عز الرياض وعز وادي حنيفه=وعز الاماره والامور العظايم
عدل الحكم سلمان بالعز ريفه= خمسين عامٍ كل ابوها غنايم
تبصر بعدله عين حيٍ كفيفه= المجد له والطيب والعز دايم
زعيم نجد الي حمى الدارسيفه=والفعل يعرف عند نطل العمايم
ياقف سوات طويق محدٍ يخيفه=لاجاء نهارٍ فيه عج وسمايم
واليا وقف سلمان نصره حليفه=دايم معادينه تذوق الهزايم
بيرق سموه مايوقف رفيفه=هبت عليه من الهبايب نسايم
سلمان سعد الي حياته كسيفه= طب الكبود الصابرات السقايم
حلال عسرات الامور الكليفه= عنده على العسرات صبر وعزايم
ابو اليتاما مايسكٌر مضيفه= في ظل بشته روح زاهد وشايم
رمز العداله والنوايا نظيفه= يوم اكثر العربان للحق ضايم
من طيب راسه نجد صارت مريفه=وانا اشهد ان الجو فيها ملايم
واكبردليل اعروقها والحتيفه= صارت بساتينٍ بها الطير حايم
نقله حضاريه وخطه شريفه= ماتنشرى في سوق بايع وسايم
قمة تطوٌر سجٌلتها الصحيفه=على خطط سلمان والعز قايم

عزالرياض وعز وادي حنيفه = وعز الاماره والامور العظايم
عدل الحكم سلمان بالعز ريفه =خمسين عام وكلبوها عنايم
تبصر بعدله عين حي كفيفه = والمجد له والطيب والعز دايم
العز دايم والمبادي شريفه = ريف الضعيف اللي له الحمل ضايم
هداج تيما مانقص من غريفه = قسمه من الطالات خير القسايم
مثل الخيال اللي تزايد قنيفه =للطيب في وجهه تبين علايم
حلحيل حلال الامور الكليفه = له هيبة ٍ يثبت لها كل قايم
بالعقل والحكمه قليل ٍ وصيفه = ارس العدل واوقف جميع الظلايم
ارخا على روس المعادين سيفه = وزاح الظلام وماحصل من جرايم
مثل الاسد لهل النوايا السخيفه= اللي سعوا للتفرقه بالنمايم
سلطان نجد وقمة المجد كيفه = حقق جميع اللي رسم بالعزايم
سجل له التاريخ صفحه نظيفه = صفحة بطوله ماتعرف الهزايم
خلا صحاري نجد خضراً مريفه = وظل ٍ يظلل من شموس وسمايم
عان الرياض امست عروس ٍ عفيفه = عروس نجد وغيرها ما يلايم
فيها تساوى مع ربيعه خريفه = قمة جمال وذعذعي يانسايم

عز الرياض وعز وادي حنيفه=وعز الاماره والامور العظايم
عدل الحكم سلمان بالعز ريفه=خمسين عام كل ابوها غنايم
تبصر بعدله عين حيٍ كفيفه=المجد اله والطيب والعز دايم
قدام حكمه والشريفه كسيفه=واليوم في جنة قوي العزايم
قطع ضماها واستلمها رغيفه=ثم انتشلها من جحور الظلايم
عدابها فوق الجبال المنيفه=حامت بعز وفوقها العز حايم
هذا الشريف اللي عشقله شريفه=لبو فهد تلبس جديد اللثايم
تامن تحت حكمه وتخضع لكيفه=جعله يدوم ودايم الحظ قايم
ياقوم ياباريس واخضر جنيفه=المجد والروعه رياض النعايم
سخر لها غالي ربيعه وصيفه=ويخاف تجرحها لهيب السمايم
وعينه وراها فالليال المخيفه=لانامت عيون الخدوش الهلايم
شجيع واليمنى سوات القذيفه=من ناشته يمناه ذب الخرايم
لبو فهد شامت عزيزه عفيفه=من شانها ماله ووقته خدايم
وابوه قبله محتميها بسيفه= اعداه قدمه يشترون الهزايم

عز الرياض وعز وادي حنيفه=وعز الاماره والامور العظايم
عدل الحكم سلمان بالعز ريفه= خمسين عامٍ كلبوها غنايم
تبصر بعدله عين حيٍ كفيفه= المجد له والطيب والعز دايم
تنعم بجوده كل اسره ضعيفه= ذرى اليتاما عن هبوب السمايم
حبه تغلغل فالقلوب النظيفه= ومال القلوب بحب سلمان لايم
امير نجد اللي جهوده كثيفه = تنقاد في مدحه جداد الوسايم
يابين فعله فالليالي المخيفه= لا طاح ستر مرودعات الوشايم
حاز المراجل والمراجل كليفه= ماهيب سلعه بين بايع وسايم
وسلك طريق اهل النفوس العفيفه= وعن كل شيٍ يغضب الله شايم
ابو فهد في نجد شرع مضيفه= بحر المكارم فيه سلمان عايم
امير. لا والله نعده خليفه= خليفة معزي عدو الظلايم
مودع نفوس اعداه تنكف معيفه= وملبس عدوه ثوب عار وهزايم
خلا وحوش الارض تصبح اليفه= بالصبر والحكمه وقو العزايم
الحكم حكم الله والسيف سيفه = وحنا جنوده يوم نطل العمايم
شح الكلام ولا بقا مانضيفه = الا الشكر للي على نجد قايم

