العتيبي ما يعقب الرجال على بيته واهله وهذه الصفه من افضل ماأتصف بها العتبان وعرفهم بها العرب قديما وحديثا .

دعونا نمثل ونجسد هذه القيم على ارض الواقع التي من المحزن أنها في أنهيار ولا حولا ولا قوة الا بالله . وليقول العالم باكمله العتبان ونعم الاخلاق شباب يخاف الله ويرجي ثوابه
يحلل الحلال ويحرم الحرام . ومايرضى بالمهونة والعار .

. دعونا نمثل قبيلتنا واهلنا بنبل الاخلاق ودعونا نترفع عن سفاسف الامور ودعونا نتحاور مع الخصم او الضد بدون غلط وتشليط بالضد . تحسب انك بتطل فوق على حساب انك تحطم الثاني وتحقره . لالالا مهوب منطق ابدااااااااا ولا لا يعتبان ؟؟ (جاوبوا أرجوكم لا تخيبون الامل فيكم ترني اسمعكم بقلبي )

وحط بأعتبارك هذي الجمله لا تنساها كلامك يالظالم مردود عليك فهو لايمثل ولايجسد الا ما تحمله من معاني وقد قيل ( كل أنا بما فيه ينضحوا ) وهذا صحيح فكلامك مردود عليك وفضيحة عليك وليس على خصمك .

وعلشان كذا لاااااااازم تعمل ألف حساب قبل أن تجرح الخصم أو تسي لاحد .

وقد قالوا ان الحر ما يرضي بالظلم ولا الضيم - القاموس ياجماعه - ولا لا يعتبان ؟؟؟ ( ياعتيبي يابرقاوي يامقاطي ياكريزي ياحوبي ياهل الخير اللي {ينتخابهم – ارجع الى قاموس عتيبه الخاص } جاوبوا تعبت وانا ارد وترى ردكم يوصلني ) .

فمن يخلوا من العيوب يااااااخوان . الكمال لله . اذا انت شفت في غيرك عيب فانت يالظالم فيك ميت عيب . وياحي اللي انشغل بعيوبه عن عيوب الناس والمساس باعراضهم .


هذه دعوة للتأخي فهل من مجيب ؟
ولنكن عباد الله أخوانا ونعطي الاخوة حقها كما يجب .

اعتذار لاهل العلم ومشايخنا الكبار ..



اعتذر هذا عمل بشري لا يخلو من النقص والخطاء فأن اخطات فصوبوني وأن أنقصت فتممولي هذا مجهودي المتواضع اجعله امانة بين ايديكم فما كان من صواب فمن الله وما كان من خطاء فمن نفسي والشيطان والله ورسوله منه براء ( اعاذنا الله من كل مايغضب وجهه الكريم )
فلا تبخلوا على بتوجيهاتكم ياهل العلم والصلاح فما اردت الا الاصلاح ما استطعت واستغفر الله عن كل ذنب وزلل واحمده على كل حال واصلي واسلم على شفيعنا ونبينا محمد اتم الصلاة وازكي التسليم .
ويارب تقبل مني ومنهم صالح الأعمال .

لحظه

در بالشاهي ياولد .

وفيه هديه للاخ الظالم ابيكم تقولون لي رايكم فيها بعد .

قصيدة تعبر عن نفسها .

وهذه القصيدة المتواضعة المنقوله موجهة للشباب الطايش ( بس ) ولا الباقين على رأسي من فوق وسنايدي لاعدمتهم
واعذروني على بعض كلماتها لكن الشاعر قال وارى انها مناسبة للمقام والله اعلم .

اترككم معها وهي تعبر عن نفسها .


أخي أفقْ أفقْ يا صاحبي استفقْ .
يا طائش الأفكار ِ يا غِرُ يا خر ِقْ .
أخي أفقْ أفقْ يا صاحبي استفقْ .
يا طائش الأفكار ِ يا غِرُ يا خر ِقْ .
من يمشي فوق النار ِ حتما َ سيحترق
حتما َ سيحترقْ .


