يامرحبا ترحيبة تقصر عـن اهـل الغطرسـه=وتقصر عن اهل الكبر واهل البوق واهل الذبذبه
احداّ على راس الهرم واحداّ على ظهر افرسـه=واحداّ يشاورلي برمش العين واذنه واشنبه
انـا الموجـه والمـدرس لامديـر المدرسـه=والناس ماتفهم ولا تقراء كلام نكتبه
واليا حضرنا فالمواقف والخطـر دق جرسـه=كلن يحاول يجتنبنا ويتذرا في اعربه
ان كان بعض الناس لو يامن يبي من يحرسـه=اليوم ابا اعرف السبب وش حكته ويش اجربه
والطيب مثل الغرس في بعض المواقع نغرسـه=لكن مهما نجتهد يضيع تينه واعنبه
والـلي لسانـه مايقـول الحـق ودك تخرسـه=حتى الطريق اللي يودي للهلاك يجنبه
وتحط في رجليـه ويدينـه سلاسـل وامرسـه=حتى يضيع بعد هذا الامر ضحكه واعجبه

صح لسانك وبيض الله وجهك على الجزله ..

يعطيك العافيه ..

ولك كل ألتقدير