اول محاورة فلاح صياف السحيمي وحبيب العازمي
بتاريخ7\6\1428هـ بالمدينه المنورة

=فلاح بن صياف السحيمي
بالنيابه عن قبايل حرب والحفله واهلهـا=مرحبا واحلا الليالي ليلتأ طالـع قمرهـا
من يمد الطيبه يالعازمـي يبغـى بدلهـا=الكريم يعدهـا وان جـت لـوازم ذكرهـا
=حبـيـب الـعـازمـي
البقا لك والحمولـه مانقلهـا إلا جملهـا=والسنه هذي سنتها والشهر هذا شهرهـا
المطيه واقفه والياابركـت كيـف اتعقلهـا=لاتروح بالشداد اللي من اول في ظهرهـا
=فلاح بن صياف السحيمي
ان دعيتهوه حضر وان مالت الكفه عدلها=والعيون الصاحيه لا بـد يقديهـا نظرهـا
ابشر ان الذهابه في امراحها والله عقلهـا=ماتغير طبعهـا لنكـان ماجاكـم خبرهـا
=حبـيـب الـعـازمـي
ياولد صياف جيت وكلمتـأ تعجبـك قلهـا=ماتسير اخطاك في ممشاك كود الله ومرها
ياعسى ذيب المدينه يحتمي غابـة جبلهـا=الذيابه فاول الايـام جـى ذيبـأ ذعرهـا
=فلاح بن صياف السحيمي
من لقى درب الغضى يالعازمي يتبع سهلها=مايضيعها الغشيم ويتبـع الجـره باثرهـا
الخزينه مربعه في حدودها محدأ وصلهـا=قبل يدخلها الغشيم اللي من العليا حدرهـا
=حبـيـب الـعـازمـي
وهنيا اللي نصيبه بـرد اللقمـه واكلهـا=فالليال اللي قبل يتعـب معديتـه خطرهـا
الخزينه مافتحهـا غيـر رجـالا قفلهـا=حرب والعتبان دايم ماتغيـر مـن ديرهـا
=فلاح بن صياف السحيمي
والله انا فوسط غابه زادنا صافي عسلهـا=الثمر فاغصانها والضل في قاعة شجرها
عارفيـن اصولهـا لمفلهـا ولا فتلـهـا=مايضيعنا الغشيم اللي عصاته في نحرهـا

=فلاح صياف الحربـي
تدور الليالي والمقاديـر حسـب الـدور=احد فاول الطابور واحد داخـل الطابـور
لاكن البلا مـن علتـأ مالهـا دكتـور=يقولـون مـال العلـه إلا مداويـهـا
دربنـا ياحبيـب ماتغـيـر مـسـاره=ماتغيرمسـاره دوم والعـمـر فـانـي
خبر اللي غدت يمنـاه تصفـق يسـاره=قول عيد الضحيه بعد عيـد ارمضانـي
=حبـيـب العـازمـي
تدور الليالي والقدر بين نـون وكـاف=وان يسر الله ماعلى المسلمين اخـلاف
وانا شايفأ صياف في وجه بن صيـاف=يقولـون مـال العلـه إلا مداويـهـا
لو راشـد مبشرنـي عطيتـه بشـاره=مار راشد معلمني ولـه قصـد ثانـي
قالـو الحـر يفهـم عادتـه بالاشـاره=وانت عندك عشر فالدرج زدها ثمانـي
=فلاح بن صياف الحربي
مدام السما يالعازمـي خيلـت بخيـال=تهون العلوم وكـل عقـده لهـا حـلال
نبا نازن المكسب ويرجـح راس المـال=يقولـون مـال العلـه إلا مداويـهـا
الشتاء طول ليله قـام يسحـب نهـاره=والدقايق تعـود فـي حسـاب الثوانـي
الذهب هو ذهب مكسب ولا به خسـاره=والبلا مـن يديـن مقرقعيـن الاوانـي
=حبـيـب العـازمـي
توكل على الله واترك الستـه والستيـن=عسى تكسر الشلفا على السيف ابوحدين
هذا علمي ذلحين وابا اعلمـك بعديـن=يقولـون مـال العلـه إلا مداويـهـا
ياعقـاب السحيمـي سجلـه فالامـاره=واحد امن الحرب واحـد امـن خوانـي
العسـل فالمناحـل والبـن فالـغـذاره=والوعـد بيننـا قـدام وقـت الاذانـي
=فلاح بن صياف الحربي
هذا رزقنـا اللـي نزلـه ربنـا تنزيـل=ليا راح عنكم جيل يطلع عليكـم جيـل
حقايـق ولا تبغـا مجـادل ولا تحليـل=يقولـون مـال العلـه إلا مداويـهـا
مايغشك صحيبك كان طـوع الاشـاره=البـلا فالحبـال اللـي تجـر السوانـي
مـــن بـعــد شــجــرة .....=يجني الخـوخ والليمـون والبرتكانـي
=حبـيـب العـازمـي
يبا يمشي الطرقي ويتعب مـع الديـره=وتكثـر معانتـه وتكثـر مشـاويـره
ومن يعلم الخافي ومـن يعلـم الخيـره=يقولـون مـال العلـه إلا مداويـهـا
والله انه عليـك امواصفـات الشطـاره=والشطاره تراها ستر بعـض المعانـي

الاخوة الاعزاء..
ابو بجاد الرويس..
صعوط المجانين..
ابو براك..




ألف شكر على مروركم الجميل...