مطلق الثبيتي(حياته-محاوراته-قصايده)
 

من روايع مطلق الثبيتي رحمه الله:-


غنيت من زين الطـــــواريق طاروق

--------------------------------قاف ليا قلته تنشــــط طروقه

لعيون غرو يشطح الشوق من فوق

--------------------------------يا جعل ضدات الـدهر ماتعوقه

اللي ليا منه تمخطر مع الســـــوق

--------------------------------يعمى بعينه كـل عين سروقه

ماهو بمن برقا ولا هو بمــن روق

-------------------------------- يشـــدى لغصن لينات عروقه

طب لقلب من هوى البيض محروق

-------------------------------والسعد قدامه وتحــته وفوقه


م ط ل ق ا ل ث ب ي ت ي

محاوره بين عمالقة الشعر مطلق الثبيتي وعبدالله المسعودي رحمهم الله:-


المسعودي:ـ

هلا مرحبا يامسهلا واكثر التــــــرحيب
,,,,,,,,,,,,,,,,,,,,,,,,,, وانا من هل الديرة ولاني بها منكور

أباخذ علوم الطرقي اللي يجي ويغيب
,,,,,,,,,,,,,,,,,,,,,,,,,, لعله بعد عيش الـــــبداوة طلع دكتور

مطلق:ـ
يدوم البقاء ياذيب ياللي زهمت الذيب
,,,,,,,,,,,,,,,,,,,,,,,,, عيونك كهارب نور والوجه فوقه نور

تدور الليال وتابع المقفيـــــات يشيب
,,,,,,,,,,,,,,,,,,,,,,,,, وفاح البحر ياصاحبي واغرق البابور

المسعودي:ـ
ابا انشدك ياللي دارس الطب والتطبيب
,,,,,,,,,,,,,,,,,,,,,,,,, أخير الدهر ولا هل الوادي المخضور
يقول البديوي جاء على شبرة التلبيب
,,,,,,,,,,,,,,,,,,,,,,,,, واخذ لقمة جرت وكـــرت مع الحنجور

مطلق:ـ
أخير الدهر للي مصخن وفاضي جيب
,,,,,,,,,,,,,,,,,,,,,,,,, ونبت الحياء للي يرد الورود صدور
انا ماعرف القصة ولاني بعـــالم غيب
,,,,,,,,,,,,,,,,,,,,,,,,, وانا عارف الجنة مرابي بنات الحور

المسعودي:ـ
طلبت الله اللي طالبه ماهقيت يخيب
,,,,,,,,,,,,,,,,,,,,,,,,, مادام انه ادخل راعي الجيب والزبزور
علامك تلد العين ياراعي التـــهذيب
,,,,,,,,,,,,,,,,,,,,,,,,, وانا لو يطول الليل ماقلتلــــك معذور

مطلق:ـ
ترا الرزق ماله لانظـــــام ولا ترتيب
,,,,,,,,,,,,,,,,,,,,,,,, الأرزاق زهبــة مدفع(ن) كل صبح يثور


