ياعتابة من يعلمني عن احداث المزاين = ويش راح يصير فيه وكيف تنظيم اللجاني
ودي اشارك ليا جيته ماهوب آقف واعاين= وكان فيها واسطة عندي فلان ابن الفلاني

الامور مسنعه يا صاحبي والعلم زاين=كيف ما ينجح وهو محفل طويلين اليماني
يوم معك مشاركه للمنتدى ليش انت جاين=روح للجنه وحطّ اسمك مع اسماء البياني

عن علوم المهزلة والجاهلية والضغاين = ليش ماحطوه يالفالح ورى حد المحاني
واما انا حبيت اجس النبض والا الوضع باين = فيه ظن وفيه فن وفيه والله شيء ثاني

يا سعود انشدك علمني ورى خاطرك شاين=اترك الموضوع عند اللي لهم فالامر شاني
الاخوّه فالنشاما .... والمطابن للطباين=وانت اخويه ياللبيب سعود لاعدّوا خواني

الله الله واستدارت مكرة سيور المكاين=والله اعلم وش نتايجها عشر والا ثماني
لاتحاول تتصل فيني من اجهزة الكباين =وانت عندك علم ماتاصل لظلم ولاحلباني

العتيبي ما يخون وعادته ما هو بخاين=مار وش علمك تجيب العيد قدّام رمضاني
لو يلين الضلع جنبي فالزمن ما هو بلاين=مثل ضلع طويق وافهم يالحصان ابن الحصاني