يا دريد عطني و انا بعطيك من زين الهناديب=بيني وبينك نبى قود المعاني لا تغيبي
انا تخيرتكم يا شيخ من بدّ الواعيب=عساك يا صاحبي يا دريد للمطلب تجيبي

يا مرحبا بك هلا مليون يا خير الاصاحيب = أنشط ليا قلتها مع راعي العلطا صحيبي
سقها على العز والنوماس والطالات والطيب = واطلب وما تشتهي تلقاه يالحر العريبي

دريد الله يبقيك

ابك البقا يازبون الحرد ياراع المواجيب=نبا نسوق المعاني بين مطلوب وطليبي
يادريد انا اشوفلي دنيا على العاقل عواقيب=الحر يفهق وولد البوم في راس الجذيبي

الله خلقنا بشر يا صاحبي ما نعلم الغيب = يا راعي الشرهه اللي ساقها حقاً مصيبي
دنياك هذي تراها يا فتى حظ وتجاريب = فيها لقيت الحصيني لابساً له جلد ذيبي

مادمها بيننا يا صاحبي تصفي المشاريب=لعل ضني بكم يا دريد دايم مايخيبي
الوقت دوار و العالم بدى ابها الشك والريب=و الدوله استعمروها ناس من رديّ النصيبي

الذيب ما ينهش عضوده ليا شاف اللواهيب = وانا ادري انك قوي عزوم وتحل الصعيبي
يا ذيب شفتك مع اللي منزله عال المراقيب = ولقيت لك حق لكن شفت له حقاً غصيبي

يادريد حقي لك الله ماتغطيه الجلاليب=وانا مجنب وذيبٍ صد يمي وش يبيبي
انجيت اجنب عن الموضوع تكسيني عذاريب=ياكيف اجنب وانا سيفي معايه والقضيبي

يا شيخ حقك يبا يرضيك لا ترسل مناديب = وان صد خله يصد العلم لا لد الغريبي
الناس يا راعي العلطا لهم فن ومذاهيب = احداً صعد للجبل واحداً عما كت الشعيبي

مارسلت لاحد ٍ يعاوني على حمل المشاعيب=اليا رميت الهدف ياصاحبي رميي يصيبي
ياذيب يلي تجر الصوت في روس الشغانيب=مارضى حساب البشر مادام لي ربي حسيبي

يا طيب عينك ليا شفت الهدف لا والله تصيب = يا صاحبي راعي العلطا تزيد الطيب طيبي
القوم سد الشفا والنار تقدح بالمشاهيب = وانته لحالك تضد القوم بالرمي العطيبي

لاهنت لاهنت طيبي طيبكم كالغيص والسّيب=مثلك سلاحي نهار الكون ننطحبه حريبي
مالي ومال الرخوم ولانبا كلاب المغاريب=وان جوهم القوم جروهم كماجر العسيبي