ـ
وسلا متكم

هذه المحاورة جرت بين الشاعرين مطلق الثبيتي رحمه الله وصياف


الحربي بحضور صاحب السمو الملكي الأمير سلمان بن عبد العزيز يحفظه الله



صياف/


ياسلام الله ودار العز مرفوع علمها


.......................عقب شعشع نورها والظلم حال العدل دونه



الثبيتي لو اقول اقسم عيونك ماقسمها



......................والتفت فيه بنظرة حسد ويطير عيونه

مطلق/



يحفظ الله الجزيرة والشجاع اللي حكمها



.......................مثل قصر ثابت السيسان واخوانه حصونه



صاحبي صياف ينهبها وياكلها بدمها



........................ليتها ماتاصل الحنجور تنشب في سنونه

صياف/


المطية ماتقاود غير مع رجل خطمها



........................لو يضيع خطامها من طردها كثرت غبونه



انت اشوفك تفرس الصيدة وتاكل من لحمها



........................ والخوي لاضيع القانون قاموا يشمتونه



مطلق/


المطية خلها في الدرب لاتكتم نسمها



.........................واحترص من غضبة الجمال لايضربك شونه



كل حية سمها في بطنها سديت فمها



................... وان لقيت الوعل ابو قرنين اطقه في قرونه



صياف/


اكثر العربان يلزمها وكنه مالزمها



.......................ثم راح من الزعل يمشي ويقطع من ردونه



انت مثل العقرب اللي تخلع الناس بوحمها



......................مار جاها قاريُ شاطر دهنها من دهونه

مطلق/



ماعليه من عجوزك كان ماضوت غنمها



....................... وان زعل صياف جعل اللي وراه يحول دونه




امس يبني عشته في الضلع واليوم يهدمها



........................ والهبايب ماتهبه والطراقي مايجونه



صياف/


الله انه ينصر السنة ويظلم من ظلمها



......................... والعرب مايطحنون الحب لين يفتشونه



لو تشوف العشة اللي صاحب الخبرة حزمها



..........................فوق ضلع كل ماطاح المطر تثمر غصونه




مطلق/


الآشارة فآخر الشارع بصدامه صدمها



..........................الونيت اللي قديم وكل يوم يوظبونه




المنايا ياوسيع العرف مايخطي سهمها



............................ مارخلك صالح النية وعمك لاتخونه




صياف/



القلوب العمي خل الذيب ياكل من شحمها



.......................... والونيت اللي يسوقه صاحبه لاتقربونه





ليت بقعاء تلمس الرمضاء وتاكل من قدمها



..........................وانت يابو راس راسك ماتغير عن متونه




مطلق/




العيون اللي تهل دموعها منهو لطمها



...........................لو عرفته كان خليت الجماعة يحبسونه



المطية يوم ريض مشيها محد( ن ) نهمها




........................لو نهمها كان تاصل مطرح (ن)ماتاصلونه

[

من محاورات مطلق وعبدالله المسعودي/////


مطلق
سلامي على اهل الحلة اللي لهـــا شان ٍ رفيع
ـــــــــــــــــــــ ـــــ وحنّا نجيها في ليــــال الوعد وانرودها
ليا جيت في سوق التجارة نويت اشري وابيع
ـــــــــــــــــــــــــ ـــــ ورثنا حياض العز من يوم جات اورودها

عبد الله
هلا مرحبا ترحيب يضفي على روس الجميع ـ
ـــــــــــــــــــــــــــــ سوات الدوى لقلوب بعض العرب واكبودها
أقول السوالف وارده كل ضلع وكل ريــــــع
ـــــــــــــــــــــــــــــ عيال الحلال اليا محل الحياة اتقودهــــــــا

مطلق
بغيتك تسافر يمّ لندن شتا والا ربيــــــــــــــــع
ــــــــــــــــــــــــــــــــ وخابرك ما تسلى جبال ٍ تصيح اقرودهـــا
ترى اللي سواتك يطعم العلم لابده يطيـــــــــــع
ــــــــــــــــــــــــــــــــــ ليا جات هرجتها تساوت على بارودهـــا

عبد الله
له أيام والكبسون تقرع على جنبــه قريــــع ـ
ــــــــــــــــــــــــــــــ يبا يستحلّ ابلاد صنعا بكـــــــثر ازيودهــا
أنا عارف انّ السمن طيب ولكنــه يميــــــــع
ــــــــــــــــــــــــــــــ يدين ٍ تغمّس فيه بيسيل فوق ازنــودهـــــا

مطلق
يضيع العمى واللي عيونه سليمة ما يضيـع
ــــــــــــــــــــــــــــــــــ ولا ينقل اللي في نحرهـا نشب عبرودهــا
وانا ما جبرت اللي تدرّق ورى سدّ الوشيــع
ـــــــــــــــــــــــــــــــ ألفّ الجنازة في كفنها وارزّ الحودهـــــــــا

عبد الله
من اللي تدوّر للّبن بعد شهــر امن الضريـع ـ
ــــــــــــــــــــــــــــــ وش اللي يصيده بعد يوزي فمه في اديــودهـا
ترى المقبرة حمرا وغبرا وحلم الله وسيـع
ـــــــــــــــــــــــــــــــــ عسى تشرب الشجرة وتحيا ويثمر عــــودها

