ليت النوايا تستوي ونفوسنا القشرا تعود=ليت القلوب السود تصبغ بالبياض الوانها
ليت البلايا اللي مضت تمشي بها عين الحسود=ياليتها ترجع على الحسّاد صوب اعيانها
ياصحابنا اللي باعدت مابيننا طوال السدود=ليت القضيّه تنتهي بكره ويقضي شانها
حنّا عيال اليوم والسّاهي يكفّيه السجود=واللي يبي يقرا الحقيقه يقتفي برهانها
حنّا عتيبه ياولد واجدادنا نعم الجدود=قوم الشجاعه والكرم يصهل صهيل حصانها
حنّا هل الطالات يوم الكايده نرقى سنود=حنّا مزبنت الكسيره نحتمي ورعانها
حنّا هل الفزعه ليامنّه بغى الظالم يسود=حيّ العتيبي لافزع فزعه يكيل اوزانها
حنّا وحنّا وان بغيت الصدق حنّا عيال عود=اسّس لنا دولة شجاعه ماتطيح اركانها
حنّا على ذبح الفريسه ماتخاشرنا الفهود=حنّا صقور الصيد تصعد للسما جنحانها
يفرح بفزعتنا عقيد القوم خانوه الجنود=ماترتخي راية ورايتنا تغير وزانها
يشهد لنا تاريخنا يوم الردي ماله شهود=يشهد لنا سيف الشجاع اللي علومه عانها
يشهد لنا تاريخنا يوم الّليال البيض سود=يوم القبايل تعتزي بالمعركه فرسانها
نجد العذيّه مالقت من خان فالهيلا عهود=اصغرهم اللي ماكذب واكبرهم اللي صانها
ماخانها ابن حميد واقف يحتميها في صمود=يوم استلم نجد العذيّه مايفك عنانها
مسلط وعسكر والعطاوي وان بغيت اذكر حشود=فرسان يوم المعركه يلعب بها شيطانها
وتحت راية دولته عبد العزيز آل السعود=سارت عتيبه في صفوف الحق مع فتيانها
سارت ولافيها ضعيف النفس مافيها شرود=بيض الوجيه اللي نطق بالحق عظم لسانها
بيض السيوف اصواتها غطّى على صوت الرعود=سود الرماح تصيب كبد الخاينه بأسنانها

المشاركة الأصلية كتبت بواسطة أبو نجر النفيعي (المشاركة 365804) .. صح لسانك .. يا مخلف الهقاوي .. قصيدةٍ جزله من راس جزززل.. وبيض الله وجهك يالغالي .. وننتظر جديدك .. . اخوك

المشاركة الأصلية كتبت بواسطة مخاوي العتبان (المشاركة 365812) الله الله قصيدة جزيلة من شاعر جزل بيض الله وجهك يالذيب وعساك على القوة

المشاركة الأصلية كتبت بواسطة ابوبجاد الرويس (المشاركة 365830) الله الله صح لسانكـ وبيض الله وجهكـ وتقبل مروري يالغاااالي

المشاركة الأصلية كتبت بواسطة زبن القاضي (المشاركة 365891) مخلف الهقاوي صح الساااااااااااااااااااااانك ولله درك احترامي وتقديري لك

المشاركة الأصلية كتبت بواسطة ابن معيض (المشاركة 365895) مخلف بيض الله وجهك وصح لسااااااانك وعلا شااااااااانك شهادتي فيك مجروووحه ابداااااع في ابدااااااااع تحياتي لك ،،

المشاركة الأصلية كتبت بواسطة صنداح الزلامي (المشاركة 365897) مخلف الهقاوي صح لسانك بيض الله وجهك يعلم الله أنني استمتعت بهذه القصيدة واعجبت بها وبشاعرها سجل أعجعابي وتقبل مروري نتطلع للمزيد من قصايدك