أخي حبيبي صاحبي يا منتهى رغائبي
أفق تنال سعادة ً وغاية ً المطالب ِ
وعد لمولاك الّذي ناداك وأنطلقْ .
وعد لمولاك الّذي ناداك وأنطلقْ .
ناداك وأنطلقْ .


أخي أفق أفق يا صاحبي استفقْ .
يا طائش الأفكار ِ يا غِرُ يا خر ِقْ .
أخي أفق أفق يا صاحبي استفقْ .


يا طائش الأفكار ِ يا غِرُ يا خر ِقْ .
من يمشي فوق النار ِ حتما َ سيحترق
حتما ََ سيحترقْ .

أخي الحبيبَ المُرتجى
لي فيكَ غاية الرجا
هيا بنا إلى الّذي من دق بابه ُ نجى
ربٌ كريمٌ غافرٌ فلذ ْ به ِ وأثق .
فلذ به وأثق .


أخي أفق أفق يا صاحبي استفقْ .
يا طائش الأفكار ِ يا غِرُ يا خر ِقْ .
أخي أفق أفق يا صاحبي استفقْ .
يا طائش الأفكار ِ يا غِرُ يا خر ِقْ .
من يمشي فوق النار ِ حتما َ سيحترق
حتما َ سيحترق

ثق بالنجاح والمُنى وخير عيشٌ في الدنا
أطعهُ تلقى راحة ً منه وعزا ً وهَنا
وجنة ً تدخُلها ندية ً ترد .
وجنة ً تدخُلها ندية ً ترد .
ندية ً ترد .

أخي أفق أفق يا صاحبي استفقْ .
يا طائش الأفكار ِ يا غِرُ يا خر ِقْ .
أخي أفق أفق يا صاحبي استفقْ .
يا طائش الأفكار ِ يا غِرُ ياخر ِقْ .
من يمشي فوق النار ِ حتما َ سيحترق
حتما َ سيحترقْ


كفاك عشتَ غافلاً فيما مضى وجاهلا
فرجع إلى الله ترى مغفرا ً وموئلا
وعد له بتوبة ٍ ترضيهِ وأستفق ْ .
وعد له بتوبة ٍ ترضيهِ وأستفق ْ .
ترضيهِ وأستفق ْ .

أخي أفق أفق يا صاحبي استفقْ .
يا طائش الأفكار ِ يا غِرُ يا خر ِقْ .
أخي أفق أفق يا صاحبي استفقْ .
يا طائش الأفكار ِ يا غِرُ يا خر ِقْ .
من يمشي فوق النار ِ حتما َ سيحترق
حتما َ سيحترق حتما َ سيحترقْ


أخي حبيبي صاحبي يا منتهى رغائيِ
أفق تنال سعادة وغاية المطالب ِ
وعد لمولاك الّذي ناداك وأنطلقْ .
وعد لمولاك الّذي ناداك وأنطلقْ .
ناداك وأنطلقْ .

أخي أفق أفق يا صاحبي استفقْ .
يا طائش الأفكار ِ يا غِرُ يا خر ِقْ .
أخي أفق أفق يا صاحبي استفقْ .
يا طائش الأفكار ِ يا غِرُ يا خر ِقْ .
من يمشي فوق النار ِ حتما َ سيحترق
حتما َ سيحترقْ


أخي الحبيبَ المُرتجى
لي فيكَ غاية الرجا
هيا بنا إلى الّذي من دق بابه نجى
ربٌ كريمٌ غافرٌ فلذ به وأثق .
فلذ به وأثق .

