سلام الله سلامٍ للرجال اهل الوفاء والشان= سلام من ضميري قلتها في منتدى العتبان
وانا شاعر وامثل ربعي الغلباء هل الوديان= يقولون المثل مال المواقف غير راعيها

ياسلامي عليكم يارجال السلام= لابةٍ في المعارك تحمي احدودها
جيت زاير وادورلي علوم تمام= عند قوم تجود بكل ماجودها

الا يامرحبا ترحيبت(ن) لك شانها شاني = نقدرها نقدمها.. هلا في بيتك الثاني
سواآ من هل الغلبا سواآ كنت قحطاني = يقولون الرجال اللي يسرحها يضويها

ياسلامي على اللي يحكمون الكلام = من رجالن توردها من عدودها
جيت مع مرحبا واقلط براس السنام = قدم اللي تريد ودوك مردودها

يدوم ابك البقاء ياشاعرن فالملعبة بطران= من اسمك واضح انك يالعتيبي تحتمى القيفان
لاكن الليلة الليلة يارعيها على الميدان= يقولون المثل مال المواقف غير راعيها

المطر ياعتيبة صب فوق العدام= والمخايل عليكم ترعد ارعودها
ماتفيد القصور ولا تفيد الخيام= والمحانيب جتك بعالي اسدودها

يا بعد كل من جانا لك الاحترام = هذي الساعه البركه وموعودها
قدمك أهل العوايد والوفاء والنظام = هقوتك في عتيبه زودها زودها

تحزم واعرف ان اللعب مابه ضحكة اسناني = وانا وياك والميدان ياراضي وزعلاني
لو انك ماتكلف من تخاصم .. يابليهاني = يقولون الرجال اللي يسرحها يضويها

السما صافيه مافيه غار الحمام = والنسايم تهب ويطربك نودها
ماجلسنا لك الله حدر ريش النعام = عزوت(ن) تفتخر في ماضي جدودها

توكلنا على الله يالعتيبي والوعد قدام= نبا نلعب على الموال والمعنى صهر صدام
ابة قلب يحب النوم وقلب ساهرن مانام= يقولون المثل مال المواقف غير راعيها

السماء لاتناظرها يجيك الغمام= هيبة الروس يابن الناس بجنودها
والله اني على البيداء رفيع المقام= كم رجالٍ تحداء وكوي كبودها