|
البصيص عند فاجر .. الشاعر/فاروق الكسر
يوم عيني خايلت براق خده ### والمنايا يوم سلهم في المحاجر
لا تعد الكسر عقبه لا تعده ### راح مرواح البصيص عند فاجر جادلٍ سلك البريسم دق قده ### لا تمايل قلت غصنً جاء لحاجر شبه وضحاً رعوجت يم الموده ### يوم صاح الها على ملي الحناجر النحر مليان والمثناه نده ### والنهد رمانتٍ في غصن شاجر والجديل يطير واليسرى ترده ### كل ماهب الهوى قايم يتشاجر كل ماأومت في دجى المجدول يده ### لاحني ليل الشعر برق المناجر وانا مالي قوةً عن صد وده ### وياعسى من صد وده مايواجر ربي اللي يامر الشر ويضده ### لين لاح الصبح في جنح الدياجر وانا عنده شاكي لوع الموده ### ولا لعيني عن هميل الدمع زاجر اتوددله واشكوي له مصده ### لاتهاجر ياعذابي لا تهاجر لين جاني وارتخى من عقب شده ### ثم سقاني من ثناياه السناجر كن طعم الريق من ثغرً يمده ### في لساني مثل خجات الخناجر الشاعر / فاروق الكسر المرشدي تقبلو تحيات أخوكم سلطان روق |
مشكور اخوي ولد روق
وصح لسان الشاعر ,,,,,,,,,,,,,,,, |
صح لسانك ياسلطان بن روق
على هالقصيده الجزله |
اخواني ابو بجاد الرويس و قلب السبع
العفو ولا هنتم على مروركم العطر |
مشكور وصح لسانك وصح لسان الشاعر ويعطيك العااافيه |
العفو اخوي مجول العصيمي
وصح بدنك ولاهنت على مرورك العطر |
اقتباس:
سلطان روق بيض الله وجهك فعلا قصيدة رااائعه لشاعر رائع صح لسانك ولسان فاروق الكسر ومشكور على النقل |
ووجهك ياحاتم العطاوي وصح بدنك
ولا هنت على مرورك العطر |
الكسور شعرهم اقوى
|
مشكور عل النقل وصح لسان فاروق الكسر المرشدي تقبل تحياتي |
عاشق النير نعم الكسور شعرهم قوي
والقصيده هذي تعتبر قويه وذوي عطيه قويه لا هنت على مرورك العطر |
العفو اخوي نواف العطاوي
ولا هنت على مرورك العطر |
بشوف التوقيع بسسس
|
سلطان روق لاهنت على ذكر القصيده
الجميله والردود الجميله وماقصرت |
ومن قال لا هان اخوي عاشق النير
وماسوينا شي طال عمرك وهلا بك |
يالربع توقيعي ماطلع مسوي له حفظ من لوحة المفاتيح
اللي يعرف لا يبخل علينا طلع يومين واختفى العجمي نخاكم في هوشه وفزعتو له وهو عجمي وانا عتيبي وانخاكم في الطريقه كيف؟؟ |
معليش سلطان روق بس سؤال سعندنون
يعني سؤال صغيرون حول هالقصيده المحكوره واناوالله اعتقد انها للكسر صدق واسمع بها دايم واسمع ناس يقولون هويقول بالقصيده الي ذكرتها انه يقول(راح روحت شليويح بوفاجر)يقصد اخوبخيت وناس يقولون يقول(راح مرواح سويفن لفاجر)والله اعلم وانا اقول الكلام هذا اعتقد غير صحيح ماتجي مره معنهم قامو يحرفون والله ماندري الصدق ايات وصعب تحريف قصيدالشعار والان انا ودي اعرف انت متاكد منها صحيح ياسلطان وبيض الله وجهك على ذكر قصيدت الكسر وياليت تكتب لنا ماتعرف من قصايد فاروق مدام انك تحفضله قصايدوتحياتي لك يابن روق |