عز الرياض وعز وادي حنيفـه=عز الاماره والامـور العظايـم
عدل الحكم سلمان بالعـز ريفـه=مسيـن عـامٍ كلبوهـا غنايـم
بصر بعدله عيـن حـيٍ كفيفـه=لمجد له والطيـب والعـز دايـم

مجــدٍ ينــــادابـه ومجـــدٍ يضيـفه=في هالسنين وفالسنين القدايم
سلمـــان ضلــع من الجـبال المنيفه=عــيال اخـــو نـــوره قوي العزايم
المجـــد يــوم أنـــّه دروبه كليـفه=لبســوه صـــنعة لبســـهم للعمايم
وسلــمــان حصــنٍ فالليال المخيفه=من يزبنه يبـــشر له بحـــظ قايم
جـــوده مثـل جود البحور المطيفه=اللي على غباتها الطيــر حــــايم
وعـــزه مثــل خالد ورمحه وسيفه=اللي فعــل بالمشركـــين الهـــزايم
وطيــبه مثــل عثـمان ذاك الخليفه=كـم واحـــداً فظـــلال سلمان نايم
وتقــواه تقــوى عَـمـَرَ وأبـو حُذيفه=تـــلقاه دايم يــوم الاثنـــين صـايم
بالدين وسلــوم الرجــال الشــريفه=رقــى رقـــى في عاليــات العدايم
أميــر نـجــد ونجـد عشـقه وكيفه=رجــلٍ مــــلايم فالمكـــان المـلايم
نجـــد بهــواه ..تهيم مثل العفيفه=سلمان برضه.. في هوى نجد هايم
إلحـــافها وقت البـــرود العنــيفه=إظـــلالها من دون لفـــح السمايم
معــه الرياض أمست ذلولاً عسيفه=قتـــادها واســـمه عليـــها وسايم
خمسيـــن عــامٍ سجّلت فالصحيفه=طـــور وخيـــر وشمـــوخ ونعــايم
وسلمان من سد الضلـوع النحيــفـه=غـالي ولالي في غــلا الشيــخ لايم

عز الرياض وعز وادي حنيفه=وعز الاماره والامور العظايم
عدل الحكم سلمان بالعز ريفه=خمسين عام كل ابوها غنايم
تبصر بعدله عين حي كفيفه=المجد له والطيب والعز دايم
اللي فعوله كالجبال المنيفه=والاكما غر المزون الردايم
هدا زعيم الجود والا حليفه=والجودمن سلمان راع العزايم
يانجد صرتي للثريارديفـه=شيخك شمخ بك فوق والحظ قايم
خمسين عام يالعذيه مريفه=يداعب ازهارك هفيف النسايم
يضفي عليك ردونه اللي ضفيفه= عشتي بظله عن هبوب السمايم
صعبات الاريا عندراسه عسيفه=مطوع القاسي قوي الشكايم
ياشيخنااللي يقطع الحق سيفه=عساه يبطي مايجيبه ثلايم
ويارب شمسه جعل ماهي كسيفه=تبطي لنا مادونهاالجو غايم
ويسلملناراع الخصال الشريفه= وعسى السعد طيره على العز حايم
ياخوفهد يابوفهد ريف ضيفه=ياعزمن يشكي عليك الظلايم
محبتك تملا القلوب النظيفه= ولاهي جديده ورثنامن قدايم
لوالله اللي تو ماطاب كييفه=الشاعر اللي فيك غنا على آيم

عز الرياض وعز وادي حنيفه=وعز الاماره والامور العظايم
عدل الحكم سلمان بالعز ريفه= خمسين عامٍ كل ابوها غنايم
تبصر بعدله عين حيٍ كفيفه= المجد له والطيب والعز دايم
=============== =================
امير نجد مزين الحق سيــفه= يأ سعد منهو نصرته فالظلايــم
يفتل وينقض والفعايل كليــفه= ضد الفساد وضد كل الجرايــــم
مأ احد ٍشكاله ظلم والا مخيفه= وسلمان منصأ طايلات العلايم
كل الصعيبه في يمينه عسيــفه= تلقالها فالمجد عنده وسايـــــم
إلها سمات ٍ في جنابه نظيـــــفه= يسعد بها للخير وقت الثلايـــم
رائيه نزيه ونيته بالشريـــــــــفه= ستر العذاراء لابسات اللثايـم
هو حامي الخيفات وقت المخيـفه= لأضاعت الهقوات والجوغايم
حر ومغنه من جبال ٍ منيـــــــــــفه= ماكر حرار ومن رجال ٍصرايم

