في منتدى العتبان ربعي هل الطالات والطيب = ابدا سلامي ياعتيبه وانا قايد كتيبه
حاضر بحاضر ياعتيبه ولا فيها مناديب = وترى الحصان العبث لابد يخزم من سبيبه

في منتدى العتبان ربعي عطيبين المضاريب=يا مرحــبا باللي حضر بالنيابه عن عتيبه
ان كان جر الذيب صوته على روس المراقيب=لا يامن البندق ليـــــــا ثوّرت يمكن تصيبه

ياصاحبي ماضاع فالوقت يلقا فالمكاتيب = تلقا وليد الناس مضوي على ربعه مصيبه
انته تصوّب للهدف مير اضن الرامي يخيب = بعض الاوادم لامشى بان به شكه وريبه!!

الحـّر يا خيال لا حام يشبع بالمخاليـب= والشك زايل في رجالن يحلون الصعيبه
ان كان ودك بالسلامه من القناص يا ذيب=احسب حسابك للبعيده وحسّب للقريبــــــه

سبحان من خلاك ياصاحبي ضمن المعازيب = وانته من ايامٍ مضت مامعك ماتلتهيبه
لولا حيايه من هل الطيّبه واهل المواجيب = ان كان احط اليوم يابواردي فوقك نصيبه

هذا جزا اللي ينطح اهل النقيصه بالتراحيب= من يمكم لــو جاتني مثلها ماهي غريبه
ان كان تبغا العلم تحتاج لك خبره وتدريب = حتى تقص الجــره وتعرف تصيب الضريبه

ترى النقيصه ماتجي بيننا والشك والريب = حاسب على نفسك ترى الناس ماتقبل معيبه
داوي جروحك يالعتيبي عساك تشوم وتطيب = وان كان ماحصلت رد الخبر وانا طبيبه

والله لو منت بعتيبي ومن ضمن الاجانيب= لا سقيك من كاس الاهانه وتسري بالغليبه
لكن على الله يا زمان جمع جحدر مع كليب=هذي تصاريف الليالي ودبرتها العجيبــــــه

بالهون يارجال لاتقضبك عكف الاشانيب = خل السوالف فالخلا مالها فالوقت هيبه
حنا ليا دارت رحانا معك نبين وتغيب = وانته رجل لكن مابان فالميدان طيبه

خسران ياللي تنطح السيف الاملح بالمشاعيب = ومعثور ياللي وسط سوق الذهب تعرض زبيبه
انتم ليا دارت رحاكم وصلكم مــــــــــورد الهيب = واخلف هقاويكم وفرّق حبيبً عن حبيبه