اخوي عاشق النير
القصيده متأكد منها ميه بالميه وموجوده عندي في الجوال بصوت فاروق الكسر وفاروق خوي اخوي الروح بالروح والقصيده انا اخذها من اخوي ونقلتها لكم وبالنسبه للشطر انا متاكد منه ((راح مرواح البصيص عند فاجر)) من اخوي ومن صوت فاروق الكسر اللي عندي في الجوال الله يرحم البصيص ويرحم فاجر واموات المسلمين جميعاً اللهم آمين وبالنسبه لقصايد فاروق ماأحفظ شي الحين وان حصلت شي له ابشر ياعاشق النير تحياتي ياعاشق النير |
اخونا عاشق النير أحب اقوله انه ان البصيص عند فاجر السلات
وهذا شي مايبيله نشده ومن مفاخر عتيبه وقصيد فاروق أبنزله قصيدة فخر ومدح في الروقه تلقونها فالمنتدى تحياتي لك ياسلطان روق وللاخ عاشق النير |
لاهنت ياسلطان روق وماقصرت واخوك انشالله انه صدوق مثلك
وانا بس بغيت اتاكدمن القصيده لاني بعد اسمعتها فالجوالات بصوات مختلفه ومختلفه الابيات عن بعضها وهالحين ماقصرت ياسلطان وياليت توردهابصوت الكسر وبيض الله وجهك |
اخوي حاتم العطاوي انت دخلتنا في موضوع ثاني غير القصيده
اول شي البصيص مهب عند فاجر اثر القصيده جايه منشان كذا وانامادريت عن الزبده حقت الموضوع وافتكرت فالقصيده هاذي منان جت والبصيص معروف من هو عنده و بعدين انشالله اورد القصه كامله في سيرت قتله عن قريب وادور لك القصايدالمثبته بذلك. وفيه من ضمن قصيده لشاعر من شعار الروقه القداما يومن فيه ا تراحيب جندل خلي عشا لحايمات الطيور اعتقدان البيت زي كذا وذكرفالقصيده بن تنيبيك الي ذبحه وهذا مفخره للجميع وسوا الي ذابحه فاجر والابن تنيبيك وشكر" يالعطاوي وانتهى الموضوع |
اخوي عاشق النير البصيص عند فاجر السلات ومعروف عند الجميع
انه شرب فنجال البصيص وقتله وابن تنيبيك خال فاجر بعد ماأسقط فاجر السلات ابن بصيص من على حصانه بالشلفا اخذ سيفه او شلفاه او حاجه اثبتت ان فاجر الذي قتله وهم على الخيل جاء ابن تنيبيك بعده على طول وذكا ابن بصيص وذهب براسه لابن فهيد وقال انا اللي قتلته قال ابن فهيد ((روقت)) وارسلهم لابن ربيعان علمو ابن ربيعان قال ابن ربيعان اللي ضربه وطرحه على الارض هو اللي قتله وهذي معروفه ولا ينكرها احد يدلك على قصيدة فاروق ياعاشق النير بالنسبه لايراد القصيده بصوت الكسر ماأعرف الطريقه قلي كيف وأبشـر وان كان عندك قصيده تقول اللي ذبحه ابن تنيبيك اوردها لنا ومثل ماقلت سواءً اللي ذبحه فاجر او ابن تنيبيك مفخرةً للجميع |
سلطان روق انتهى الموضوغ يابن روق ولاداعي للشي الي ماله داعي
وتقبل تحياتي يالغالي وشكر" |
هلا بك ياعاشق النير واسعدتني ردودك على موضوعي
تقبل تحياتي اخوك : سلطان روق |
| الساعة الآن »02:47 PM. |
Arabization
iraq chooses life
Powered by
vBulletin®
Version 3.8.2
.Copyright ©2000 - 2025, Jelsoft Enterprises Ltd