عز الرياض وعز وادي حنيفه=وعز الاماره والامور العظايم
عدل الحكم سلمان بالعز ريفه=خمسين عام كل ابوها غنايم
تبصر بعدله عين حي كفيفه=المجد له والطيب والعز دايم
اللي فعوله كالجبال المنيفه=والاكما غر المزون الردايم
هدا زعيم الجود والا حليفه=والجودمن سلمان راع العزايم
يانجد صرتي للثريارديفـه=شيخك شمخ بك فوق والحظ قايم
خمسين عام يالعذيه مريفه=يداعب ازهارك هفيف النسايم
يضفي عليك ردونه اللي ضفيفه= عشتي بظله عن هبوب السمايم
صعبات الاريا عندراسه عسيفه=مطوع القاسي قوي الشكايم
ياشيخنااللي يقطع الحق سيفه=عساه يبطي مايجيبه ثلايم
ويارب شمسه جعل ماهي كسيفه=تبطي لنا مادونهاالجو غايم
ويسلملناراع الخصال الشريفه= وعسى السعد طيره على العز حايم
ياخوفهد يابوفهد ريف ضيفه=ياعزمن يشكي عليك الظلايم
محبتك تملا القلوب النظيفه= ولاهي جديده ورثنامن قدايم
لوالله اللي تو ماطاب كييفه=الشاعر اللي فيك غنا على آيم

عز الرياض وعـــز وادي حنيفه = وعـــز الاماره والامور العظايم
عــدل الحكم سلمان بالعـــز ريفه =خمسين عــــــام كل ابوها غنايم
تبصر بعـــدلـــه عيـن حي ٍكفيفه = المجد لــــه والطيب والعــز دايم
صقر ٍورعـــــاد السحايب رفيفه =خمسين عــام ٍفي سمــا نجد حايم
يكســـر وكسرات النداوي عنيفه = لا شاف لـه عن منهج الحق هايم
وسلمان وان جات المواقف كليفه= مـــــابـــه كليفـه دام سلمـان قايم
مثل الجبــال الراسيــــات المنيفه= ملجـا الذيابه مع وحـوش الخرايم
ودرع ٍبـــوجه النايـبـات المخيفه =ولـه هيبةٍ في نجـــد صاحي ونايم
ياشبل من ذاك الأســـد ياوصيفه = يـاصيـــرمـي ٍمــاتضـدك صرايم
يانسـل ابو تركي ويــاحـــد سيفه = يانـسـل مـن جــرع عــدوه هزايم
انت الفخر والجــــود كفك حليفه =وبشتك كسا نجدٍ كما السحب غايم
ويـاسيدي كــل المبـــادي شريفه = يافزعة المضيوم من جـــور ضايم
ويابوفهد لو خصصوا لك صحيفه =لاصدار ما انجـزت السنين القدايم
يبي لـــك اقـــلام تراكض عسيفه = وامــداد حبر ٍ كالمحيطــات عايم
ويــانجـد حـنــا فخـرنــا يالعفيفه =سلمــان سلمــان الفخــر والعزايم

عز الرياض وعز وادي حنيفـه=وعز الاماره والامـور العظايـم
عدل الحكم سلمان بالعـز ريفـه=خمسين عامن كل ابوهـا غنايـم
تبصر بعدله عين حي(ن) كفيفـه=المجد له والطيـب والعـز دايـم
وتحيى به ارواح اليتامى الضعيفه=في عونت المظيـوم مـداد قايـم
ويكف دمع اللي دموعـه ذريفـه=ويعز من حظه مع النـاس نايـم
راعي اليدين الطاهرات الشريفه=لا مد يمنى الخير هبـت نسايـم
شوف الرياض اللي بكنفه عفيفـه=ما ضامها من شر الاحقاد ضايم
للحق والنومـاس يثنـي الكليفـه=مـا ياخـذه فالله تعذيـل لايـم
صلف المعاني والجمالات سيفـه=حراً على روس الطويلات حايـم
امعرب الجديـن يمنـى الخليفـه=شيخاً تسيد في زمـان الحكايـم
من بيت عز اهل السيوف الرهيفه=اهل الكرم واهل السخا والعزايـم
في صفحه التاريخ شامخ عريفـه=فيه المثل يضرب ولا له غرايـم
صعر خشوم الكايـدات العنيفـه=لا هوب يشريها ولا هوب سايـم
بالدين شامـخ والعقيـده حنيفـه=وهدي النبي ممشاه بالدين شايـم
سلطان نجد وعز ربـي حليفـه=في عهده الممدود عشنـا النعايـم