أقرب شاعر المجال مفتوح
 

يا سلامي سلام(ن) من هجوس(ن) كبار = والمعــاني عظــيمه ثابـــت جــدارهــا
إن دخـلـت الـمنافـس جـاك يـمشي قـطار = والعـمايـر مـنيــفه عــنــد عــمــارهــا

مرحبا يامسلم قبل يبدا النهار===== والرجال الكريمه ماطفت نارها

والمنافس شريف وقلتهابأختصار===نقبله من رجال(ن)عز مقدارها

اخوي فارس
يعطيك العافيه

يبدولي ان اختيارك لتوقيت اخر الليل قبل الفجر بدقايق ماكان جيد هههه

والغريب اكثر من 20 مروا ولا قالوا كلمه اكيد ماعجبهم شغلنا لكن نعوضهم بالجايات


ودمتم

حياك الله يالغالي واستلم





كيف صارت علومك يوم جاك العصار = والـريـاح الـعـنيـفـه هـبـت غـبارهـا
الــمعـادن كــثـيـره ثــقـلهــا بــالعـيــار = يـوم جـيت الأصـيله عـاين عيارهـا

يامساء النور ياغالي

استلم


ماوصلنا خراب ولاوصلنا دمار====== والمصايب عسى الله يبعد ديارها
يمكن اللي وصلنا نوع واسمه غبار==== والدوادي كثيره نسمع اخبارها

يامساء الخير و استلم يالغالي




تـرا الـدنيا دواره بـيـن لـف ومـدار = والـمسالك عسى الله يهلك يسارها
يـا رفيقي تيـامن في يمين الـمسار = والـرجال البغيضه جـنب أشوارهـا

صح السنتكم

صاحبي كل طلعه تنتهي بأنحدار= = = والليالي صعيب(ن)نكشف اسرارها
دربنا واضح الأيمن ودايم مُنار==== ما جهلـنا دروب الحـق وانوارها

تسلم ياسفر

حظورك تشيع لنا

استلم ياذيبان



يــا رفيـقي تـطمن مـا يـطـيح الـجـدار = والـحصون الـمنيعه نـاطح أسوارهـا
انت واصل مسيرك دون قدح الشرار = والـنيران اللهـيبـه نـخمـد أضرارهـا

شكرا على المرور اخوي سفر وشرفتنا طال عمرك

اعتقد عندي مشكله في توقيت المنتدى وماني قادر اتعامل معها هو انا لحالي والا احد يشاركني بالمشكله

استلم يافارس

طاحت بيوت والعالم تمنت شهار= = = ولا لقت من يوديها على شهارها
ودي انشدك هات العلم يامستشار=== من بقافي البيوت ومن سكن دارها

والله اني مثلك وانا اخوك معتمس عندي الوقت بس مع الايام انشاء الله ننسجم معاه
واستلم وانا اخوك


أنت ودك تحرر من ضغوط الحصار = مير جوهر جفونك هلت إعبارها
تراني من العرب ماني من قندهـار = تـبـي تـلـقـا جـوابك عـنـد زوارها

العرب ماتحب القصف والأنهيار===ماتحبه عليها ولا على جارها
لكن الله بلانا جٍعل قصف العمار===يقصف اللي تسبب في تغيًارها

مساء الخير يابادي

تأخرت الله يرعاك

كان اللعب معك ممتع

اشكرك والى لقاء آخر ان شاء الله

انا تاخرت وانا اخوك لظروفن جاتني والله لايوريكم مكروه

واستلم ياذيب





يوم جيتوا يا سارح على جمر الحرار = أبـسقيكـم الـدله زايـد بهـارها
أنت ثـبـت حـزامـك لا يـــطـيح الـوزار = ثم تلقا الأوادم ترسل أنظارها

راح فكرك بعيد(ن)عقب طول انتظار====لكن ارجع وفكر جبلنا غارها
والحزام احتزمنا مالبسنا سوار==== والعقول السليمه نسمع اشوارها

لا تجي للملاعب وانت فيك احتضار = وانت نفسٍ ضعيفه يسهل إعسارها
وانت مثل العقارب منزويلك في غار = والعقارب كسيره دست في غارها

وانما الأمم لأخلاق ان بقيت وان هم ذهبت اخلاقهم ذهبوا


شكرا طال عمرك والى لقاء قادم

حياك الله وفرصه سعيده اللي كسبناك فيها والشعر مزوح وانت على العين والراس يالغالي