أخي أفق أفق يا صاحبي استفقْ .
يا طائش الأفكار ِ يا غِرُ يا خر ِقْ .
أخي أفق أفق يا صاحبي استفقْ .
يا طائش الأفكار ِ يا غِرُ يا خر ِقْ .
من يمشي فوق النار ِ حتما َ سيحترق
حتما َ سيحترق


وبالنبي فأقتدي أزكى الأنام الأوحد ِ
عليه صلي داعيا جزاك ربي سيدي
جزاك خيرا ً خالدا ً فأنتَ تستحق
جزاك خيرا ً خالدا ً فأنتَ تستحق
فأنتَ تستحق

أخي أفق أفق يا صاحبي استفقْ .
يا طائش الأفكار ِ يا غِرُ يا خر ِقْ .
أخي أفق أفق يا صاحبي استفقْ .
يا طائش الأفكار ِ يا غِرُ يا خر ِقْ .
من يمشي فوق النار ِ حتما َ سيحترق
حتما َ سيحترق

من يمشي فوق النار ِ حتما َ سيحترقْ
حتما َ سيحترق ْ
من يمشي فوق النار ِ حتما َ سيحترقْ
من يمشي فوق النار ِ حتما َ سيحترقْ
حتما َ سيحترق .


من يمشي فوق النار ِ حتما َ سيحترقْ
حتما َ سيحترق ْ
من يمشي فوق النار ِ حتما َ سيحترقْ
من يمشي فوق النار ِ حتما َ سيحترقْ
حتما َ سيحترق[/COLOR]

هذا والله أسئل أن ينفع بها ويتقبل مني ومنكم
ومثل ما قلت قبل كذا تراني كتبتها على عجل ومثل ما تعرفون أي مجتهد ممكن أن يخطي ويصيب .
رحم الله أمراً أهدى إليّ عيبا

واخيرا وصلنا الى اخر المطاف اليوم ولنا غدا ان شاء الله لقاء

يا ضيفنا أنت دخلت محلنا باختيارك وما تطلع إلا بحق وأنت ما ترضى لي العيب و النقيصه ؟!

	الذبيحه معلقه بكرعانها

زورونا مره ثانيه ستجدون ما يسركم إن شاء الله ,
و لعل مشاركاتي الثانيه تعجبكم لاتنسون رابط الموضوع لاهنتوا

يأخوان أدعولي بالتوفيق والسداد ( تراني بدون ربي ثم دعاكم ضعيف ولا اسوى شيء)

طووووول الليل وأنا أكتب بالقصيده والمقاله دندنة عيوني من الشاشه ؟

لكن عتابه تستاهل كل خير .

ونعم والسبعة انعام بالحى الغانمه . لاعدمناهم نجوم الليالي وأقمارها

تصبحون على خير بروح أنام .

السلام عليكم ورحمة الله وبركاته

لي عودة
قريبا قريبا
قريبا قريبا قريبا
قريبا قريبا قريبا قريبا
قريبا قريبا قريبا
قريبا قريبا


إن شاء الله تبارك وتعالى مع اليوم الرابع وترى فيها قصيده حلوة للشيخ القرني حفظه الله من كل شر

انتظرووووووووووووني

راجع لكم قريب


اللهم أنت وحدك تعلم نيتي ومرادي ياربي أن كنت مخلصاً في هذا العمل ابتغي به رضاك والجنة ولذة النظر لوجهك الكريم ونصرا لدينك وبيانا للحق فتقبل مني وان كنت يارب أدخلت بهذا العمل الانس والبهجة على قلوب البعض فأنسني بك و بذكرك وأنس يارب أمي وأبي وأخوي الي تعب علي من وحشة القبور ونور عليهم قبورهم وتجاوز عنهم سيئاتهم وأدخلهم وأيانا جنتك وأنت راض ٍ عنا غيرُ غضبان وأجرنا ربنا من ضيق القبور وعذابها ونار جهنم وجحيمها فنحن ضعفاء لانطيق عذابك ولا نطمع ونرجوا الا ثوابك .
ولا حول ولا قوة الا بك أولا وأخرا .
والصلاة والسلام على نبينامحمد وأله وصحبه ومن تبع سنته وأقتفى أثره إلى يوم الدين .





تركتكم في حفظ الله ورعايته

السلام عليكم ورحمة الله وبركاته