سبحان العظيـم الواحـد مغيـر الأحـوال=مثبت عباده هازم ابليس وجنوده
له الأمـر فـي تقديـر الأرزاق والآجـال =ولا فضل مع فضله ولا جود مع جوده
ألا يا عزيزي صاحـب الجـاه والأمـوال=ترى الغطرسه والكبر ماهي بمحموده
لعلمك غرور النفس ينقـص مـن الرجَّـال =ترى من يطيع النفس مايعرف حدوده
تمشيـه مـع دربٍ يعافـونـه الأبـطـال =تسوقه بطوع اماره السوء وتقوده
وأنا أشره على اللي من حموله وسلك اجلال=يوم انه يشوف الماكر الشين ويروده
لعلـك تفهَّـم كلمتـي يـا وسيـع البـال=تعرف انها من مخلصاّ جاب مجهوده
يحاول يدلـك للسنـع واحسـن الأعمـال =تواضعك للي يعرفك كل مقصوده
على شان يبقى ذكر طيبـك مـع الأجيـال=ترى الذكر مثل العمر لو غابوا شهوده
نصيحة محـبٍ مـا يـدوِّر وراهـا مـال=يدور جزاها واجرها عند معبوده

صح لسانك وبيض الله وجهك على الجزله ..

يعطيك العافيه ..

ولك كل ألتقدير