تعال يا صاحبي سلطان هات العلوم=ان كان عندك علومٍ طيبه هاتها
مدام حظّك مع الشعار عيّا يقوم=ماكل نفسٍ تحقق كل غاياتها

علومي ابدي بها للي يسد اللزوم =والا بن ثعلي ليا ما فاتته فاتها
الحظ ياصاحبي عالي علو النجوم =ياللي سبحت البحور تعرف غباتها

الحمد لله قسمي من خيار القسوم=وانته علومك تبيّنها علاماتها
انته تميدح لكن العافيه ماتدوم=ما انته بسالم من الدنيا وصكاتها

تقولها وانت معي بكل طرق مهزوم =كلمه حقيقه وكل يعرف اثباتها
طيري ليا حام يرهب كل طير يحوم =في طرقه تتعب الساري مسافاتها

انته تدافع ولا تقدر تشنّ الهجوم=والناس دايم علاك تشنّ هجماتها
لو كنت تلعب مع الشعار في كل يوم=لا تحسب انك وصلت ليا مقاماتها

ماضاع لي شئ لو كثرت علي الخصوم =كم ناس مما نقول تجر وناتها
الله عطانا المقام الزين وانت محروم =لو أهل عمهوج تضرب لك تحياتها!!