مرزوق وين انت جاوب جعل عمرك طويل=ربعك عتيبه كثيرً من يهابوها
انشد مع الناس وين مزبنين الدخيل=مالي هدف غير ابااا من يصخر لحونها

نيابة ٍ عن هل الشلفى ورمح وصقيل = اللي بنجد العذيه غصب يحمونها
إن كان عندك خبر هات الخبر بالدليل = وان كان مافيه علم احسن تخلونها

حمامة الورق هاضتني بزين الهديل =غنت لحون الغرام و هاضت اشجونها
وقبلان وقف يقول انه بدال الزميل = ليته يشوف القوافي ويش مضمونها

وانا لقيت الجعيره ماشيه دون ذيل = قد صوبت مير انا بزوّد طعونها
لاغاب بلهان ياقف باللوازم شعيل = لو يهبدك تطفي الجمره بغليونها

حميت نجد العذيه وانت خبلً ذليل=اقولها اقولها و العرب قدمي يقولونهاا
اصوب الناس ماصوب وقافي دليل=بقعا عليكم تلف وتنفض قرونهاا

عن شاربك نجد تبّعد بعّد نجم السهيل = الموت من دونها وشلون ترعونها
وش فيك بيحت سدك ياقليل الحصيل = رح للعبيدي واخّذ حصه لقانونها

انا حاضر واستلم

قبلان مسكين جاهـ السيل غادً بسيل=لولاي نجد العذيه ما تطبونهاا
انا على نجد يا المسكين ضلي ضليل=حليتها وانت قبلي ماتحلونهاا

خلك من الرين وغادي يالتسذوب الهبيل = ارفع تلفونها سكر تلفونها
من هامة طويق حنا لين ديرة هذيل = مثل الجبال الرواسي ماتهزونها

هذا البلا لالعبنا معك وانت البديل= حنا نحسب اموراً ماتحسبونهاا
الهقوه انك خبل مدري مريضً عليل=علتك بانت معايه لو تخفونهاا

جاك البديل الذي يصرف ذهب للعميل = والله منته بباخصها ومفتونها
ياراعي العايله لطمتك جاتك وشيل = حملك وتخدم غصب والناس يوحونها

انا ولد روق و الطمات للي يعيل=فك الله الي وقفت اليوم من دونها
والله لذوقك يا قبلان سم الغليل=اخصامنا فـ المواقف نفقع عيونها

اعتيبه اعتيبه اعتيبه حماة الدخيل = رفاقة ٍ ضد منهو يقرب اركونها
لا واحسافه كلامك يالعريب الاصيل = ياصاحب الغاديه سكر تلفزونها

قبلان صح لسانك ولاهنت تقبل تحياتي

اختامها مسك و الكادي وعنبر وهيل=لاكن بعض القوافي لاتعدونهاا
خلك مع الطيبه و الواجبه و الجميل=قفلتها جعل من يمك تصكونهاا