|
عرش وكروش,, القريب ياشعار
يا سلا مي سلامٍ مثل راس السعودي
.................................................. .. كاسب العز غادي في فعول الجدودي وانا شاعر وشاطر في جواب الردودي .................................................. . واول الــغيث قــطره واخر الـطب كـيه فلسطين الجريحه في عذاب وصمود = والمحاكم تريح فوق عرش وكــروش الـيدين القصيره مــا هي عـند اليهود = والـعيون الـبصيـره عــندنـا والرموش |
تحياتي أخوي فارس الباديه .. واستلم ..
مرحبا بك وانا شاعر سعودي وساطي ...................وعزوتي كان شبت فالحرايب مقاطي والفعول الجزيله ما تجي بالهياطي .....................وأول الغيث قطره وآخر الطب كيه |
...
. صحت السنتكم ياثنين. ... واصلوا ..... |
صح بدنك أخوي مرزوق منور الصفحه بمرورك
وأنا لها الحين جلس أنتظر الغالي فارس تأخر وااااااااااجد الظاهر .. طاب في زحمه ؛؛؛؛ ؛؛؛ ؛؛ ؛ مقاطي الحجاز |
يالعتيبي مقاطي وانــا عــمّري جـنوبي
...................... مير وين العزاوي في بلاد النشوبي شاهد الذيب داني في خضوع وهروبي ............................................واول الغيث قطره واخر الطب كيه الــعـمايـم دفـيـنـه فــي مـهــاد الـولـــود = لو تطول الشوارب وش تسوي الوحوش مــير خــل الـعقايـد فــي يـمين الـــعقود = لــين تــطـول ذراعـه ثم يــقـدر يــنـوش |
السموحه على التاخير ومرزوق اكبر شرف مرورك يالغالي
|
الحمد لله على وصولك يالفارس.. واستلم..
لا تغارب يافارس من زمنا وطبعه ......................................آخر الوقت قالوا تاكل الذيب ضبعه مار عطني علوم أصحابنا صفر سبعه ......................................أول الغيث قطره وآخر الطب كيه |
اقتباس:
إن وقفنا صمدنا مثل صــم الجبالي ................................................ وان سكنا سكنا في جبالٍ عوالي مير عطنا علومك يا كريم السبالي ................................................ واول الغيث قطره واخر الطب كيه بــهلوان الــقرودي يـــنشرى بــالــنقود = ماهي تسوى رجولك خلها وسط حوش يــوم جــاهم سفيري في مرام وجمود = صــار بـوش المسمى في لثامه يفوش |
صحت السنتكم يامبدعين
وااصلو عساكم على القوه متابع لكم:) |
مخلف الهقاوي لا هنت يالغالي على المرور العطر
|
خابر انك تناقز فالجبال الطويله
.....................................مير فوقك بروق(ن) تصطفق فالمخيله ياحليل الجنوبي صاحبي ياحليله .........................................وأول الغيث قطره وآخر الطب كيه |
مخلف الهقاوي مرورك غير
تحياتي لك ؛؛؛؛ ؛؛؛ ؛؛ ؛ مقاطي الحجاز |
فارس الباديه أبقاك الله والشرف لي يالغالي
؛؛؛؛ ؛؛؛ ؛؛ ؛ مقاطي الحجاز |
مير سنع هروجك ونت صفر اليساري .................................................. . ما قصدنا رويسك في رصاص السواري يــا عتيبه عــلامه مــا يــدل المساري .................................................. . واول الــغيث قطره واخــر الـــطب كيه الـخميلـه عـلينا يــالعميل الــحقـود = لـيه صار المقاطي فـالجنايز نــبوش يـــالعتيبي معاني مــالقينا الــردود = مير خل السواحل لا تاكلك القروش |
لا هنت يالمقاطي والله من طيب اصلك ونعم بعتيبه ولا تهون القبايل
|
مرحبـــــــــا ألف يافارس ومحلك بين الضلوع الحنايا..
فار دمك ولكن يالزميل المفدا .........................................لا تعدى حدود الملعبه لا تعدى أنت فارس وطبعك خابره ما تردا .........................................وأول الغيث قطره وآخر الطب كيه |
تسلم يالغالي وانت كذلك
لـــيه عادت حليمه في عوايد قديمه ................................................. النديمه قــديمه والقديمه نـديمــه جيت أوصل سليّم ثم نرضي سليمه .................................................. . اول الغيث قطره واخر الطب كيه ليه صارت هوازن مثل عــاد وثمود = يرجمون المحمد والمحمد بشوش يــوم جاكم الطايف والعتيبي جحود = سـبقناكم لمكه لا تحارب هـــروش |
عودت نعنبوها عقب هاك الزماني
.................................................. ..................يوم جانا يجر الجيش منكم يماني مير عود وعشره نحمد الله ثماني .................................................. ................وأول الغيث قطره وآخر الطب سيه |
لا تـجينا بـسيه وانت راعــي خــطيه
.................................................. ... الـنقيصه نــقيصه والــدنيه دنـيـه فوق ظهر العتيبي شوفوا 2000 كيه .................................................. ... واول الغيث قطره واخر الزود زيه فيه علـمٍ غثيث وفيه علـمٍ سعود = قام طَش العمامه واهتواله طربوش الصنم في ديارك مع الرب امعبود = جـهيمان العتيبي ذاق ذبـح الكبوش |
..
مقاطي الحجاز وفارس الباديه يعطيكم العافيه ... في الحقيقه شعر المحاوره اذا خرج عن الدفن في المعنى والتلميح بالكلمات التي لايفهما الا المتمكنين ... اصبح بلاروح وخرج عن مساره الصحيح .... ملاحظه وتنبيه فقط تقبلوا فائق الاحترام والتقدير .... |
مرزوق لاهنت يالغالي على المرور وتشوف اللي يرضيك انشاء الله
|
تحياتي.. أخوي مرزوق...وكلامك عين الصواب..ولا يختلف عليه اثنين.. ولكن ان ماطاعك الزمن طعه؛؛
وتحياتي لك أخوي فارس والحقيقه اني استمتعت باللعب معك تقبل تحيات أخوك ؛؛؛؛ ؛؛؛ ؛؛ ؛ مقاطي الحجاز |
ملاحظه أخوي فارس السيه المقصود بها الكيه باللهجة العتيبيه
|
لا هنت وانا اكثر يالغالي .. وشكرا على المعلومه .. :)
|
أخوي فارس الباديه..مشكوووووووووووور يالغالي
حاولت اراسلك على الخاص لكن النظام يأبى ذلك.. أخوك ؛؛؛؛ ؛؛؛ ؛؛ ؛ مقاطي الحجاز |
| الساعة الآن »06:38 PM. |
Arabization
iraq chooses life
Powered by
vBulletin®
Version 3.8.2
.Copyright ©2000 - 2025, Jelsoft Enterprises Ltd