مطلق
لو انّك تغمض نصف ساعة يسبّعك السبيع
ــــــــــــــــــــــــــــــــــــ وتخدمك ضباط السريّة بكثــــر اجنودهــــا
لكنّك تعلمت اللكاعة وسمّوك اللكيـــــــــع
ـــــــــــــــــــــــــــــــ تبا الشيخ يقبل دعوة ٍ ما لقيـــت اشهـــودهــا

عبد الله
بعَض قوم لا تصنع ولا تعترف بأمر الصنيع
ـــــــــــــــــــــــــــــــ عرب غافلة تقرع على القافلة باشنــودهـــا
ولا يا معلّم خير منته متيـــن ولا رفيـــــــــع
ـــــــــــــــــــــــــــــــــــ تبا تبلغ الخنقة وتوبة ما عاد اتعـــــودهــا

وسلامتكم

[poet font="Simplified Arabic,4,black,normal,normal" bkcolor="transparent" bkimage="backgrounds/18.gif" border="inset,4,gray" type=0 line=200% align=right use=ex length=0 char="" num="0,black" filter=" glow(color=red,strength=1)"]

مطلق الثبيتي وشليويح المطيري

مطلق:

يا المطيري جيتنا ثم فرقت الجماعه=قمت ترسل فالسواليف لين ادوخت راسي

لو تريّض لي وتسمع علومي ربع ساعه=كان ابعطيك الذهب صايغه بفصوص ماسي


شليويح:


المطيري ما يخون الأمانه والوداعه=لا تغيرك الروابع وخل القلب راسي

لو يجوع الذيب فالبر ما ياكل ذراعه=بيننا رفقه وعلمٍ نقيسه بالقياسي


* مطلق:

كل ما لديّت فيّه يصيب القلب راعه=وأثر خشمك هضبةٍ ما يواسيها المواسي

جيشكم ما عاد نعرف هجومه من دفاعه=كل جنديٍ يدوس له دربٍ ما يداسي


* شليويح:


يا ثبيتي ليت عندك عن الحمى مناعه=الطعام اللي تلوّث يبين بالتباسي

المذيع اللي يسولف بنشرات الاذاعه=مرتكي له جوف غرفه ولا عنده كراسي


* مطلق:

ترضع الخلفه لحالك وطغتك الرضاعه=باتت الأجواد واما أنت جاي لك حساسي

كل هندي فوق شط البحر باني شراعه=صار شاطر مثلكم فالصرام وفالدياسي


* شليويح:



درّها في جوف بطنك ولا عقبك طماعه=تشرب الطاسه لحالك وحاديك الحماسي

وأنت رجلٍ شافعي مير ضيعت الشفاعه=لو قلنا ناسي الدين وأنك ما انت ناسي


* مطلق:

مانبي يا قوم من سوقكم شريه وباعه=لو بسطنا بالذهب عندكم يرجع نحاسي

يالخزاعي طيع شوري وعود مع خزاعه=قبل تصحي بك عيونٍ مطاولها النعاسي

مع تحيات ابن هليل
[/poet]

[poet font="Tahoma,4,blue,normal,normal" bkcolor="transparent" bkimage="backgrounds/23.gif" border="ridge,4,gray" type=0 line=200% align=center use=ex length=0 char="" num="0,black" filter=""]
مطلق الثبيتي وعبدالله المسعودي
مطلق
سرى الليل وآباكلّف القاف تكليف= ترى القاف ما كل ٍ بفكره يحــوفه
ورحلة شتانا عوّدتْ رحلة الصيف=وانا آشوف ابو سفيان حرّش كفوفه

عبد الله
ليا جو هل الطيّب رجال المعاريف= دروب الرجال اهل الجميل امعروفه
ليا صرت ميت ما احسن الموت بالسيف=تيسّر وما يكتب لك الله تشوفه

