سلام ردية مثل الذهب واللول والماس=عداد مبدى النجوم وعد همال المخيله
غلاب ابن ود بالحونه قهر شله من الناس=ومسلط بسيفه نهار الحرب مكن له قبيله

يامرحبا يالمسلم من ضميري ماله قياس = من هاجس ٍ لاتهيض مايجيب الا الجزيله
ابو فهد طيّب وعلمه مثل دقات الاجراس = الله يوفقه ونشوف الافاده والفضيله

دام البقا بالرجال اللي تسيسها على ساس=والشاعر اللي مثل مرزوق مانرضي بديله
انا ادري ان القدم يابومحمد يتبع الراس=مار انصح اللي مضيع حجته وش يدعيله

لامن ربي وضعك بموضع ٍ كايد وحساس = خلك سوات الجبل لفح الهبايب ماتزيله
من طاب ياصاحبي طيبه ترى رفعه ونوماس = ولا الردي مايحصل من رداه الا الفشيله

السيف راعيه هون وشتهر فالوقت ابو فاس=والصبر زاد وتعدا الحد ياراع الكحيله
ليتك تصدر قرارك قبل وضع الربع ينحاس= قدام تقدح شرارة زند في خشم الفتيله

للحرب سيف المطني والقنا والرمح والطاس = والله تعالى بتدبيره يعدل كل ميله
مازال باب الرجاء مفتوح والاجواد جلاس = يدك بيدي سوى نكسر سياج المستحيله

الحرب نكسب رهانه ساعة الارياق يباس=يومنها بالقنا والشلف وسيوفن صقيله
اريد قول وفعل ماهو بحبرآ فوق قرطاس=راع الرجاء والمناوي مارقا راس الطويله

الصبر رمز الظفر ولا الحماقه رمز الافلاس = ياصاحبي ماتحوش المرجله يمناً بخيله
تعط الاوامر ولاحد ٍ شاف فعلك في خبر واس = ماتسلم اللوم ياراع التعابير الجميله

المشاركة الأصلية كتبت بواسطة السميــــــري (المشاركة 394881) النجم ابو فهد .. حياك الله .. واسعدتنا بشوفت جزالك .. يالغالي ,, صح لسانك .. .. الوفي ابو محمد .. دايم وانت على مشراف الطيب يالمبدع .. أبيات رائعة .. وتستحق المتابعة .. صح لسانك ..

^
^
**

النشمي

صح لسانك وبيض الله وجهك


مرزوق العتيبي

صح لسانك و لا هنت ..

محاورة راقية

^
^
**

المشاركة الأصلية كتبت بواسطة مرزوق العتيبي (المشاركة 394901) الصبر رمز الظفر ولا الحماقه رمز الافلاس = ياصاحبي ماتحوش المرجله يمناً بخيله تعط الاوامر ولاحد ٍ شاف فعلك في خبر واس = ماتسلم اللوم ياراع التعابير الجميله

البحر يحتاجله ياصاحبي سابح وغطاس=والبر يحتاجله لا طالة الطرقه دليله
الضاهر انك تبا تصبح مثل عباس فرناس=ويصير الك قصة تشبه لليله والف ليله