يالشمالي تعال احضر هنا لا تغيب=اكثر الناس صدّرنا قراراتها
راعي الطيب ماله عندنا غير طيب=كل ناسٍ نجازيها بمدّاتها

انت ياللي تنادي والشمالي قريب=يامدير الاداره وش مهماتها؟
وانت تجزى بفعلك في هذاك الشعيب=والبشر وش حسانيها وسياتها

المنادي ينادي والمجاوب يجيب=ليش بعض العرب كثرت غياباتها
مع هل الطيب لي وقفه و حظ و نصيب=ما لحقني مع الايام شرهاتها

انت ياكم تنادي ياعجب ياعجيب=كن بعض العرب عندك معاشاتها
انت طيب لو انك فيك طبعٍ غريب=كيف تنسى هل الوقفات وقفاتها

انت ما يوم ما تكسب علاقة صحيب=والقدامى تقطّع في علاقاتها
يالشمالي بدالي فيك شكّه و ريب=اكثر الناس تعرف من حراكاتها

العلاقات منها مايصيب ويخيب=زلت الاوله والثانيه هاتها
ان بدا في شكه باديٍ فيك عيب=عين نامت وعين تحق نظراتها

طيّب الله فالك لين فالك يطيب=كل ناسٍ بمذهبها وعاداتها
انت رامي لكن المخطيه ما تصيب=ليت ابوكم ما سرّا ليلته باتها

المذاهب بعضها حط فوقه صليب=كم رجال غر وفاتها فاتها
انت حظك مجنبك العسل والحليب=تتبع ام الكباير تحفظ اوصاتها

وقتنا منه ابو عامين راسه يشيب=كم رجالٍ تغيّر فيه نيّاتها
حسبي الله عليك اللي ما غيره حسيب=ناس كثرت نميمتها وغيباتها

وقتنا يسعف المرضان فيه الطبيب=من يغوص البحور يقيس غباتها
لا تشمت وتشمتني يهيب ويهيب=اكثر الناس ماتقبل صلاوتها