سلام الله على الشعار زال الخيل فالميدان= سلامن يشفي الكبد العليله ياهل الحله
ابا لي شاعر(ن) ما قدم الحجه بلا برهان= يحل الحبل ويعقده يقعد الحبل ويحله

هلا واهلاً هلا يامرحبا واقلط يابن شيبان=وهذا منتدانا كلبونا من تحت ضله
تفضل والصبح نوره يادوبه يابن عمي بان=نبي نشعم لك النيران ثم أنصلح الدله

هلا واهلاً هلا يامرحبا واقلط يابن شيبـان =وهذا منتدانا كلبونـا مـن تحـت ضلـه
تفضل والصبح نوره يادوبه يابن عمي بان =نبي نشعم لك النيران ثـم أنصلـح الدلـه

يدوم اللك البقا والبيت ما يثبت بلا عمدان = وعلى قول المثل لاتسلم المفتاح عبد الله
اخاف ان دلتك ماهي تطير دوخة العمسان= ويقدم للخطر والسيف في غمده ولا سله

يازين اعلومنا من بيننا ياحضرة العتبان=هذا كل الخبر وافهم كلامي واسمعه كله
على وضحالنقا مانخدعك والعلم اله برهان=وبعض الناس معه اجبلةٍ ياشينها أجبله

اقول انته علمك تبغي الفكه يا ولد فلان = ترى الطرقه طويله وانتبه للعلم وفطن له
الا ياللي ترسلك مراسيل(ن) بلا عنوان= تركد واعرف انا قوم ونداويلك العله

مدامك هكذا هيا توكل واضرب الميدان=وميز يارعد مابين دق السلك من جله
ترى الاورانيو مايصنعه ياكود قوم إيران=وبعض الناس من صنّعه دخلهم خوف مع ذله

ترى مابه جمل يا فارس الليله سوى زومان= يبرك للحمل لا هنت ثم يقوم ويشله
وترى امركيا هنا فشرق الاوسط هدت العمران= على حجة نضد ارهابكم كذبه ولا والله

واناقوللك مابه غير هذاك الحصان حصان=ولابه فالخيول الباقيه لونه ولاشكله
عصى موسى تبكل كل سحر ولاش شيٍ كان=وحنا صفنا يعجبك لاتهتم في قله