سلام ياقوم السطر .. من هاجس(ن) ترقى سنود = ياعزوت العتبانيه // سلام ياقوم السطر
الملعبه كر(ن) وفر .. والضاميه ترد العدود = وان عودت خسرانيه // الملعبه كر(ن) وفر

يا مرحبا عد المطر.....والطيبه دايم تزود=عن ثلة أهل الشانيه//يا مرحبا عد المطر
صيغ الذهب صوغ الدرر....والكايدة ماهي تكود=لو يرقص الشيطانيه//صيغ الذهب صوغ الدرر

دام البقا بك والعمر .. والطيبه بسم الفهود =عد السيوف الحانيه // دام البقا بك والعمر
جساس ماعندي خبر .. بصمتك وش هي بالبنود = ياذيب ياسرحانيه // جساس ماعندي خبر

المشاركة الأصلية كتبت بواسطة كعام المعادي (المشاركة 397591) جساس ماعندي خبر .. بصمتك وش هي بالبنود = ياذيب ياسرحانيه // جساس ماعندي خبر

راح المتلا منكسر....ومنها العرب تونس لهود=بين الخلايق بانيه// راح المتلا منكسر
بندي كشف بند العور....لا تحسب العالم هنود=ماهمي اهل الضانيه// بندي كشف بند العور

الحمد لله والشكر .. لو يزعلون ابها اليهود = يارب يارحمانيه // الحمد لله والشكر
لاتلزم الدرب الوعر .. وتطيح في بطن النفود = اعرف كلام السانيه // لاتلزم الدرب الوعر

يوم الزمن وجهن غبر....العود في عين الحسود=ولا يطيح حصانيه// يوم الزمن وجهن غبر
الوضع يكشفه الدهر....ويصحّي الناس الرقود=لو طالت الازمانيه// الوضع يكشفه الدهر

اللي حدر قالو حدر .. واللي صعد طبعه صعود = ليش الولد خلانيه // اللي حدر قالو حدر
الوسم وش بالمختصر .. وانته تبا قدح الزنود = فالاوله والثانيه // الوسم وش بالمختصر

شيخك تهنف ثم عثر....لكن خلق الله شهود=ومن الكبود الطانيه// شيخك تهنف ثم عثر
لحظه يبين ن الصور....تارد معا ناس ن ورود=ما اقول لك غلطانيه// لحظه يبين ن الصور

شيخي مذوقك القهر .. يصلاك في سيف محدود = يجلدك جلد الزانيه // شيخي مذوقك القهر
ياكم نقابل من بحر .. بابورنا وسطه يقود = والا انت داني دانيه // ياكم نقابل من بحر

شيخك مغفل وانتحر....وضيانك سهود ومهود=ياسيد الشجعانيه// شيخك مغفل وانتحر
بابوركم وسط النهر....ما له على امواجه صمود=لكن غدا ليحانيه// بابوركم وسط النهر

الله ستر بعض البشر .. في ضل حكام السعود = رز اللذي ينهانيه // الله ستر بعض البشر
انته تذرى بالشجر .. مالك بروق ولا رعود = ابسط يداك الفانيه // انته تذرى بالشجر

قبل الحكومه يا غجر.....قمنا عليكم بالفرود=رحتو عظامٍ فانيه// قبل الحكومه يا غجر
يوم ن مثل يوم الحشر....يوم المصيده يا القرود=يوم ن عليكم شانيه// يوم ن مثل يوم الحشر

الفعل منحوت بحجر .. وسمي على وخت القعود = يازمرة الزربانيه // الفعل منحوت بحجر
شيخك وطر الجيب طر .. في بيتكم سلب الورود = مالك فعول(ن) جانيه // شيخك وطر الجيب طر