من هجوسٍ تشكل فالمعاني كتاب = يا سلامي سلامٍ مثل غيث الربيع
بني عمرو حزامي والمسمى ذياب = ان كسرنا جبالٍ وان قدحنا في ريع

مرحبا عد مالاحت بروق السحاب=الك تنساق من خاطر وصدرآ وسيع
قبل لا يذن المذن نحث الركاب= كان في قطعة الفرجه تبا تستطيع

البقا يا عميلي والقمر في غياب = ونت سوق الجزايل دون قلبٍ جزيع
يوم صاح المنادي مالقينا دواب = منهو اللي شداده فوق ظهر الركيع

باقي اللي يكفينا لقفل الحساب=زبدتن من لهيب الصيف عجلة تميع
يوم اوصفك حول اوصاف جنح الذباب=فاليمين الدواء وايسر جناحه وجيع

أنت راعي زبادي مير مثل السراب = وانت جربوع راوي من صِفا المنابيع
وانا طارح سوالي مير وين الجواب = انت فدعوسي لكن فيك شيٍ فظيع

طلقتن وقعت من دون رجل الغراب=هزت الارض من حدره وحول جميع
استحينا من الرجال خلف الثياب=ليش شفته تحيزم واكتشفت الصديع

طول عمر القوافي فوق معنى العذاب = وانا اشوف المواتر على الخط السريع
كان عندك ثيابٍ من حسين الثياب = هاتها للرجال اللي تدوك المنيع

ليت مرزوق يصنع للمهبل مطاب=كان ما داج فالساحه سوات الخليع
فارس البادية لو راح يشوي كباب=ماش مخزون يشري فيه والا يبيع