مطلق
يقولون راعي مصر عنده تصانيف=ليا ما حضر في اللعب قوّم صفوفه
ومن هو يصلي في صلاته غطاريف=صلاة المنافق ما عليها حسوفه

عبد الله
تشوفون نصّ الدرب يا أهل الكشاشيف=وفالنص الآخر شوكتين امعكوفه
وحنا ليا جا عندنا الطرقـــــي الضيف=نعشيه واحنا ما فتشنا ظـــــروفه

مطلق
تحومون فوق الزاد مثل الخطاطيف=وكل ٍ عيونه نابتة في كتــــــــوفه
عسى الله يكفيكم سهوم الصواديف= يا هل موتر ٍ ماني مصنفر بلوفـــه

عبد الله
تنادي تنادي وانت مشتاق للكيــف=وابو صوف عيّا ينشف الما بصوفه
ليا كان ودّك فانت رجّال حرّيـــــف=كما الناعم اللي ما يخلّي حفوفه

وسلامتكم

مع تحيات ابت هليل
[/poet]

اخوي / ابن هليل

موضوع جميل عن شاعر من مشاهير شعراء القبيله

رحم الله مطلق وجمعنا واياه بالجنه

وبيض الله وجهك

سلمت يابن العم
 

بيض الله وجهك يابن العم ورحم الله ابو فيصل لقد تشرفت بمعرفته وكنت التقي به من فتره الى فتره وتشرفت بزيارته لي مرات كثيره رحمه الله
لك تحياتي يابن هليل سؤال يابن العم ؟ هل انت من ابناء ابن هليل المعروف ؟(العارفه)

المتنبي اسعدني مرورك
تقبل تحياتي

متعب الجعيد شكراً لمرورك

تقبل تحياتي


بالنسبه للسؤالك

((تعم )) أنا من ذوي هليل المعروفين

[poet font="Tahoma,4,black,normal,normal" bkcolor="transparent" bkimage="backgrounds/18.gif" border="inset,4,gray" type=0 line=200% align=center use=ex length=0 char="" num="0,black" filter=""]
هذه محاوره بين صياف الحربي ومطلق الثبيتي رحمه الله

مطلق :
ابا افزع واطب المعركه عقب قر الهوش=وابا اضرب بسيفي فارس القوم صيافي
وابا اخذ حصانه ثم اقفل عليه الحوش=ولاعاد نسمع فالبلد صوته الخافي

صياف :
ياطيبك ليا حولت فالمنزل المفروش=وعند العلوم الثانيه كيف تنشافي
تعين لواحد تقدره ثم حوشه حوش=وكسر حسابك ثم يطلع لك الصافي

مطلق :
لقيتك صلاة العصر بين العرب مربوش = عسى يالسحيمي ماحصل شر واخلافي
يامكبر جيوب في طرف ثوبك المنقوش=ولكن مافيها يقع شب واصرافي

صياف :
بلشنا بلشنا في طيور بغير عشوش=على راس شجره تحتها يسفي السافي
تطالع في جيبي وانت وسط البلد حنتوش=وترسل على الجمه ثلاثين مغرافي

مطلق :
عصيفير مدري بالمخاليب ويش ينوش=ولاني لريشك يالعصيفير نتافي
تبى لك صبية راسها بالعطر مرشوش=ورجل قليل المرجله لزم ينعافي

صياف :
تعديت حد العلم يالطالب المدهوش=وثوبك ليا حد الركب والقدم حافي
وانا عارف انك ساحر وتعمل الدنبوش=ويمناك بس الثوب من فوقها ضافي

مطلق :
لك الله مأكل من زادك المغشوش=غناوي وفالايام طيب ومتعافي
انا لو ابيعك ماسويت الك خمس قروش=ولكن باقسمك لارباع وانصافي

صياف :
تبى تلعب الكوره ورجلك بغير عروش=لكن اصبر لبكره ويلفي لك اللافي
ليا بعت بيع اللي تحصل بها عرموش=انا سم ساعه منه تختل وتخافي

مطلق :
انا مارجيت الخير من حبك المدشوش=دخيلك تدسه في طرف حجرك الدافي
ابا اولع الكبريت في قطنك المنفوش=بعدها يجي للناس لجه وغطرافي

صياف :
ضحكنا لعلوشه وجابت لنا علوش=ولاادري بقت لثبيت والا للاشرافي
بغينا ندور لك رحاتك ودارت بوش=وسريتنا بالليل بسراجك الطافي

مطلق :
ياراع الحلق والخف والودع والقرقوش=تكسر لنا صوت كما صوت الاسعافي

صياف :
تطير الطيور ويقعد الطير ابو طربوش=يدور سباع الصبح يسعى ويطافي
[/poet]

بيض الله وجهك






مجهود رااااااائع تستحق كل الشكر والتقدير










.

بيض الله وجهك
وتسلم يمناك على المجهود الرائع والموضوع الهادف
عن شاعر كبير وهو مطلق الثبيتي رحمه الله
تقبل تحياتي

مـــــــــــــجـهود رااااااااااااااائع يا ابن هليل




ماقصرت وبيض الله وجهك 00000000



شاعر كبير افدتني عنه الكثير ...



الف شكر لك



اخوك ابو وعيل الرويس

مشكوووووور ومطلق شاعر غني عن التعريف

يعطيك العافية
 

الله يعطيك العافية
ويرحم الله مطلق ويسكنة فسيح جناتة

يالربع تسلمون
 

اتحفتونا بهالقصايد الجزله عن المرحوم الله يرحمه

موضوع شيق ويعتبر مرجع مهم ولى مشاركة معكم ايها الاحبه

هذه بعض محاورات الشاعر مطلق رحمه الله

http://www.eqla3.com/sh3r/m/m41.ram

http://www.eqla3.com/sh3r/m/m23.ram

مع خلف بن هذال

http://www.eqla3.com/sh3r/m/m26.ram

مع صياف


http://www.eqla3.com/sh3r/m/m29.ram

مع رشيد الزلامى

يعطيك العافية يااين هليل و من شارك في هذا الموضوع
وهذه محاوره بين الشاعر مطلق الثبيتي و عبد الله المسعودي ........(رحمهم الله جميعاً )


لهذه المحاورة بداية لم نستطع الحصول عليها

ألأخوان الأعزاء :
السلام عليكم ورحمة الله وبركاته
نشكر جميع من ساهم في نشر قصائد او محاورات شعراء مشاهير امثال مطلق الثبيتي والجبرتي وغيرهم ممن توفاه الله رحمهم الله رحمة واسعة او مازال حي يرزق نسأل الله لنا و لهم حسن الختام لذا ارجو ممن لديه
او يعرف اي محاورة شعرية للشاعر / ثواب بن طنف الجعيد مع اي شاعر اخر ان لايبخل علينا بنشرها
وانا متأكد من وجود مثل هذه المحاورات اتمنى لكم التوفيق
اخيكم
متعب بن ثواب الجعيد

يعطيك العافيه والى الأمـــــــــام
ونتمنى لك التوفيق
انت وجميع أعضاء الهيـــــــــــــــــــلا*** منتدى قبيلة عتيبة

الشاعر مطلق الثبيتي
 

رحم الله الشاعر مطلق الثبيتي واسكنه الجنه بوفاته فقدت المحاوره عمود من عمدانها فهو كان ومازال علم من أعلام المحاوره التي لاتستطيع ان تنساه فأرجومن الأخوان ان يتحفوننا بالمزيد عن حياة هذا العلم الكبير وعن محاوراته وشعره وشكرا للجميع.
فيصل المسعودي

يعطيكم العافية جميعا

ماقصرتو

تحياااااتي

اخي الكريم / ابن هليل

يعطيك الف عافيه على هالموضوع المتعوب فيه حقيقه واللذي يختص بشاعر عتيبه وشاعر القلطه الكبير

الشاعر

مطلق بن حميد الثبيتي ( رحمه الله )

تحياتي

بيض الله وجهك.

مشكـــــــــــــــــــــــــــــــــــــــــــــــ ـــــور
والله يعطيك العافية

بيض الله وجهك يالغالي